पारकास 12:10 - आठपहरिया

¹⁰ आङा टोनालोग्‌ङि नाड्‌डे मुक्‍टाना ठेना सोरा खेम्‍सुङे, “हाट्‌ले आनि माङ्‌हाङ्‌ङा ओयाप्‌मिचि बाचाँ चोगुचिचि, उन्‍ङा सासान् चोक्‍माना उन्‍ङाना आधिकार पारकाट् चोगुएसुए, हिट्‌नुङ् मुक्‌टि कापिबा खिरिस्‍टङा चा उन्‍ङा सासान् चोक्‍माना आधिकार पारकाट् चोगुएसुए॥ हाट्‌ले आनि भुम्‍भु-झान्‍झाचि हिट्‌नुङ् नाना-झान्‍झाचि जाइले टाइले फाट्‌टुर कालाब्‍बा सैतान टोनालोग्‌लाम् लेप्‍टैसे॥ हिट्‌नाँ लेन्‍सेन् हिट्‌नागा माङ्‌हाङ् ओटोकानाङि फाट्‌टुर लाब्‍मा नाडुन्‍गेट्‌टुन्‍ना॥

पारकास 12:10 ပူးပေါင်းရင်းမြစ်များ

मात्‌ति 26:64

टरो येसुङा हिट्‌ना लोडुए, “खान्‍ङा डोक् आमाट्‌टुएट्‌टुए॥ टरो चा आङा खानि लोनाँनि, हाट्‌लेउङ्‌ना खानिङा याप्‌मि छा सोब्‍बे नुङ्‌ना बोल्‍लेउ माङ्‌हाङ्‌ङाना उछुप्‍टाङ्‌लेङ् सिङासान्‌ङि युङाना हिट्‌नुङ् टाङ्‌साङ्‌लाम्‍मा खिमेमाङि उङ्‌युगेट्‌ना आनिसुम्‍टुम्॥”

मात्‌ति 28:18

टब येसु हिट्‌नागा सोरि आबाउङ् लोडुचे, “टोनालोग् हिट्‌नुङ् नाराङि सोब्‍बे आधिकार माङ्‌हाङ्‌ङा आङा याङ्‌पिडैसे॥

मात्‌ति 6:10

खान्‍ङाना कामुलुक् ओटायाक्, कानिङ्‌ग्‍वा टोनालोग्‌ङि पुरो लिसा गाड्‌डे ना नाराङि चा पुरो उलियाक्॥

लुका 11:2

हिट्‌नुङ् येसुङा हिट्‌नागा लोडुचे, “खानि नाड्‌डे पारा बिन्‌टि चोगानि– ‘हाउ माङ्‌हाङ् पाबा, कानिङ् सेङ्‌सेङ् उलियाक्, खान्‍ङाना कामुलुक् ओटायाक्॥

लुका 22:31

हिट्‌नुङ्‌ना येसुङा सिमोन पाटरुस लोडुए, “सिमोन, हाउ सिमोन, खेम्‍सु, आङा खान् ठिक् रिङ् लोनाँ, टोॽवालासि काचोक्‍बाचिङा चामा उभुसुॽवा ओयेम्‍सुडेसु गाड्‌डे डोक् खानि चा आङालाम्‍मा साम्‍मा लोङ्‌सा सैतानङा माङ्‌हाङ्‌लोक् आग्‍याँ नाक्‍टुएसुए॥

२ कोरिन्‌थि 12:9

टरो उन्‍ङा नाड्‌डे याङ्‌लोडे, “खान् लाउङ्‌सा आङाना मायादाया जोम्‍ना ए, पोङ्‌भोने खान् निम्‍छारो आलिना बेला डोक् आङाना साक्‌ति साक्‌तिसालि लियुक्॥” हिट्‌डे लिसाउङ् खिरिस्‍टङाना ओसाक्‌ति आङालोक् उलियाक् नुङ् आङा फेतुलो लिङाना बेला झान् हारकाङा घामान्‍डा चोक्‍ङा॥

तितास 2:3

नाड्‌डेडोक् मासिङ्‌चि धारमोति चोलाङिना लाम्‍बोङि ओलाम्‌टियाक्, आरु खेडोक्‌बाक् ओचाफेन्‍गा ओलोडुन्‌चिन् हिट्‌नुङ् याप्‍मा युमालिङ् ठुङ्‌मा लिनिना पिक्‍सा हिसिक्‍टुचि॥ टरो हिट्‌नागाँ नुना खाबोर एडोक् याप्‌मिचि उहिसिक्‍टुचियाक्॥

१ पाटरुस 5:8

ओछेक्‍छेक् युङानि हिट्‌नुङ् ओचाप्‍पाङ् लिसानि॥ खानि साट्‌टुर सैतान खोना टुबुङुङ् जाखाम् चोगुङ् नुङ् गुरलुम् गुरलुम् राट्‌ना किबा गाड्‌डे डोक् सुक्‍सा वायुगोन्॥

पारकास 11:15

हिट्‌नुङ्‌ना सातौँ माङ्‌हाङ् रिङ् काउग्‍बाङा उन्‌लोक् लिसाना उधुटुरिबा टेनुए, हिट्‌नुङ् टोनालोग्‌ङि माङ्‌ठेना सोरा याप्‌मिचि ओचेक्‌युएट्‌गा गाड्‌डे मुक्‍टानाँ नाड्‌डे याङ्‌लोडे, “आनि डाङ्‌बा माङ्‌हाङ् हिट्‌नुङ् उन्‍ङा सेगुना खिरिस्‍टङा हाट्‌ले सोब्‍बे नाराङि सासान् चोक्‍माना आधिकार युङ्‌ग्‍वा, हिट्‌नुङ् उन्‍ङा डोक् सोरोक् सासान् चोगुटु॥”

पारकास 2:26

जुन् याप्‌मिङा दुस्‍टा मेट्‌टुटु हिट्‌नुङ् उसिमा सोम्‍मा आनिङ्‌ग्‍वा गाड्‌डे चोगुयाक्‍टुटु, हिट्‌ना नाराङिगा सोब्‍बे छोङ्‌बाचि सासान् चोक्‍माना आधिकार पिडुङ्‌टुङ्॥

पारकास 7:10

हिट्‌नागाँ उन्‌चि ठेना सोरा ओचोगुङ् नाड्‌डे पिक्‍सा उमाट्‌टुए, “सिङासान्‌ङि युङ्‌ना आनि माङ्‌हाङ् हिट्‌नुङ् थुमाङा आनि बाचाँ आचोगेसेए॥”