पारकास 12:12 - आठपहरिया

¹² हिट्‌नाडेउङ् टोनालोग् लोक् हिट्‌नि कायुङ्‌बाचि, हारका लिसानि॥ टरो नारा लोक् सामुन्‍दराङि कायुङ्‌बाचि, इनामा खानिलाउङ्‌सा, सैतान खानि सोरि टाइसे॥ हिट्‌नुङ् हिट्‌नाङाना आड्‌डिक् ओयाग्‍लेडैसे, पोङ्‌भोने हिट्‌नाङा ओबेला खाट्‌टिप्‍मा एडोक् युङ्‌ग्‍वा नुङ् ठाहा टोगुएसुए॥”

पारकास 12:12 ပူးပေါင်းရင်းမြစ်များ

लुका 15:10

आङा खानि लोनाँनि, हिट्‌डेडोक् पापलाम्‍मा काएल्-काबु लिना ठिबाङ् पापि याप्‌मि लोङ्‌सा चा माङ्‌हाङ् रिङ् काउग्‍बाचिगा उन्‌चि चाप् टायुक्॥”

लुका 2:14

“सोब्‍बे नुङ्‌ना उठुइ टोनालोग्‌ङि आयुङ्‌ना माङ्‌हाङ्‌ङाना निङ् टो-टो उलियाक्, हिट्‌नुङ् उन्‍ङा निङ्‌ग्‍वा टाडुचिगा ना नाराङिगा याप्‌मिचिङा हाङ्‌हाङ् निङ्‌ग्‍वा ओटोगुयाक्‍टुवाक्॥”

हिब्‍रु 10:37

धारमाछाप्‍लाङि नाड्‌डे छेप्‍टेसे– “हाट्‌ले उन् एला डोक् उङ्‌युगेट्, हिट्‌नुङ् उन् ढिलो मिचोक्‍ङे उङ्‌युक्॥

२ पाटरुस 3:8

टरो मायालु आसाइबाचि, ना ठिक् रिङ् खानिङा मुन्‍नेनुम्॥ टाङ्‌बा लाउङ्‌सा ठिक् लेम्‍बा हाजार बारखा गाड्‌डे हिट्‌नुङ् हाजार बारखा ठिक् लेम्‍बा गाड्‌डे लियुक्॥

पारकास 10:6

हिट्‌नुङ् हिट्‌ना माङ्‌हाङ् रिङ् काउग्‍बाङा सोरोक् उहिङ्‌ग्‍वाट् लिना, टाङ्‌साङ्, नारा, सामुन्‍दरा हिट्‌नुङ् हिट्‌नि उलिसागा सोब्‍बे थोक् सिरिस्‌टि काचोक्‍बा माङ्‌हाङ् उनिङ्‌ङि बाचा रेक्‍टुए॥ हिट्‌नुङ् हिट्‌नाँ माट्‌टुए, “हाट्‌ले आबेला लिनिना॥

पारकास 11:10

नागाचि इप्‍पाङ् साँचि कापिचि सियाचिनाँ नाराङिगा याप्‌मिचिगा उन्‌चि चाप् टायुक्॥ हिट्‌नुङ् उन्‌चिलोक् उलिसागा थोक्‌चि ओहान्‍डुजोङ् आनान्‍दा ओचोक्‌युक्, पोङ्‌भोने नागाचि माङ्‌काटाचिङा नाराङि उलिसागा याप्‌मिचि जोम् याङ्‌छामा चाट्‌टैसुचिगा डागा॥

पारकास 11:14

दोस्‍रो बिपोत्‌ति लाट्‌टाडेए, हाट्‌ले तेस्‍रो बिपोत्‌ति टामा डोक् युङ्‌ग्‍वा॥

पारकास 12:9

हिट्‌ना ठेना ओप्‍पु आच्‍छो बेलाना ओप्‍पु ए, हिट्‌ना दियाबालास हिट्‌नुङ् सैतान चा ओलोडुए, हिट्‌नाँ डोक् सोब्‍बे नाराङिगा याप्‌मिचि बान्‍डुचिगा॥ हिट्‌ना उदुतचिलोक् एक्‍केउ नाराङि ओलेप्‍टुए॥

पारकास 13:6

हिट्‌नुङ् हिट्‌नाङा माङ्‌हाङ् उबिरुद्‌दाङि ओचाफेम्‍मा रिङ् चेक्‍टाउङ् माङ्‌हाङ् उनिङ् लोक् उन् युङ्‌ना ठोङ्, हिट्‌नुङ् टोनालोग्‌ङि उयुङ्‌गा सोब्‍बे ओचाफेन्‍लोक् चोगुचे॥

पारकास 18:20

हाउ टोनालोग्‌ङि उलिसागा, हिट्‌ना जाखाम् लिसानाँ हारका लिसानि॥ माङ्‌हाङ् ओयाप्‌मिचि, मुलिचेलाचि हिट्‌नुङ् माङ्‌काटाचि सोब्‍बे हारका लिसानि॥ पोङ्‌भोने हिट्‌नाङा खानि लाउङ्‌सा जे चोगुए, हिट्‌ना लाउङ्‌सा माङ्‌हाङ्‌ङा साजाए पिडुएसुए॥”

पारकास 8:13

हिट्‌नुङ् आङा पुयुङ्‌नाँ टो टाङ्‌साङ्‌ङि पेयेट्‌टाना ठिक् गारुड नाड्‌डे पिक्‍सा ठेना सोरा चोगुङ् राट्‌टाना खेम्‍सुङे, “एलाह्, आड्‌डिक् किप्‍माडुङ् रिङ् गोलो, नाराङि उलिसागा याप्‌मिचिङि आड्‌डिक् किप्‍माडुङ् याङ्‌छामा लियुक्॥ पोङ्‌भोने आरु सुम्‍बाङ् माङ्‌हाङ् रिङ् काउग्‍बाचिङा उन्‌चिलोक् लिसाना धुटुरिबा टेम्‍माना बेला लिसा लाबे॥”

पारकास 9:12

पाइलेना खेप्‌ङाना बिपोत्‌ति लाट्‌टाडेए, टरो हाट्‌ले चा आरको इप्‍पोक् बिपोत्‌ति टामा डोक् युङ्‌ग्‍वा॥