मारकुस 6:2 - आठपहरिया

² युङ्‌माना लेम्‍बा येसु याहुदि छुम्‍मापाङ्‌ङि खाडाउङ् सिकाँ चोक्‍मा ठालाँ चोगुचे॥ हिट्‌नि जोम् याप्‌मिचिङा उरिङ् ओखेम्‍सुङ् डोङ् ओठोङ्‌डे हिट्‌नुङ् उन्‌चि उन्‌चि नाड्‌डे उपिगे, “ना याप्‌मिङा नाड्‌डेगा रिङ् खोनिलाम्‍मा सिकाँ लिसेना? खोड्‌डे पाराना ठोना टोगुएसुएना रैछो? खोड्‌डेउङ् नाड्‌डेगा डोङ् ठोङ्‌डिगा टोॽवाचि चोक्‍मा हिडुटुगा?

मारकुस 6:2 ပူးပေါင်းရင်းမြစ်များ

मात्‌ति 4:23

येसुङा याहुदि छुम्‍मापाङ्‌ङि सिकाँ चोक्‍सा माङ्‌हाङ् उमुलुक् बारेङि नुना खाबोर पारचार चोक्‍सा सोब्‍बे पारिक्‍ङागा रोगा लाहाब् उलिसागा हिट्‌नुङ् उटुगागा याप्‌मिचि नुमानिङ् चोगुचिउङ् गालिल छेट्‌रा टेप् लिन्‍डुए॥

मात्‌ति 7:28

येसुङा नागा रिङ् माप्‍मा हिडुङ् उन्‍ङा हिसिक्‍टुचिगा रिङ् ओखेम्‍सुङ् जोम् याप्‌मिचि डोङ् ओठोङ्‌डे॥

मारकुस 1:39

हिट्‌नुङ् येसु ख्‍वाप्‍पा गालिल छेट्‌राङिगा याहुदि छुम्‍मापाङ्‌ङि खाडाउङ् पारचार चोक्‍सा हिट्‌नुङ् टोन्‍डेबाङा ओलाबुचिगा याप्‌मिचि नुमानिङ् चोक्‍सा लाम्‌टिए॥

मारकुस 10:1

हिट्‌ना डेन् नाडुङ् येसु यारदान होङ्‌ङाना याहाँपारा याहुदिया छेट्‌राङि खाडे॥ हिट्‌नि चा जोम् याप्‌मिचि उन् सोरि उछुमे, हिट्‌नुङ् उन्‍ङा साडे गाड्‌डे डोक् हिट्‌नागा चा हिसिक्‍मा ठालाँ चोगुचे॥

लुका 2:47

हिट्‌नि उछुमागा याप्‌मिचिङा येसुङाना ओठोना उनिसुनाँ हिट्‌नुङ् उन्‍ङा माट्‌टुना रिङ् ओखेम्‍सुङ् ख्‍वाप्‍पा याप्‌मिचि डोङ् ओठोङ्‌डे॥

लुका 4:15

उन्‍ङा याहुदि छुम्‍मापाङ्‌ङि याप्‌मिचि हिसिक्‍मा ठालाँ चोगुचे हिट्‌नुङ् ख्‍वाप्‍पाङा उनिङ् ओचोन्‍डुए॥

युहान्‍ना 6:42

हिट्‌नागाँ ओमाट्‌टुए, “पाक् ना योसेफङाना उइछा, येसु माखाइ टे? नाङाना उप्‍पा लोक् उमा आनि मिसेन् निसुम्‌चिम्‍गा टे॥ हाट्‌ले नाङा खोड्‌डेउङ् ‘आङा टोनालोग्‌लाम्‍मा उङ्‌साङ्‌ना’ पिक्‌युग्‍ना?”

युहान्‍ना 7:15

याहुदिचि डोङ् ओठोङ्‌डाउङ् ओमाट्‌टुए, “ना याप्‌मि धारमाछाप्‍ला हिसिक्‍मा खोना चा काहिसिक्‍बा वानेट्‌निना डाना, खोड्‌डेउङ् आम्‍टेप्‍मा जोम् कानिबा लिसेना?”