मारकुस 16:6 - आठपहरिया

⁶ हिट्‌नुङ् हिट्‌ना याप्‌मिङा हिट्‌नागा लोडुचे, “खानि डोङ् ठोङ्‌नेनिन्, खानिङा खाप्‍चेङि उछुडु ओसेडेनु नासारातङिना येसु आकोलुएट्‌टुम्॥ टरो उन् उहिङ्‌ग्‍वाट् लिसाउङ् कोबैसे, उन् नेहि वाइना, हिट्‌डे भोने उन् उयुङ्‌सुना डेन् पुयानुम् टे॥

मारकुस 16:6 ပူးပေါင်းရင်းမြစ်များ

मात्‌ति 12:40

पोङ्‌भोने खोड्‌डे पारिक् योना ठेना ङासाङाना ओमाभोक् भिट्‌रा सुम्‍बोक् लेम्‍बा हिट्‌नुङ् सुम्‍बोक् युसा सोम्‍मा युङे, हिड्‌डे डोक् याप्‌मि छा चा उहुम्‍पा भिट्‌रा सुम्‍बोक् लेम्‍बा हिट्‌नुङ् युसा लियुक्॥

मारकुस 1:24

हिट्‌ना नाड्‌डे पिक्‍सा टाराङ्-टाराङ् राट्‌टे, “हाउ नासारातङिना येसु, आन्‍याँ पोङ् दुखे याप्‌मि आचाट्‌युक्‍ना? पाक् खान् आन्‍याँ जाखाम् चोक्‌सिङा आटायाना इ? खान् माङ्‌हाङ्‌ङा मापाङ्‌साना सेङ्‌सेङ्‌ना याप्‌मि नुङ् आङा मिसेन् निनाँ॥”

मारकुस 1:27

हिट्‌नि उछुमागा सोब्‍बे याप्‌मिचि डोङ् ओठोङ्‌डाउङ् हिट्‌नागा नाड्‌डे उपिगे, “ना पाइना हाउ? नाम्‍टे ओछोङ्‌ग्‍वाट् पारिक्‍ना हिसिक्‍मा गोलो रैछो॥ ना याप्‌मिङाम्‍टे आधिकारलोक् ओचाफेन्‍गा रिमेट्‌चि चा आग्‍याँ पिडुचिगा, हिट्‌नुङ् हिट्‌नागा ओटेन्‍गा रैछो॥”

मारकुस 10:34

हिट्‌नुङ् हिट्‌नागाँ खिजेक्‍पा ओचाट्‌टुटु, ठ्‌या ओठोक्‍टुटु, कोररा लाहाब् ओचोगुटु हिट्‌नुङ् ओसेडुटु॥ टरो सुम्‍बोक् लेम्‍बा याप्‌मि छा फेरि उहिङ्‌ग्‍वाट् लियुङ् कोब्‌युक्॥”

मारकुस 14:33

टरो येसुङा पाटरुस, याकुब हिट्‌नुङ् युहान्‍ना उन्‌लोक् खाट्‌टुचे, हिट्‌नुङ् उन्‍ङाना आड्‌डिक् उनिङ्‌ग्‍वा टुगाउङ् चिन्‌तित् लिसे॥

मारकुस 9:15

याप्‌मिचिगा खिमेयाङ्‌मेङा उन् उनिसुनामे हिट्‌नागा आड्‌डिक् डोङ् ओठोङ्‌डे, हिट्‌नुङ् हिट्‌नागा उन् स्‍या चोक्‍माउङ्‌सा पिन्‍सा ओखाडे॥

लुका 24:46

हिट्‌नुङ् लोडुचे, “धारमाछाप्‍लाङि नाड्‌डे छेप्‍टेसे, खिरिस्‍टङा याङ्‌छामा आङ्‌डुटु हिट्‌नुङ् सुम्‍बोक् लेम्‍बाङि फेरि सियानालाम्‍मा उहिङ्‌ग्‍वाट् लियुङ् कोब्‌युक्॥

मुलिचेला टोॽवा 2:24

टरो माङ्‌हाङ्‌ङा उन् सिमाना याङ्‌छामालाम्‍मा छुट्‌कारा पिडुए हिट्‌नुङ् उहिङ्‌ग्‍वाट् चोगुए, पोङ्‌भोने सिमाना रिङ्‌ङा उन् छाक्‍मा हिडुवाट्‌टुन्॥

मुलिचेला टोॽवा 4:10

हाट्‌ले खानि हिट्‌नुङ् इस्‍राएलि ख्‍वाप्‍पा याप्‌मिचिङा ना रिङ् ठाहा टोगानुम्, ना याप्‌मि नासारातङिना येसु खिरिस्‍टङाना बोल्‍ङा नुयाउङ् खानि सोरि येबाइसे॥ खानिङा येसु खाप्‍चेङि आछुडुमुङ् आसेडुमे, टरो माङ्‌हाङ्‌ङा उन् सियानालाम्‍मा उहिङ्‌ग्‍वाट् चोगुए॥