मारकुस 2:18 - आठपहरिया

¹⁸ ठिक् खेप् बाप्‌टिस्‍मा कापिबा युहान्‍नाङाना ओचेलाचि हिट्‌नुङ् फारिसि याप्‌मिचिगा उन्‌चि चेलाचि उपासा उयुङासागा बेला, इम्‍टेप्‍मा याप्‌मिचि येसुङि ओआबाउङ् उसिलाप्‍टुए, “बाप्‌टिस्‍मा कापिबा युहान्‍नाङा ओचेलाचि हिट्‌नुङ् फारिसि याप्‌मिचिगा उन्‌चि चेलाचिम्‍बाक् उपासा उयुङ्‌गा, टरो पोङ् काचेलाचिम्‍बाक् उपासा उयुङ्‌निगा?”

मारकुस 2:18 ပူးပေါင်းရင်းမြစ်များ

मात्‌ति 23:5

“नागाँ उन्‌चिगा ख्‍वाप्‍पा टोॽवा याप्‌मिचि निमेप्‍मा लोङ्‌सा एरोक् ओचोगुटु॥ हिट्‌नागाँ धारमाछाप्‍लाङिगा रिङ् ठेट्‌लोक् ठे-ठेगा ओछेप्‍टुङ् उन्‌चि नाम्‍धाङ्‌ङि हिट्‌नुङ् उन्‌चि पासुलाङि ओवाडुगा, हिट्‌नुङ् उन्‌चि लोट्‌लिङ्‌ङि केगा-केगा फुरका ओचोगुगा॥

मात्‌ति 6:16

“खानि उपासा आयुङिनाँ निङ्‌ग्‍वा ओमाक्‍पाचि गाड्‌डे खानि नाभाक् माखोयोक् चोक्‍नेनुम्॥ निङ्‌ग्‍वा ओमाक्‍पाचिङा गोलो उपासा युङेएसिङे नुङ् याप्‌मिचि निमेप्‍माचिलाउङ्‌सा उन्‌चि नाभाक् ओसेडुङ् उयुङ्‌युक्॥ छेम्‍बा डोक्, आङा खानि लोनाँनि, हिट्‌नागाँ उन्‌चि इनाम् टोक्‍मा उहिडुएसुए॥

मात्‌ति 6:18

हिड्‌डेउङ् खान् उपासा आयुङाना रिङ् याप्‌मिचिङा माखाक्, टरो निनिम्‍ना खानि माङ्‌हाङ् पाबाङा एडोक् निसुटु हिट्‌नुङ् इनाम् मापियुक्॥

मारकुस 2:19

येसुङा हिट्‌नागा लोडुचे, “पाक् बेउला खानिलोक् वाना बेला भ्‍या भातेरङि ओटायागा जान्‌तिचि लोङ्‌सा उपासा युङ्‌मा आमेट्‌टुम्‌चिम्‍गै टे? बेउला युङ्‌लोक् सोम्‍मा खोना चा उपासा उयुङ्‌निगा॥

लुका 18:12

आङा हाप्‍टाङि इप्‍पोक् खेप् उपासा युङ्‌ङाना हिट्‌नुङ् आङा कामाचोगुङ्‌ना दस भागालाम्‍मा साम्‍डुङ् ठिक् ओभागा कासेवा लोङ्‌सा टाडुङ्‌ना॥’

रोमि 10:3

पोङ्‌भोने माङ्‌हाङ्‌ङा ओनाभाक्‌ङि याप्‌मिचि खोड्‌डेउङ् धारमोति चोगुचिगा हिट्‌ना रिङ् हिट्‌नागाँ ठाहा ओटोगुन्‍गा, हिट्‌नुङ् हिट्‌नागाँ धारमाबिधि पालान् ओचोगुङ् आप्‍पे धारमोति लिमा कोसिस ओचोगुएट्‌टु॥ हिट्‌डेउङ् माङ्‌हाङ्‌ङा याप्‌मिचि धारमोति चोगुचिगा लाम्‍बो हिट्‌नागाँ इन्‍कार ओचोगुटु॥