मारकुस 9:47 - आठपहरिया

⁴⁷ हिट्‌डेडोक् कामिक्‌ङा पाप चोक्‍मा मामेट्‌युक् भोने, हिट्‌ना होट्‌टुङ् लेप्‍टुडिसु, पोङ्‌भोने इप्‍पोक् मिक्‌लोक् खोना बेला चा सिनिना योनालोग्‌ङिना मि भुङ्‌रोङि ठामा नुङ्‌ना ठिक् मिक् माले माङ्‌हाङ् उमुलुक्‌ङि लिग्‍मा नुलोक् लियुक्॥

मारकुस 9:47 ပူးပေါင်းရင်းမြစ်များ

मात्‌ति 18:9

हिट्‌नुङ् कामिक्‌ङा पाप चोक्‍मा मामेट्‌युक् भोने हिट्‌ना चा होट्‌टुङ् लेप्‍टुडिसु॥ इप्‍पोक् कामिक् डोक् योनालोग्‌ङिना मिङि ठामा नुङ्‌ना ठिक् मिक् माले लाट्‌निना चोलाङि लिग्‍मा खान् लाउङ्‌सा नुना लियुक्॥

मात्‌ति 5:22

टरो आङा खानि लोनाँनि, खोना चा आरु याप्‌मिलोक् ओयाक्‍लेड्‌युक् भोने हिट्‌नाङा चा साजाए टोगुटु, जुन्‍ङा आरु ‘ठोनाबा’ लोडुटु हिट्‌ना माङ्‌हाङ्‌ङा ओचाफेन्‍लोक् साजाए पिडुटु॥ जुन्‍ङा आरु याप्‌मि साराप याङुटु हिट्‌ना झान् योनालोग्‌ङिना मिङि ठायुक्॥

मारकुस 9:43

खानि मुक्‌ङा पाप चोक्‍मा मामेट्‌टिटि भोने, हिट्‌ना खोक्‍टानुमुङ् लेप्‍टाडिसानुम्॥ इप्‍पोक् मुक्‌लोक् डोक् खोना बेला चा सिनिना योनालोग्‌ङिना मि भुङ्‌रोङि ठामा नुङ्‌ना ठिक् मुक् माले डोक् लाट्‌निना चोलाङि लिग्‍मा नुलोक् लियुक्॥

मारकुस 9:46

(हिट्‌ना योनालोग्‌ङि फेबाचि चा उसिनिगा, हिट्‌नुङ् काइले चा मि भुङ्‌रो सिनिना॥)

लुका 14:26

“आङा आएङ् आएङ् रोक् कारिक्‍बाङा उप्‍मा-उमा, ओटालिमाङ्, उइछाचि, उम्‍भु-उन्‍झाचि, उना-उन्‍झाचि हिट्‌नुङ् आप्‍पे नुङ्‌ना चा आङा माया याङ्आचोगिन्‍नागा भोने, हिट्‌ना आचेला लिमा हिनिना॥

युहान्‍ना 3:3

येसुङा हिट्‌ना लोडुए, “छेम्‍बा डोक्, आङा खान् लोनाँ, कोइ याप्‌मि फेरि पोङ्‌नेएट्‌नि भोने, उन्‍ङा माङ्‌हाङ् उमुलुक् निमा टोगुन्‍ना॥”

युहान्‍ना 3:5

येसुङा लोडुए, “छेम्‍बा डोक्, आङा खान् लोनाँ, खोना याप्‌मि चा चुवा लोक् हाङ्‌सालाम्‍मा पोङ्‌नेएट्‌नि भोने, हिट्‌ना माङ्‌हाङ् उमुलुक्‌ङि लिग्‍मा हिनिना॥

गालाति 4:15

हिट्‌ना बेला खानि आङालोक् आड्‌डिक् हारका आलिसिएसिगा, हाट्‌ले खोनि खाडेना हिट्‌ना हारका? आङा ना रिङ् चा माट्‌टुङ्‌टुङ्, खानिङा सोब्‍बे रिङ्‌ङि घुवार याङ्आफाडिङे, हिट्‌ना बेला लिसानाउम्‍बे खानिङा आङाना नुलोक् लाउङ्‌सा खानि मिक् चा आहोट्‌टुमुङ् पिमा निङ्‌ग्‍वा आचोगुमे बे॥