पारकास 14:13 - आठपहरिया13 हिट्नुङ् टोनालोग्लाम् नाड्डे मुक्टाना ठिक् सोरा आङा खेम्सुङे, “ना रिङ् छेप्टु, हाट्ले नुङ् टाङ्बा बिस्वास ओचोगुङ् उसियागा याप्मिचि माङ्हाङ्ङा आसिक् पिडुचिचि॥” सेङ्सेङ्ना हाङ्साङा नाड्डे माट्टुए, “छेम्बा ए, हाट्ले नुङ् हिट्नागाँ टुक्ना टोॽवा चोक्मा कोन्निना॥ हिट्ना ओसाट्टोङि माङ्हाङ्ङा हिट्नागा आराम पिडुचिचि, हिट्नुङ् हिट्नागाँ ओचोगुना टोॽवाङाना इनाम् हिट्नागा पिडुचिचि॥” အခန်းကိုကြည့်ပါ။ |
पारकास 14:13
41 ပူးပေါင်းရင်းမြစ်များ
आङालोक् खानि ठिक् रिङ् लोमाना रिङ् युङ्ग्वा॥ हाट्ले माङ्हाङ्ङि भोक् ठाङ्माना याप्मिचिलोक् जिवाट् युङ्ग्वा भोने, हिट्नागालोक् आङ्गुर ओमोॽवा चा युङ्ग्वा हिट्नागाँ हिट्ना भोक्ङाना रुपङि ओठाङ्सुटु॥ छेम्बा डोक्, खानि बिस्वास चा माङ्हाङ्ङि आठाङ्सुम्ना हिट्ना भोक् गाड्डेना डोक् ए॥ हिट्नुङ् याप्मिचिङा आङा सेप्मा चा उहिङा, हिट्डेउङ् आचोलाम्बाक् माङ्हाङ्लाउङ्सा ठाङ्बालाक् आङ्गुर ओमोॽवालोक् टोङ्मा हिडुङ्टुङ्॥ हिट्नुङ् आङा खानिलोक् एक्केउ आनान्दा चोक्ङा॥
हिट्नुङ्ना सातौँ माङ्हाङ् रिङ् काउग्बाङा उन्लोक् लिसाना उधुटुरिबा टेनुए, हिट्नुङ् टोनालोग्ङि माङ्ठेना सोरा याप्मिचि ओचेक्युएट्गा गाड्डे मुक्टानाँ नाड्डे याङ्लोडे, “आनि डाङ्बा माङ्हाङ् हिट्नुङ् उन्ङा सेगुना खिरिस्टङा हाट्ले सोब्बे नाराङि सासान् चोक्माना आधिकार युङ्ग्वा, हिट्नुङ् उन्ङा डोक् सोरोक् सासान् चोगुटु॥”
हिट्नुङ्ना टोनालोग्ङिना माङ्हाङ्ङाना माङ्ठाना ओङ्से, हिट्नुङ् हिट्ना भिट्रा सेङ्सेङ्ना बाकास आङा निसुङे, हिट्नि माङ्हाङ्ङाना माङ्हुप् युङासाना हिट्ना लुङ्गेॽवाङि आच्छो बेला छेप्बालाक् डाना॥ हिट्नुङ् बिजुलि ओम्से, टाङ्साङ्ङि घुरुङ्बा लोसे, लुक्लेमा खाडे, हिट्नुङ् ठेगा-ठेगा फोम् ओठाए॥
“खानि सोब्बेलोक् खेम्माना नुभेक् युङ्ग्वा, हिट्डेउङ् माङ्हाङ् ओहाङ्साङा खानि माङ्पाङ्ङिगा लाउङ्सा पाक् मालोडिटिगा हिट्ना नुलोक् खेम्सानुम्॥ हिट्नुङ् जुन् याप्मिङा दुस्टाङाना ओसाक्ति मेट्टुटु हिट्ना आङा माङ्हाङ्ङाना टोनालोग्ङिना बाकेंचाङि लिसाना चोला आपिना सिङ् उभुङ्माङि केङ्ग्वाना टुल्फुल चामा पिडुङ्टुङ्॥
माङ्हाङ्ङा हिट्नागा ख्वाप्पालाउङ्सा फुट्ना लोट्लिङ् वाप्मा पिडुचे, हिट्नुङ् हिट्नागा नाड्डे लोडुचे, “होप्मो बेला सोम्मा खानि आराम चोगानि, पोङ्भोने आझै खानिलोक् टोॽवा काचोक् खानि साइबाचि हिट्नुङ् टाङ्बाङाना सेवा काचोक् बिस्वासिचि खानि गाड्डे डोक् याप्मिचिङा ओसेडुचिचि॥ जब हिट्ना ओसेडुचिगा साङ्ख्या युयुक्, हिट्नुङ् एरोक् आङा साजाए पिडुङ्चिङ्चिङ्॥”
ကြော်ငြာတွေ