मारकुस 8:34 - आठपहरिया34 हिट्नुङ् येसुङा ओचेलाचि हिट्नुङ् हिट्नि उलिसागा याप्मिचि छेम्डुचिउङ् हिट्नागा लोडुचे, “खेम्सानुम्, खानि माड्डे आचेला लिमा आकोलिटि भोने, खानिङा आप्पे लोङ्सा माया चोक्मा नामा कोन्युक्, हिट्नुङ् ओखाप्चे आप्पे खुयुङ् आएङ् ओआप्याक्॥ အခန်းကိုကြည့်ပါ။ |
मारकुस 8:34
43 ပူးပေါင်းရင်းမြစ်များ
हिट्डेना रिङ् खेम्सुङ् येसुङा हिट्ना पुयुए हिट्नुङ् माया चोगुङ् लोडुए, “खान्ङा आझै ठिक् टोॽवा चोक्माना युङ्ग्वा॥ खाडा, हिट्नुङ् खान्लोक् युङ्ग्वागा ख्वाप्पा माक्फेन्सुबेन् छोङ्सुङ् पाक्चा ओवानिगालोङ्सा हान्डुबिडुचि, हिट्नुङ् खान्ङा टोनालोग्ङि माक्फेन्सुबेन् आटोगुटु हिट्नुङ् आबा, आएङ् आएङ् लाम्टिए॥”
पोङ्भोने आनि माङ्हाङ् ओछालेट्चि ए, हिट्नुङ् ओछालेट्चि लाउङ्सा उन्ङा पिमा युङ्सुना आसिक् चा आनि टोगुम्टुम्, हिट्नुङ् हिट्ना आसिक् खिरिस्टलोक् एक्केउ आनि चा टोगुम्टुम्॥ टरो खिरिस्टङा मान् टोगु गाड्डे डोक् आनि चा मान् टोगुम्टुम् भोने, खिरिस्टङा याङ्छामा आङ्डु गाड्डे डोक् आनि चा याङ्छामा आङ्मा कोन्युक्॥
आम्भु-आन्झाचि हिट्नुङ् आनो-आन्झाचि, छेम्बा डोक् आङा खानि लोनाँनि, “आङा लेन्सेन् सिमा कोन्ना रिङ् आङ्डुएट्टुङ्॥” खानिङा टाङ्बा येसु खिरिस्टङि बिस्वास आचोगुम्ना रिङ्ङा आङाना आड्डिक् आचाप् टायाना रिङ् माङ्हाङ्ङा ठाहा टोगुटु॥ हिट्नुङ् हिट्डेडोक्, नाहि आङाना दुखे सोरोक् आड्डिक् टुक्ना रिङ् छेम्बा डोक् नुङ् उन्ङा ठाहा टोगुटु॥
हिड्नाड्डेउङ् खानिगा पापलोक्ना निङ्ग्वालाम्मा ओहोन्गा ओभेन्गा रिङ्चि चोक्मा नाडानुम्॥ हिट्नागाम्बाक् इम्मेप्माजामा टोॽवा, आसुद्दो टोॽवा चोक्मा, निङ्ग्वाङि छोम्बोक् छोम्बोक् लिमा, भेन्ना निङ्ग्वा चोक्मा, हिट्नुङ् लोभि लिमा ए॥ याप्मा लोभि लिमाम्बाक् मुरति साम्माङ् चोक्मा गाड्डे डोक् ए॥
हाट्ले खानिङा आङ्डुम्लाबुम्ना याङ्छामालोक् किट्नेनिन्॥ खानि बिस्वास जाँचा चोक्माउङ्सा खानि माड्डे कोइ-कोइ सैतानङा खाम्बाङ्ङि माठेन्डिटि॥ हिट्नुङ् खानिङा ठिमेक् लेम्बा टेप्मा याङ्छामा आआङ्डुम्टुम्॥ टरो सिमा डोक् कोन्ना लिचा आङि बिस्वास चोक्मा नानेनुम्, हिट्नुङ् आङा खानि खोना बेला चा लाट्निना चोलाङाना इनाम् पिनाँनि॥
ကြော်ငြာတွေ