मारकुस 9:37 - आठपहरिया

³⁷ “जुन्‍ङा आनिङ्‌ङि नाड्‌डेगा खाट्‌टिउगा ओओचि माया चोगुचिचि, हिट्‌नाँ आङा चा माया याङ्‌चोक्‌युक्, हिट्‌नुङ् जुन्‍ङा आङा माया याङ्‌चोक्‌युक् हिट्‌नाँ आङा माखाक्, टरो आङा याङ्‌पाङ्‌साना माङ्‌हाङ् पाबा माया चोगुटु॥”

मारकुस 9:37 ပူးပေါင်းရင်းမြစ်များ

मात्‌ति 18:10

“ओछेक्‍छेक् युङानि, खानिङा नागा खाट्‌टिउगा पिच्‍छाचि माड्‌डेङि ठिबाङ् चा आङ्‌छाप्‍मा मेट्‌नेनुम्‌चिम्॥ पोङ्‌भोने आङा खानि लोनाँनि, टोनालोग्‌ङि हिट्‌नागाँगा माङ्‌हाङ् रिङ् काउग्‍बाचि सोरोक् टोनालोक्‌ङि युङ्‌ना आङाना पाबा ओटोकानाङि डोक् ओवाएट्॥

मात्‌ति 25:40

“टब हाङ्‌बाङा हिट्‌नागा लोडुचिचि, ‘छेम्‍बा, आङा खानि लोनाँनि, खानिङा नागा भुम्‍भु-झान्‍झाचि माड्‌डेङि सोब्‍बे नुङ्‌ना ओखाट्‌टिउगालोङ्‌सा खानिङा जे जे आचोगुम्‍मे, हिट्‌ना खानिङा आङा लाउङ्‌सा डोक् आचोगुम्‍मे॥’

मारकुस 9:36

हिट्‌नुङ्‌ना येसुङा ठिबाङ् खाट्‌टियुना पिच्‍छा उन्‌चि सोरि आप्‍टुए हिट्‌नुङ् हिट्‌ना पिच्‍छा याङुङ् ओचेलाचि लोडुचे,

लुका 10:16

येसुङा ओचेलाचि लोडुचे, “खानि रिङ् काखेम्‍बाचिङा आरिङ् चा ओखेम्‍सुटु, हिट्‌नुङ् खानि एङ्‌फुट् माचोगिए भोने, आङा चा एङ्‌फुट् याङ्ओचोक्‌युक् हिट्‌नुङ् हिट्‌नाडेडोक् आङा एङ्‌फुट् काचोक्‍बाचिङा आङा याङ्‌पाङ्‌बा चा एङ्‌फुट् ओचोगुटु॥”

लुका 9:48

हिट्‌नुङ् हिट्‌नागा लोडुचे, “जुन्‍ङा आनिङ्‌ङि ना ओओ स्‍वागाट् चोगुटु हिट्‌नाङा आङालोक् आङा याङ्‌पाङ्‌साना माङ्‌हाङ् पाबा स्‍वागाट् चोगि गाड्‌डे डोक् ए॥ खानिङि सोब्‍बे नुङ्‌ना खाट्‌टिउना डोक् सोब्‍बे नुङ्‌ना ठेना लियुक्॥”

युहान्‍ना 10:30

माङ्‌हाङ् पाबा लोक् आङा ठिक् एना॥”

युहान्‍ना 13:20

छेम्‍बा डोक्, आङा खानि लोनाँनि, आङा पाङ्‌सुङ्‌ना स्‍वागाट् काचोक्‍बाङा आङा चा स्‍वागाट् याङ्‌चोक्‌युक्, हिट्‌नुङ् आङा स्‍वागाट् काचोक्‍बाङा आङा कापाङ्‌बा पाबा चा स्‍वागाट् चोगुटु॥”

युहान्‍ना 5:23

हिट्‌डेउङ् याप्‌मिचिङा पाबा मान् ओचोगु गाड्‌डे डोक् छालोङ्‌सा ख्‍वाप्‍पाङा मान् ओचोगुवाक्॥ छा मान् ओचोगुन्‍गाँ उन् कापाङ्‌बा पाबा चा मान् ओचोगुन्‍ना॥

१ थेसालोनिकि 4:8

हिड्‌डेउङ् जुन्‍ङा ना रिङ् इन्‍कार चोगुटु हिट्‌नाङाम्‍टे याप्‌मिङाना माखाक्, टरो माङ्‌हाङ् इन्‍कार चोगुटु, उन्‍ङा डोक् आप्‍पे उन्‍ङाना सेङ्‌सेङ्‌ना हाङ्‌सा आपियुक्॥