पारकास 17:16 - आठपहरिया

¹⁶ खान्‍ङा आनिसुना हिट्‌ना जिवाट् लोक् ठिमेक् उन्‌चि टाङ् उलिसागाँ हिट्‌ना वालाफेडुमा चिम्‍मा उफुट्‌टुटु॥ हिट्‌नुङ् हिट्‌नालोक् उलिसागा सोब्‍बे थोक् ओनाप्‍टुङ् एकेलिपोट् ओचोगुटु, हिट्‌नाङाना ओसा ओचोटु हिट्‌नुङ् हिट्‌ना मिङा उटुनुटु॥

पारकास 17:16 ပူးပေါင်းရင်းမြစ်များ

पारकास 12:3

हिट्‌नुङ् टोनालोग्‌ङि आरको डोङ् ठोङ्‌डिना ठिक् चिन्‍ना आङा निसुङे॥ हिट्‌नि माङ्‌ठेना फाना ओप्‍पु आङा निसुङे॥ हिट्‌नाङाना सि ओटा ओटेहेक् लोक् ठिमेक् गोटा ओटाङ् डाना, हिट्‌नुङ् सि ओटा ओटेहेक्‌ङि डोक् मुकुट् डाना॥

पारकास 16:12

आरको छैंटौँ माङ्‌हाङ् रिङ् काउग्‍बाङा उन्‍ङाना ओखोरे हिट्‌ना ठेना युफेरटिस होङ्‌ङि हुङ्‌सुए, हिट्‌नुङ् पुरबालाम्‍मा हाङ्‌बाचि आप्‍माना लाम्‍बो उलियाक् नुङ् हिट्‌ना ठेना होङ्‌ङिना चुवा चोबाडे॥

पारकास 17:10

लेम्‍बोक् जाना हाङ्‌बाचि ओमेगाडे, ठिबाङ् हाङ्‌बाङा सासान् चोगुएट्‌टु, हिट्‌नुङ् आरको हाङ्‌बा आझै टानिगेट्‌निना॥ जब हिट्‌ना टायुक्, हिट्‌नाँ छोप्‍मोङ् बेला एडोक् सासान् चोगुटु॥

पारकास 18:19

हिट्‌नुङ् हिट्‌नागाँ उन्‌चि टेहेक्‌ङि खाम् ओठेन्‍डुङ् नाड्‌डे पिक्‍सा हाप्‍सा सानिङ्‌ग्‍वा ओलोसे, ‘एलाह्, एलाह्, ना खालाङ्‌गाङिना माक्‍फेन्‍सुबेन्‌लाम् चुवाखोङ्‌डाङ्‌ङिगा मालिक्‌चि वागाठागा उलिसाइसागा॥ टरो छोप्‍मोङ्‌ङा डोक् हिट्‌ना खालाङ्‌गाङिगा सोब्‍बे थोक् जाखाम् लिसे!’

पारकास 18:8

हिट्‌नाडेउङ् हिट्‌नागा उठुङ्‌ङि ठिक्‍ए लेम्‍बा डोक् बिपोत्‌ति ओटायुक्॥ हिट्‌ना खालाङ्‌गाङिगा याप्‌मिचि उसियुक्, सानिङ्‌ग्‍वा ओलोयुक्, याप्‌मिचिङा चामा-ठुङ्‌मा पाक्‍चा ओटोगुन्‍ना, हिट्‌नुङ् हिट्‌नागाँगा खालाङ्‌गा मिङा टुनुङ् जाखाम् लियुक्॥ पोङ्‌भोने हिट्‌ना खालाङ्‌गाङिगा याप्‌मिचि साजाए कापि माङ्‌हाङ् डाङ्‌बा साक्‌तिसालि माङ्‌हाङ् ए॥”

पारकास 19:18

हिट्‌नुङ् खानिङा हाङ्‌बाचिगा, काप्‍तानचिगा, बोल्‍लेउ याप्‌मिचिगा, टाङ्‌राङ्‌बा हिट्‌नुङ् टाङ्‌राङ्‌बाङि ओठाङागा याप्‌मिचिगा, कामारा हिट्‌नुङ् कामारा माखाक्, हिट्‌नुङ् ओठेगा लोक् ओखाट्‌टिउगा सोब्‍बेङागा सा चानुम्॥”