पारकास 17:12 - आठपहरिया

¹² “खान्‍ङा आनिसुगा ठिमेक् गोटा ओटाङ् ठिमेक् जाना हाङ्‌बाचि ए, हिट्‌नागाँ आझै सासान् चोक्‍मा उटुम् ओचोगुन्‍गेट्‌टुन्‍ना॥ टरो हिट्‌नागाँ हिट्‌ना जिवाट्‌लोक् होप्‍मो बेला सोम्‍मा एक्‍केउ सासान् चोक्‍माना आधिकार ओटोगुटु॥

पारकास 17:12 ပူးပေါင်းရင်းမြစ်များ

पारकास 10:11

हिट्‌नुङ् आङा कोइङा नाड्‌डे याङ्‌लोडे, “खान्‍ङा फेरि माङ्‌हाङ्‌ङाना खाबोर याप्‍मा याप्‌मिचि, छोङ्‌बाचि, खाले-खाले रिङ् ओचेक्‍गा याप्‌मिचि, हिट्‌नुङ् हाङ्‌बाचि बारेङि लोमाचि कोन्‌युक्॥”

पारकास 12:3

हिट्‌नुङ् टोनालोग्‌ङि आरको डोङ् ठोङ्‌डिना ठिक् चिन्‍ना आङा निसुङे॥ हिट्‌नि माङ्‌ठेना फाना ओप्‍पु आङा निसुङे॥ हिट्‌नाङाना सि ओटा ओटेहेक् लोक् ठिमेक् गोटा ओटाङ् डाना, हिट्‌नुङ् सि ओटा ओटेहेक्‌ङि डोक् मुकुट् डाना॥

पारकास 13:1

हिट्‌नुङ्‌ना आङा सामुन्‍दरालाम् ठिक् जिवाट् भारा होन्‍डा काडाना निसुङे, हिट्‌नाङाना ठिमेक् ओटाङ्, हिट्‌नुङ् साङ् ओटा ओटेहेक् डाना॥ हिट्‌नाङाना ख्‍वाप्‍पा ओटाङ्‌ङि ठिक्-ठिक् मुकुट् डाना, हिट्‌नुङ् हिट्‌नाङाना ख्‍वाप्‍पा ओटेहेक्‌ङि माङ्‌हाङ् लोमाजामाना निङ् ओछेप्‍टुएसुना॥

पारकास 17:16

खान्‍ङा आनिसुना हिट्‌ना जिवाट् लोक् ठिमेक् उन्‌चि टाङ् उलिसागाँ हिट्‌ना वालाफेडुमा चिम्‍मा उफुट्‌टुटु॥ हिट्‌नुङ् हिट्‌नालोक् उलिसागा सोब्‍बे थोक् ओनाप्‍टुङ् एकेलिपोट् ओचोगुटु, हिट्‌नाङाना ओसा ओचोटु हिट्‌नुङ् हिट्‌ना मिङा उटुनुटु॥

पारकास 18:10

हिट्‌नागा हाङ्‌बाचिङा हिट्‌ना खालाङ्‌गाङिगा याप्‌मिचिङा ओटोगुना याङ्‌छामा उनिसुङ् उन्‌चि किप्‍माङा लाप्‍माङ् ओयेब्‍युङ् नाड्‌डे ओमाट्‌टुटु, ‘एलाह्, एलाह्, साक्‌तिसालि हिट्‌नुङ् माङ्‌ठेना बेबिलोन खालाङ्‌गा, छोम्‍मोङ्‌ङा डोक् खान्‍ङा साजाए आटोगुए!’

पारकास 18:17

टरो छोम्‍मोङ्‌ङा डोक् हिट्‌नाङाना जोम् माक्‍फेन्‍सुबेन् जाखाम् लिसे॥’ सोब्‍बे चुवाखोङ्‌डाङिगा काप्‍तानचि, हिट्‌नि ओवासेट्‌टागा याट्‌रिचि, नाबिक्‌चि, हिट्‌नुङ् सामुन्‍दराङिगा बेपारिचि सोब्‍बे हिट्‌ना खालाङ्‌गालाम्‍मा लाप्‍माङ् डोक् ओयेबे,

पारकास 18:19

हिट्‌नुङ् हिट्‌नागाँ उन्‌चि टेहेक्‌ङि खाम् ओठेन्‍डुङ् नाड्‌डे पिक्‍सा हाप्‍सा सानिङ्‌ग्‍वा ओलोसे, ‘एलाह्, एलाह्, ना खालाङ्‌गाङिना माक्‍फेन्‍सुबेन्‌लाम् चुवाखोङ्‌डाङ्‌ङिगा मालिक्‌चि वागाठागा उलिसाइसागा॥ टरो छोप्‍मोङ्‌ङा डोक् हिट्‌ना खालाङ्‌गाङिगा सोब्‍बे थोक् जाखाम् लिसे!’