मारकुस 3:10 - आठपहरिया

¹⁰ उन्‍ङा जोम् याप्‌मिचि नुमानिङ् चोगुएसुचिगा, हिड्‌डेउङ् उटुगागा याप्‌मिचि उन् खोप्‍मा लोङ्‌सा इन्‍गा इन् ओचोगेट्‌टागा॥

मारकुस 3:10 ပူးပေါင်းရင်းမြစ်များ

मात्‌ति 12:15

येसुङा उन्‍ङाना बिरुद्‌दाङि रिङ्‌पान् ओचोगुना ठाहा टोगुङ् उन् हिट्‌निलाम्‍मा खाडालेट्‌टे॥ हिट्‌नुङ् जोम् याप्‌मिचि उन्‍ङा ओएङ्-ओएङ् ओखाडे, हिट्‌नुङ् उन्‍ङा उटुगागा सोब्‍बे नुमानिङ् चोगुचे॥

मात्‌ति 14:14

येसु नाउलाम्‍मा भारा होन्‍डानाँ जोम् याप्‌मिचिगा खिमेयाङ्‌मे उन्‍ङा निसुए॥ याप्‌मिचिगा खिमेयाङ्‌मे निसुचिउङ् हिट्‌नागा लुक्‍मा टुक्‍टुचे, हिट्‌नुङ् हिट्‌नागालोक् उलिसागा उटुगागा याप्‌मिचि नुमानिङ् चोगुचे॥

मात्‌ति 14:36

हिट्‌नुङ् हिट्‌नागाँ उटुगागा याप्‌मिचिङा उन्‍ङाना ओलोट्‌लिङ् ओफेरो एडोक् चा खोप्‍मा ओटोगुम् नुङ् उन्‌ङि बिन्‌टि ओठाङ्‌सुए, हिट्‌नुङ् ओलोट्‌लिङ् ओखोट्‌टुगा टेप्‍मा सोब्‍बे याप्‌मिचि उनुए॥

मात्‌ति 4:23

येसुङा याहुदि छुम्‍मापाङ्‌ङि सिकाँ चोक्‍सा माङ्‌हाङ् उमुलुक् बारेङि नुना खाबोर पारचार चोक्‍सा सोब्‍बे पारिक्‍ङागा रोगा लाहाब् उलिसागा हिट्‌नुङ् उटुगागा याप्‌मिचि नुमानिङ् चोगुचिउङ् गालिल छेट्‌रा टेप् लिन्‍डुए॥

मारकुस 5:34

हिट्‌नुङ् येसुङा हिट्‌ना मेन्‍झेमा लोडुए, “आनो, काबिस्‍वासङा खान् आनुयाइसे, हाङ्‌हाङ् लिसाउङ् खाडा, हाट्‌ले कारोगा नुमानिङ् उलियाक्॥”

मारकुस 6:56

हिट्‌नुङ् युक्‍टाम्-युक्‍टाम्‌ङि, खालाङ्‌गा-खालाङ्‌गाङि हिट्‌नुङ् आरु डेन्‌ङि उन् खाडे, याप्‌मिचिङा उटुगागा याप्‌मिचि उखुयु ओआप्‍टुचिउङ् बाजार-बाजारङि उयुङ्‌सुचे॥ हिट्‌नुङ् ओलोट्‌लिङ् ओफेरो एडोक् चा खोप्‍मा ओटोगुम् नुङ् याप्‌मिचिङा बिन्‌टि ओठाङ्‌सुए, हिट्‌नुङ् ओलोट्‌लिङ् ओखोट्‌टुगा टेप्‍मा सोब्‍बे याप्‌मिचि उनुए॥

मारकुस 8:22

हिट्‌नुङ्‌ना येसु ओचेलाचिलोक् बेथसेदा ओलोडुना युक्‍ताम्‌ङि होन्‍डा टाए॥ हिट्‌नि याप्‌मिचिङा ठिबाङ् याङ्‌कानिनिबा याप्‌मि उन् सोरि ओटाडुए, हिट्‌नुङ् “ना याप्‌मि खोट्‌टुङ् नुमानिङ् चोगु लो” पिक्‍सा येसुङि स्‍या ओठाङ्‌सुए॥

लुका 5:3

ठिक् नाउम्‍बाक् सिमोनङाना डाना॥ येसु हिट्‌ना नाउङि ठाङाउङ् सिमोन लोडुए, “ना नाउ चिपा याम्‍बा खाट्‌टु” हिट्‌नुङ् हिट्‌नि डोक् युङाउङ् उन्‍ङा याप्‌मिचि हिसिक्‍टुचे॥

लुका 6:19

हिट्‌नुङ् हिट्‌नागा सोब्‍बेङा येसु खोप्‍मा ओकोलुए, पोङ्‌भोने नुमानिङ् चोक्‍माना साक्‌ति उन्‌लाम् होन्‍डागेट्‌टाना, हिट्‌नुङ् हिट्‌नागा सोब्‍बे नुमानिङ् उलिसेट्‌टागा॥

लुका 7:2

हिट्‌नापाका रोमि काप्‍तानङा आड्‌डिक् उनिङ्‌ग्‍वाङा चोना ठिबाङ् ओचाकार टुगाउङ् सिया लाबाना डाना॥

लुका 7:21

हिट्‌ना बेला डोक् येसुङा जोम् रोगि, उटुगागा हिट्‌नुङ् ओचाफेन्‍ना रिमेट्‌ङा लाबुचिगा नुमानिङ् चोगुचे, हिट्‌नुङ् जोम् याङ्‌कानिनिबाचि चा उनिसुलोक् चोगुचे॥

मुलिचेला टोॽवा 5:15

हिड्‌डेउङ् पाटरुस हिट्‌नालाम्‍मा खाट्‌ना बेला उरिमेट् उटुगागा याप्‌मिचि उठुङ्‌ङि ठानाँ नुमानिङ् उलियाक् नुङ् याप्‌मिचिङा उटुगागा याप्‌मिचि ओआप्‍टुचे हिट्‌नुङ् लाम्‍बो-लाम्‍बोङि उन्‌चि डोलेन्‍चालोक् उयुङ्‌सुचे॥

हिब्‍रु 12:6

पोङ्‌भोने टाङ्‌बाङा माया चोगुचिगा लाउङ्‌सा खेमा लाप्‍टुचिचि चा, हिट्‌नुङ् उइछाचि नुङ् काप्‍टुचिगा ख्‍वाप्‍पा लाउङ्‌सा उन्‍ङा साजाए चा पिडुचिचि॥”