मारकुस 2:1 - आठपहरिया

¹ इम्‍टेप्‍मा लेम्‍बा एङ्‌स्‍वा येसु काफारनाहुम खालाङ्‌गाङि नोक्‍टे॥ हिट्‌नुङ् याप्‌मिचिङा उन् पाङ्‌ङि वाहेट् नुङ् ओखेम्‍सुए॥

मारकुस 2:1 ပူးပေါင်းရင်းမြစ်များ

मात्‌ति 4:13

हिट्‌नुङ् उन् नासारात युक्‍ताम्‌ङि खाडे, हिट्‌नुङ् हान्‍डेङ् एङ्‌स्‍वालेङ् उन् नासारात युक्‍ताम् नाडुङ् काफारनाहुम युक्‍ताम्‌ङि खाडाउङ् हिट्‌नि युङे॥ ना युक्‍ताम्‌बाक् गालिल तालङाना नेहेट्‌टाङ् जाबुलुन लोक् नाप्‍तालि पुङ्‌लाङिगा याप्‌मिचिगा छेट्‌राङि डाना॥

मात्‌ति 9:1

हिट्‌नुङ्‌ना येसु नाउङि ठाङाउङ् तालङाना नाहाँपारा आबे, हिट्‌नुङ् उन् आप्‍पे उयुक्‍ताम्‌ङि खाडे॥

मारकुस 1:45

टरो हिट्‌ना याप्‌मि खाडाउङ् उन् नुयाना रिङ् ख्‍वाप्‍पालेङ् पारचार चोक्‍मा ठालाँ चोगुए, हिट्‌डेउङ् येसु फेरि खालाङ्‌गाङि सोब्‍बेङा उनिसुलोक् लिग्‍मा हिनेट्‌नि, हिट्‌नुङ् उन् खुसुना डेन्‌ङि युङ्‌सिङा खाडे॥ टरो हिट्‌नि चा याप्‌मिचि सोब्‍बेलाम्‍मा उन्‌ङि ओटाए॥

मारकुस 2:2

हिट्‌नुङ् आड्‌डिक् याप्‍मा याप्‌मिचि उन्‌ङि ओटाए हिट्‌नि याप्‌मिचिगा खिमेयाङ्‌मेङा चोगुनाँ भिट्‌रा भारा खोनि चा युङ्‌माना डेन् वानेट्‌निना॥ हिट्‌नुङ् उन्‍ङा हिट्‌नागा लोङ्‌सा माङ्‌हाङ्‌ङाना रिङ् पारचार चोगुएट्‌टुना॥

मारकुस 3:20

हिट्‌नुङ्‌ना येसु फेरि पाङ्‌लेङ् खाडाउङ् उन् भिट्‌रा लिगे, हिट्‌नुङ् फेरि हिट्‌नि जोम् याप्‌मिचिगा खिमेयाङ्‌मे लिसाउङ् येसु हिट्‌नुङ् ओचेलाचिङा चामा चामाधारि चा भ्‍याप् ओचोग्‍वाट्‌टुन्॥

मारकुस 7:17

हिट्‌नुङ् येसुङा हिट्‌नागा याप्‌मिचि पोक्‍टुढोचिउङ् उन् पाङ् भिट्‌रा लिगे, हिट्‌नुङ् ओचेलाचिङा ना मुन्‍डुम्‌ङाना उटुप् पाइना पिक्‍सा उसिलाप्‍टुए॥

मारकुस 7:24

हिट्‌नुङ्‌ना येसुङा हिट्‌ना डेन् पोक्‍टुढोङ् टुरोस लोक् सिदोन छेट्‌रालेङ् खाडाउङ् ठिबाङ् याप्‌मि ओपाङ्‌ङि लिगे॥ उन् हिट्‌नि टायाना रिङ् साङा चा ठाहा ओटोगुन्‍चा नुङ् उनिङ्‌ग्‍वाङि मिट्‌टाइसाना, टरो उन् ठोप्‍मा हिनेट्‌नि॥

मारकुस 9:28

जब येसु पाङ् भिट्‌रा लिगे हिट्‌नुङ् ओचेलाचि उन् ओएकेले लिसाना बेला नाड्‌डे उसिलाप्‍टुए, “आन्‍याँम्‍बाक् हिट्‌ना ओचाफेन्‍ना रिमेट् पोङ् होट्‌मा हिनेट्‌निम्‍माना?”

लुका 4:23

हिट्‌नुङ् येसुङा लोडुचे, “छेम्‍बा डोक्, खानिङा आङा ना रिङ् आलोडिटिङा, ‘हाउ सिडापाङ्‌डा काचोक्‍बा, खान् पाइले आप्‍पे नुमानिङ् लिसा॥’ हिट्‌नुङ् ‘काफारनाहुम्‌ङि खान्‍ङा आचोगु गाड्‌डे डोक् ना कायुक्‍ताम्‌ङि चा निङ्‌ग्‍वा मुन्‌निना टोॽवा चोगु॥’”

लुका 5:18

याप्‌मिचिङा लोङ्‌लेन् लिसाउङ् टुगाना याप्‌मि ओडोलेन्‍चालोक् उखुयुङ् ओआप्‍टुए॥ हिट्‌नागाँ पाङ् भिट्‌रा येसु ओटोकानाइ खाप्‍मा ओकोलोए,

युहान्‍ना 4:47

येसु याहुदिया छेट्‌रालाम्‍मा गालिलङि होन्‍डा टाए नुङ् खेम्‍सुङ् हिट्‌ना येसु सोरि खाडे, हिट्‌नुङ् “आबाउङ् आइछा नुमानिङ् याङ्‌चोगाबिडा” नुङ् बिन्‌टि ठाङ्‌सुए, पोङ्‌भोने हिट्‌नाङाना उइछा सिया लाबाना डाना॥

मुलिचेला टोॽवा 2:6

ना साब्‍दा मुक्‍टाना ओखेम्‍सुङ् हिट्‌ना डेन्‌ङि जोम् याप्‌मिचि उछुमे हिट्‌नुङ् हिट्‌नागा डोङ् ओठोङ्‌डे, पोङ्‌भोने नागाँ उन्‌चि रिङ्‌ङि हिट्‌नागा बिस्‍वासिचि ओचेक्‍टागा ओखेम्‍सुए॥