मारकुस 2:12 - आठपहरिया

¹² हिट्‌नुङ् हिट्‌ना याप्‌मि कोबे, हिट्‌नुङ् हिट्‌ना बेला डोक् ओडोलेन्‍चा खुयुङ् सोब्‍बे याप्‌मिचिगा टोकानालाम्‍मा खाडालेट्‌टे॥ हिट्‌निगा सोब्‍बे याप्‌मिचि डोङ् ओठोङ्‌डे हिट्‌नुङ् “नाड्‌डेना टोॽवाउम् आन्‍याँ खोना बेला चा निनेएट्‌निम्‍मा” पिक्‍सा माङ्‌हाङ्‌ङाना उनिङ् ओचोन्‍डुए॥

मारकुस 2:12 ပူးပေါင်းရင်းမြစ်များ

मात्‌ति 12:23

ना उनिसुङ् सोब्‍बे याप्‌मिचि डोङ् ओठोङ्‌डाउङ् नाट्‌डे पिक्‍सा ओमाट्‌टुए, “पाक् ना दाउद पुङ्‌लाङिना याप्‌मि डोक् इ टे?”

मात्‌ति 15:31

हिट्‌ना बेला याप्‌मिचिङा ओकेलुबाचि ओचेक्‍टागा, लोङ्‌लेन्‌चि उनुयागा, ओखेट्‌लेङ्‌बाचि ओलाम्‌टिएगा, याङ्‌कानिनिबाचिङा याङ्उनिसुगा रिङ् उनिसुङ् आड्‌डिक् डोङ् ओठोङ्‌डे॥ हिट्‌नुङ् हिट्‌नागाँ इस्‍राएलङिना माङ्‌हाङ्‌ङाना निङ् ओचोन्‍डुए॥

मात्‌ति 9:33

येसुङा ओचाफेन्‍ना रिमेट् होट्‌टुचिनामे हिट्‌ना ओकेलुबा याप्‌मि चेक्‍ना लिसे॥ हिट्‌नुङ् याप्‌मिचि डोङ् ओठोङ्‌डाउङ् उपिगे, “नाड्‌डेनाम् टे आनि इस्‍राएलङि खोना बेला चा निनिम्‍गेट्‌निम्॥”

मात्‌ति 9:8

ना डोङ् ठोङ्‌डिना टोॽवा याप्‌मिचिगा खिमेयाङ्‌मेङा उनिसुङ् हिट्‌नागा उकिट्‌टे, हिट्‌नुङ् याप्‌मिचिलोङ्‌सा नाड्‌डेना आधिकार कापिबा माङ्‌हाङ्‌ङाना उनिङ् ओचोन्‍डुए॥

मारकुस 1:27

हिट्‌नि उछुमागा सोब्‍बे याप्‌मिचि डोङ् ओठोङ्‌डाउङ् हिट्‌नागा नाड्‌डे उपिगे, “ना पाइना हाउ? नाम्‍टे ओछोङ्‌ग्‍वाट् पारिक्‍ना हिसिक्‍मा गोलो रैछो॥ ना याप्‌मिङाम्‍टे आधिकारलोक् ओचाफेन्‍गा रिमेट्‌चि चा आग्‍याँ पिडुचिगा, हिट्‌नुङ् हिट्‌नागा ओटेन्‍गा रैछो॥”

मारकुस 2:11

“आङा खान् लोनाँ, हाट्‌ले कोबा हिट्‌नुङ् काडोलेन्‍चा खुयुङ् कापाङ्‌ङि खाडा॥”

लुका 13:13

हिट्‌नुङ् येसुङा हिट्‌ना उठुङ्‌ङि उमुक् युङ्‌सुए, हिट्‌नुङ् हिट्‌ना बेला डोक् ओयाक्‍चुरिक् सोट् लिसे हिट्‌नुङ् माङ्‌हाङ्‌ङाना उनिङ् चोन्‍मा ठालाँ चोगुए॥

लुका 17:15

हिट्‌नागा माड्‌डे ठिबाङ् टुगानाँ उन् नुयाना ठाहा टोगुङ् ठेना ओसोरा चोगुङ् माङ्‌हाङ्‌ङाना उनिङ् चोन्‍सा नोक्‍टा आबे॥

लुका 5:26

हिट्‌नुङ् हिट्‌नि सोब्‍बे याप्‌मिचि डोङ् ओठोङ्‌डे हिट्‌नुङ् माङ्‌हाङ्‌ङाना ठेना ओबोल् उनिसुङ् उकिट्‌टे॥ हिट्‌नुङ् हिट्‌नागाँ माङ्‌हाङ्‌ङाना उनिङ् चोन्‍सा ओमाट्‌टुए, “हाट्‌ले आन्‍याँ डोङ् ठोङ्‌डिना टोॽवा निसुम्‍मे॥”

लुका 7:16

हिट्‌नि सोब्‍बे याप्‌मिचि उकिट्‌टे हिट्‌नुङ् माङ्‌हाङ्‌ङाना उनिङ् चोन्‍सा नाड्‌डे उपिगे, “आनि माझै चा ठेना ठिबाङ् माङ्‌काटा टाइसे॥” हिट्‌नुङ् फेरि चा उपिगे, “माङ्‌हाङ् आप्‍पे ओयाप्‌मिचि घुवार फासिङा टाइसे॥”

युहान्‍ना 7:31

टरो हिट्‌ना खिमेयाङ्‌मेङि उलिसागा याप्‍मा याप्‌मिचिङा उन्‌ङि बिस्‍वास ओचोगुए॥ हिट्‌नुङ् हिट्‌नागा उपिगे, “जब खिरिस्‍ट टायुक्, टब पाक् उन्‍ङा ना याप्‌मिङा नुङ्‌ना चा याप्‍मा डोङ् ठोङ्‌डिगा टोॽवा चोगुटुनि टे?”

युहान्‍ना 9:32

नाराङाना उटुम्‌लाम्‍मा हाट्‌ले सोम्‍मा पोङ्‌सानालाम्‍मा याङ्‌कानिनिबा लिसाउङ् पोङ्‌साना साङा चा नुमानिङ् चोगुना रिङ् खोना बेला चा खेम्‌निगेट्‌निना॥

मुलिचेला टोॽवा 4:21

हाट्‌ले याहुदि ओठेडोङ्‌चिङा पाक् साजाए पिमाचिगा उन्‌चि निङ्‌ग्‍वाङि डोक् उटिग्‍वाट्‌टुन्, पोङ्‌भोने ख्‍वाप्‍पा याप्‌मिचिङा हिट्‌नि लिसाना घाट्‌ना उनिसुङ् माङ्‌हाङ्‌ङाना उनिङ् ओचोन्‍डुएट्‌टुना॥ हिट्‌नुङ् हिट्‌नागाँ हिट्‌नागाचि इप्‍पाङ् मुलिचेलाचि हाट्‌ले नुङ् नाड्‌डे चोक्‍नेनिन् पिक्‍सा ओलेडुचे॥