मारकुस 9:44 - आठपहरिया

⁴⁴ (योनालोग्‌ङि फेबाचि चा उसिनिगा, हिट्‌नुङ् काइले चा मि भुङ्‌रो सिनिना॥)

मारकुस 9:44 ပူးပေါင်းရင်းမြစ်များ

मात्‌ति 25:41

“हिट्‌नुङ्‌ना उन्‍ङाना ओफेङ्‌साङ्‌लेङ् उलिसागा याप्‌मिचि लोडुचिचि, ‘हाउ माङ्‌हाङ्‌ङाना साराप् आठायिगा याप्‌मिचि! आङालाम्‍मा खाडालेट्‌टानि, हिट्‌नुङ् दियाबालास लोक् उदुतचि लोङ्‌सा टेयार चोक्‍बालाक् खोना बेला चा सिनिना मिङि खाडानि॥

मात्‌ति 25:46

“हिट्‌नुङ् हिट्‌नागाँम्‍बाक् लाट्‌निना साजाए ओटोगुटु, टरो धारमोति याप्‌मिचिउम्‍बाक् खोना बेला चा लाट्‌निना चोलाङि उलिक्‌युक्॥”

मात्‌ति 3:12

उन्‍ङा चासोङ् चेङ्‌मा लाउङ्‌सा नाङ्‌गोलोक् उमुक्‌ङि याङुएसुए, हिट्‌नुङ् उन्‍ङा ओखाला ओचेट्‌नुलोक् फेगुटु, हिट्‌नुङ् चासोङ् चेङ्‌ढुङ् ढुङ्‌गुरिङि युङ्‌सुटु, टरो उभुसुॽवाउम्‍बाक् खोना बेला चा सिनिना मिङि उडुडिसुटु॥”

मारकुस 9:43

खानि मुक्‌ङा पाप चोक्‍मा मामेट्‌टिटि भोने, हिट्‌ना खोक्‍टानुमुङ् लेप्‍टाडिसानुम्॥ इप्‍पोक् मुक्‌लोक् डोक् खोना बेला चा सिनिना योनालोग्‌ङिना मि भुङ्‌रोङि ठामा नुङ्‌ना ठिक् मुक् माले डोक् लाट्‌निना चोलाङि लिग्‍मा नुलोक् लियुक्॥

मारकुस 9:45

हिट्‌नुङ् कालाङ्‌ङा पाप चोक्‍मा मामेट्‌युक् भोने, हिट्‌ना खोक्‍टुडिसु॥ इप्‍पोक् लाङ्‌लोक् खोना बेला चा सिनिना योनालोग्‌ङिना मि भुङ्‌रोङि ठामा नुङ्‌ना ठिक् लाङ्‌माले डोक् लाट्‌निना चोलाङि लिग्‍मा नुलोक् लियुक्॥

मारकुस 9:48

हिट्‌ना योनालोग्‌ङि फेबाचि चा उसिनिगा, हिट्‌नुङ् काइले चा मि भुङ्‌रो सिनिना॥

२ थेसालोनिकि 1:9

हिट्‌नागाँ खोना बेला चा जाखाम् लिनिना साजाए ओटोगुटु, हिट्‌नुङ् हिट्‌नागा टाङ्‌बाङाना ओटोकानालाम्‍मा हिट्‌नुङ् उन्‍ङाना आड्‌डिक् बोल्‌ङाना माहिमालाम्‍मा ओसाम्‌युक्॥

पारकास 14:10

हिट्‌नागा उठुङ्‌ङि माङ्‌हाङ्‌ङाना ठेना उकुन्‌जिरिक्‍वा ठायुक्, हिट्‌नुङ् उन्‍ङा दाया डोक् मालेना ठेना साजाए हिट्‌नागा पिडुचिचि॥ हिट्‌नुङ् माङ्‌हाङ्‌ङा हिट्‌ना सेङ्‌सेङ्‌गा माङ्‌हाङ् रिङ् काउग्‍बाचिगा टोकानाङि लोक् थुमाङाना ओटोकानाङि मि लोक् गान्‍धाक्‌ङि लेप्‍टुचिचि॥

पारकास 20:10

हिट्‌नुङ् देस-देसङिगा याप्‌मिचि मुसिक्‍पा काचाट्‌बा हिट्‌ना सैतान हाट्‌टेट्‌टाना गान्‍धाक्‌ङाना कुन्‍डाङि माङ्‌हाङ् रिङ् काउग्‍बाङा लेप्‍टुए, हिट्‌नि डोक् हिट्‌ना जिवाट् हिट्‌नुङ् माङ्‌जोना माङ्‌काटा चा वासेट्‌टाचिगा॥ हिट्‌नि हिट्‌नागाँ लेन्‍सेन् सोरोक् याङ्‌छामा ओआङ्‌डुटु॥

पारकास 21:8

टरो डारछेरुवा याप्‌मिचि, धोका कापि याप्‌मिचि, चिम्‍मा फुट्‌टुम्‍ना टोॽवा काचोक्‌चि, याप्‌मि कासेट्, हिट्‌नुङ् इम्‍मेट्‌माजामा टोॽवा काचोक्‌चि, चाटाके याप्‌मिचि, मुरति साम्‍माङ् काचोक् याप्‌मिचि हिट्‌नुङ् माङ्‌जो रिङ् ओचेग्‍गा याप्‌मिचि मि लोक् गान्‍धाक् हाट्‌ना भाट्‌टिङि ओठायुक्॥ हिट्‌नाम्‍बाक् दोस्‍रो खेप् सिमा ए॥”