मारकुस 8:11 - आठपहरिया

¹¹ फारिसि याप्‌मिचि येसुङि ओटायाउङ् उन्‌लोक् बादबिबाद चोक्‍मा ठालाँ ओचोगुए॥ हिट्‌नागाँ येसुङाना उनिङ्‌ग्‍वा कोन्‍सा “टोनालोग्‌लाम्‍मा ठिक् चिन्‍ना याप्‌मिनिमेट्‌टा” पिक्‍सा ओलोडुए॥

मारकुस 8:11 ပူးပေါင်းရင်းမြစ်များ

मात्‌ति 12:38

ठिक् लेम्‍बा आम्‍टेप्‍मा धारमाबिधि काहिसिक्‍बाचि हिट्‌नुङ् फारिसि याप्‌मिचिङा येसु ओलोडुए, “काहिसिक्‍बा, ठिक् चिन्‍ना याप्‌मिनिमेट्‌टा, आन्‍याँ पुयुम्‍टुम्‍मा॥”

मात्‌ति 19:3

हिट्‌नुङ् आम्‍टेप्‍मा फारिसि याप्‌मिचि उन् सोरि ओआबाउङ् उन् रिङ्‌ङि रेक्‍मा ओकोलुङ् नाड्‌डे पिक्‍सा उसिलाप्‍टुए, “कोइङा ओटालिमाङ् नामा कोन्‍ना ठिक् रिङ् लिसे भोने, पाक् धारमाबिधिङा ओटालिमाङ् नामा लाउङ्‌सा पिडुटुनि, पिडुन्‍नै?”

मात्‌ति 21:23

येसु माङ्‌ठानाङि लिगाउङ् हिसिक्‍टुएट्‌टुचिगा बेला गाडुवाडाङ्‌बाचि लोक् याप्‌मिचिगा धारमाबिधि काहिसिक्‍बाचि उन् सोरि ओआबे, हिट्‌नुङ् उसिलाप्‍टुए, “खान्‍ङा खोनालाम्‍मा आधिकार आटोगुङ् नागा टोॽवा आचोगुएट्‌टुना, हिट्‌नुङ् ना आधिकार खान् साङा मापिडेना?”

मात्‌ति 22:15

टब फारिसि याप्‌मिचि ओखाडाउङ् खोड्‌डेउङ् उन्‍ङाना उरिङ्‌ङि उन् वारिक्‌ङि ठेम्‍माना पिक्‍सा योजाना ओचोगुए॥

मात्‌ति 22:18

टरो येसुङा हिट्‌नागाँगा ओचाफेन्‍ना निङ्‌ग्‍वा ठाहा टोगुङ् हिट्‌नागा लोडुचे, “हाउ निङ्‌ग्‍वा ओमाक्‍पाचि, पोङ् खानिङा आङा वारिक्‌ङि ठेम्‍मा आकोलेट्‌टिङागा?

मात्‌ति 22:23

उसियागा याप्‌मिचि फेरि उहिङ्‌ग्‍वाट् उलियुङ् ओकोब्‌निगा नुङ् उपिग्‍गा सादुकि याप्‌मिचि हिट्‌ना लेम्‍बा डोक् येसु सोरि ओटाए, हिट्‌नुङ् हिट्‌नागाँ नाड्‌डे पिक्‍सा उसिलाप्‍टुए,

मारकुस 12:15

“आन्‍याँ तिरो हुङ्‌मानि मिहुङ्‌मानि” येसुङा हिट्‌नागाँगा ओमाक्‍पा निङ्‌ग्‍वा ठाहा टोगुङ् हिट्‌नागा लोडुचे, “पोङ् खानिङा आङा वारिक्‌ङि ठेम्‍मा आकोलेट्‌टिङागा? खोलो ठिक् रुपाक् राङ् आप्‍टानुमुङ् याङ्‌निमेट्‌टानि॥”

मारकुस 2:16

हिट्‌नि धारमाबिधि काहिसिक्‍बा फारिसि छुम्‍माङिगा याप्‌मिचिङा येसुङा तिरो काफोग्‍बाचि हिट्‌नुङ् आरु पापिचिलोक् युङाउङ् चामा चोयेट्‌टुना उनिसुङ् हिट्‌नागाँ ओचेलाचि ओलोडुचे, “पोङ् नाङा तिरो काफोक्‍बाचि हिट्‌नुङ् कायाङ्‌छाबा याप्‌मिचिलोक् एक्‍केउ युङ्‌युङ् चोटुगा?”

मारकुस 9:16

हिट्‌नुङ् येसुङा हिट्‌नागा सिलाप्‍टुचे, “खानि नागालोक् पाक् रिङ्‌ङि खेमाबुङ्‌मा आचोगिटिगा?”

लुका 10:25

ठिबाङ् याहुदिचिगा धारमाबिधि काहिसिक्‍बाङा येसुङाना निङ्‌ग्‍वा कोन्‍माउङ्‌सा ठिक् रिङ् सिलाप्‍टुए, “आडाङ्‌बा, हाट्‌ले आङा लाट्‌निना चोला टोक्‍माउङ्‌सा पाक् चोक्‍मा कोन्‌युक्‍ना?”

लुका 11:16

हिट्‌नुङ् कोइ याप्‌मिचिङा टोनालोग्‌लाम्‍मा ठिक् चिन्‍ना याप्‌मिनिमेट्‌टा पिक्‍सा येसु वारिक्‌ङि ठेम्‍मा ओकोलुए॥

युहान्‍ना 4:48

येसुङा हिट्‌ना लोडुए, “खानिङा चिन्‍ना लोक् डोङ् ठोङ्‌डिगा टोॽवा मिनिए सोम्‍मा खोना बेला चा बिस्‍वास आचोक्‌निम्‍ना॥”

युहान्‍ना 6:30

हिट्‌नाड्‌डेउङ् हिट्‌नागाँ उन् ओलोडुए, “हाट्‌ले खान्‍ङा खोड्‌डे पारिक्‍ना चिन्‍ना याप्‌मि आनिमेट्‌युक्‍ना, हिट्‌डेउङ् पुयुमाउङ् खान् बिस्‍वास चोक्‍नाना? खोलो, खोड्‌डे पारिक्‍ना टोॽवा आचोगुटुना?

युहान्‍ना 7:48

पाक् आनिगा ओठेडोङ्‌चि आथाबा फारिसि याप्‌मिचि माड्‌डेङि कोइङा हिट्‌ना बिस्‍वास ओचोगुएसुएनि?

युहान्‍ना 8:6

टरो हिट्‌नागाँ उन् फाट्‌टुरङि ठेम्‍मा हियुक्‌नि नुङ् वारिक्‌ङि ठेम्‍मा लोङ्‌सा हिट्‌नाड्‌डे ओलोडुना डाना॥ येसुङा गुङ् चोगाउङ् खाम्‌ङि ओआङ्‌गुलिक्‌ङा छेप्‍टुए॥

मुलिचेला टोॽवा 5:9

हिड्‌डेउङ् पाटरुसङा हिट्‌ना लोडुए, “पोङ् खान्‌चि इप्‍पाङ्‌ङा टाङ्‌बाङाना ओहाङ्‌सा टेप्‍माना निङ्‌ग्‍वा आचोगाचुएना? खेम्‍सु, कायेम्‍बेछा हुम्‍मा ओखाडागा याप्‌मिचि ढुवारिक्‌ङि एडोक् ओहोन्‍डाटाइसे॥ हिट्‌नागाँ कालास चा उखुयुङ् हुम्‍मा भारा ओखाट्‌टुटु॥”

१ कोरिन्‌थि 10:9

हिट्‌नागा माड्‌डे आम्‍टेप्‍माङा टाङ्‌बाङाना उनिङ्‌ग्‍वा ओकोलु गाड्‌डे टाङ्‌बाङाना उनिङ्‌ग्‍वा आनि कोन्‌निम्‍चा॥ हिट्‌नागाँ टाङ्‌बाङाना उनिङ्‌ग्‍वा ओकोलुङ्‌डोक् बिखालु ओप्‍पुङा ठोगुचिउङ् उसिए॥