मारकुस 8:2 - आठपहरिया

² “नागा याप्‌मिचि निसुङ्‌चिङुङ् आङाना आड्‌डिक् आलुक्‍मा टुगाइसे, पोङ्‌भोने नागा आङालोक् ओवासागा हाट्‌ले सुम्‍बोक् लेम्‍बा लिमैडे, हिट्‌नुङ् नागालोक् चामा-ठुङ्‌मागा थोक् पाक्‍चा वाइना॥

मारकुस 8:2 ပူးပေါင်းရင်းမြစ်များ

मात्‌ति 14:14

येसु नाउलाम्‍मा भारा होन्‍डानाँ जोम् याप्‌मिचिगा खिमेयाङ्‌मे उन्‍ङा निसुए॥ याप्‌मिचिगा खिमेयाङ्‌मे निसुचिउङ् हिट्‌नागा लुक्‍मा टुक्‍टुचे, हिट्‌नुङ् हिट्‌नागालोक् उलिसागा उटुगागा याप्‌मिचि नुमानिङ् चोगुचे॥

मात्‌ति 20:34

येसुङा हिट्‌नागाचि लुक्‍मा टुक्‍टुचिउङ् उन्‌चि मिक्‌ङि खोट्‌टुबिडुचे, हिट्‌नुङ् हिट्‌ना बेला डोक् हिट्‌नागाचिङा याङ्‌निसाचुए हिट्‌नुङ् उन् ओएङ्-ओएङ् खाडाचे॥

मात्‌ति 9:36

याप्‌मिचिगा खिमेयाङ्‌मे निसुङ् उनिङ्‌ग्‍वा टुगे॥ पोङ्‌भोने हिट्‌नागा गोठाले मालेगा ठुँबाचि गाड्‌डे याङ्ओछाडागा हिट्‌नुङ् पाक्‍चा चोक्‍मा उहिनिगा गाड्‌डे उलिसाइसागा॥

मारकुस 1:41

ना रिङ् खेम्‍सुङ् येसुङा लुक्‍मा टुक्‍टुङ् हिट्‌ना याप्‌मि उठुङ्‌ङि उमुक् युङ्‌सुङ् लोडुए, “आङा निङ्‌ग्‍वा चोगुङ्‌टुङ्, खान् फाकाट् लिसाडा॥”

मारकुस 5:19

टरो येसुङा हिट्‌ना याप्‌मि आङालोक् खाट्‌नेन् पिक्‍सा नाड्‌डे लोडुए, “खान् कापाङ् नोक्‍टा खाडा, हिट्‌नुङ् टाङ्‌बाङा खान्‌लोङ्‌सा चोगुना ठेना टोॽवा हिट्‌नुङ् खान् लुक्‍मा माटुक्‍टाना बारेङि कानातेदारचि लोडुचि॥”

मारकुस 6:32

हिट्‌नुङ् उन्‌चि नाउङि ओठाङाउङ् सोगोप् ठिक् खुसुना डेन्‌ङि ओखाडे॥

मारकुस 6:34

हिट्‌नुङ् येसु नाउलाम्‍मा भारा होन्‍डानाँ उन्‍ङा जोम् याप्‌मिचिगा खिमेयाङ्‌मे निसुए, हिट्‌नुङ् उन्‍ङा हिट्‌नागा लुक्‍मा टुक्‍टुचे, पोङ्‌भोने हिट्‌नागा गोठाले मालेगा ठुँबाचि गाड्‌डे डोक् उलिसाइसागा॥ हिट्‌नुङ् उन्‍ङा हिट्‌नागा याप्‍मा रिङ् हिसिक्‍टुचे॥

मारकुस 8:3

नागा याप्‌मिचि पाक्‍चा मिचाए पाङ्‌ङि पाङ्‌माचि भोने, लाम्‍बोङि डोक् कुम्‍सामेट्‌ङा लाबुचिउङ् फाङ् उलियुक्, पोङ्‌भोने कोइ-कोइ आड्‌डिक् लाप्‍माङ् डेन्‌लाम्‍मा ओटाइसे॥”

मारकुस 9:22

ना ओचाफेन्‍ना रिमेट्‌ङा जाखाम् चोक्‍मा लोङ्‌सा याप्‍मा खेप् मि लोक् चुवाङि चा ठेन्‍डुएसुए॥ टरो खान्‍ङा आहिडुटु भोने आन्‍याँ लुक्‍मा याप्‌मि टुक्‍टाउङ् घुवार याप्‌मि फाडा॥”

लुका 15:20

हिट्‌नुङ्‌ना हिट्‌ना योङ्‌बिछा कोबाउङ् उप्‍पा पाङ्‌ङि नोक्‍टा खाडे॥ हिट्‌ना आबागेट्‌टाना बेला पाङ्‌लाम् लाप्‍माङ्‌लाम्‍मा उप्‍पाङा हिट्‌ना टायागेट्‌टाना निसुए, हिट्‌नुङ् उलुक्‍मा टुक्‍टुए हिट्‌नुङ् उप्‍पा पिन्‍सा खाडाउङ् उमुक्‍ङा हिट्‌ना हुप्‍टुङ् चुप्‍पा चोगुए॥

लुका 7:13

येसु डाङ्‌बाङा हिट्‌ना लाङ्‌मेप्‍मा निसुनाङा उनिङ्‌ग्‍वा टुगे, हिट्‌नुङ् “खान् हाप्‍नेन्” लोडुए॥

हिब्‍रु 2:17

हिड्‌डे लिसाउङ् सोब्‍बे रिङ्‌ङि उन् आप्‍पे उम्‍भु-उन्‍झाचि गाड्‌डे लिमा कोले॥ नाड्‌डेउङ् माङ्‌हाङ्‌ङाना सेवा चोक्‍माना रिङ्‌ङि उन् दाया काचोक्‍बा हिट्‌नुङ् बिस्‍वासिलो सानिङ्‌डाङ्‌बा लिमाहिना लिसे॥ हिट्‌नुङ् आनि पाप छेमा पिमाउङ्‌सा उन् आप्‍पेङा भोक् चोगुए॥

हिब्‍रु 4:15

आनिना सानिङ्‌डाङ्‌बाङा आनिना काम्‍जोरि ठाहा टोगुटु, पोङ्‌भोने आनि गाड्‌डे डोक् उन् याप्‍मा रिङ्‌ङि वारिक्‌ङि ठाए, टरो उन्‍ङा पाप चोग्‍वाट्‌टुन्॥

हिब्‍रु 5:2

सानिङ्‌डाङ्‌बाङा पाक्‍चा उनिसुन्‍गा याप्‌मिचि हिट्‌नुङ् ओचाफेन्‍ना टोॽवा चोगुएट्‌टुम्‍मा नुङ् ठाहा ओटोगुन्‍गा लाउङ्‌सा नाम्‍रा लियुङ् दाया चोक्‍मा हिडुचिचि, पोङ्‌भोने उन् आप्‍पे चा याप्‌मि ए, उन्‍ङा चा गाल्‌ति चोक्‍मा हिडुटु॥