मारकुस 7:37 - आठपहरिया

³⁷ ना रिङ् याप्‌मिचिङा ओखेम्‍सुङ् हिट्‌नागा आड्‌डिक् डोङ् ओठोङ्‌डाउङ् नाड्‌डे उपिगे, “उन्‍ङा सोब्‍बे रिङ् आड्‌डिक् नुलोक् चोगुएसुए॥ हिट्‌नुङ् उन्‍ङा याङ्ओखेम्‍सुन्‍गा हिट्‌नुङ् ओकेलुबा चा नुमानिङ् चोगुचिचि॥”

मारकुस 7:37 ပူးပေါင်းရင်းမြစ်များ

मात्‌ति 9:32

उन्‌चि हिट्‌निलाम्‍मा ओहोन्‍डागेट्‌टाना बेला याप्‌मिचिङा ओचाफेन्‍ना रिमेट् लाहाब् लिसाना ठिबाङ् ओकेलुबा याप्‌मि उन् सोरि ओटाडुए॥

मारकुस 1:27

हिट्‌नि उछुमागा सोब्‍बे याप्‌मिचि डोङ् ओठोङ्‌डाउङ् हिट्‌नागा नाड्‌डे उपिगे, “ना पाइना हाउ? नाम्‍टे ओछोङ्‌ग्‍वाट् पारिक्‍ना हिसिक्‍मा गोलो रैछो॥ ना याप्‌मिङाम्‍टे आधिकारलोक् ओचाफेन्‍गा रिमेट्‌चि चा आग्‍याँ पिडुचिगा, हिट्‌नुङ् हिट्‌नागा ओटेन्‍गा रैछो॥”

मारकुस 2:12

हिट्‌नुङ् हिट्‌ना याप्‌मि कोबे, हिट्‌नुङ् हिट्‌ना बेला डोक् ओडोलेन्‍चा खुयुङ् सोब्‍बे याप्‌मिचिगा टोकानालाम्‍मा खाडालेट्‌टे॥ हिट्‌निगा सोब्‍बे याप्‌मिचि डोङ् ओठोङ्‌डे हिट्‌नुङ् “नाड्‌डेना टोॽवाउम् आन्‍याँ खोना बेला चा निनेएट्‌निम्‍मा” पिक्‍सा माङ्‌हाङ्‌ङाना उनिङ् ओचोन्‍डुए॥

मारकुस 4:41

हिट्‌नुङ् हिट्‌नागा डोङ् ओठोङ्‌डाउङ् किट्‌सा उन्‌चि उन्‌चि नाड्‌डे उपिगे, “ना साइना हाउ? हुन्‍डारि लोक् चुवा ओभेट्‌लेॽवाङा चा उन्‍ङाना उरिङ् ओखेम्‍सुङ् ओटेन्‍गा॥”

मारकुस 5:42

हिट्‌ना बेला डोक् हिट्‌ना मेच्‍छा मुठिलिक् वाठिलिक् कोबे, हिट्‌नुङ् याम्‍बा-नायाम्‍बा लाम्‌टिमा ठालाँ चोगुए (ना मेच्‍छाङा बारो बारखा टासुएसुना)॥ ना रिङ् उनिसुनामे हिट्‌नागा डोङ् ओठोङ्‌डे॥

मारकुस 6:51

हिट्‌नुङ् उन् हिट्‌नागा सोरि नाउङि ठाङे, हिट्‌नुङ् हुन्‍डारि चा सिप्‍टे॥ ना उनिसुङ् हिट्‌नागा आड्‌डिक् डोक् डोङ् ओठोङ्‌डे॥

मारकुस 7:36

हिट्‌नुङ् येसुङा हिट्‌नागा याप्‌मिचि “ना रिङ् साक्‍चा लोनेनुम्‌चिम्” पिक्‍सा आग्‍याँ पिडुचे॥ टरो येसुङा ना रिङ् माट्‌नेनुम् लोडुचि चा याप्‌मिचिङा झान् ना रिङ् ओमाट्‌टुए॥

मारकुस 8:1

हिट्‌ना बेला फेरि जोम् याप्‌मिचिगा खिमेयाङ्‌मे येसु लिसाना डेन्‌ङि उछुमे॥ हिट्‌नागाँ चामा-ठुङ्‌मागा थोक्‌चि सोब्‍बे ओलाट्‌टुजोगा डागा॥ हिट्‌नुङ् येसुङा ओचेलाचि छेम्‍डुचिउङ् लोडुचे,

लुका 23:41

आन्‌चिम् टे ओचाफेन्‍ना टोॽवा चोगाचुङ् हिट्‌ना लोङ्‌सा टोक्‍ना साजाए आङ्‌चुएच्‍चु, टरो ना याप्‌मिङाउम् हिड्‌डेना ओचाफेन्‍ना टोॽवा पाक्‍चा चोगुन्‍गेट्‌टुन्‍ना॥”

मुलिचेला टोॽवा 14:11

हिट्‌नुङ् याप्‌मिचिङा पावालङा नाड्‌डेना टोॽवा चोगुना उनिसुङ् हिट्‌नागाँ उन्‌चि लुकोनिया रिङ्‌ङि नाट्‌डे पिक्‍सा उराट्‌टाउङ् उपिगे, “साम्‍माङ्‌चि याप्‌मिचि उलिसाउङ् आनि सोरि ओटाएगा रैछो॥”