मारकुस 15:26 - आठपहरिया

²⁶ हिट्‌नुङ् फाट्‌टुर लाहाब् ओचोगुङ् ओछेप्‍टुना चिट्‌ठिङि “याहुदिचिगा हाङ्‌बा” छेप्‍टाइसाना॥

मारकुस 15:26 ပူးပေါင်းရင်းမြစ်များ

मात्‌ति 2:2

हिट्‌नुङ् हिट्‌नागाँ नाड्‌डे पिक्‍सा ओमाट्‌टुए, “याहुदि याप्‌मिचिगा हाङ्‌बा लिसाउङ् पोङ्‌साना खोनाइ युङ्‌ग्‍वाना? पोङ्‌भोने आन्‍याँ उन् पोङ्‌साना रिङ्‌ङाना चिन्‍ना कापिबा चोक्‌चिङ्‌गे नाम् होम्‍मालेङ् निसुम्‍मे हिट्‌नुङ् उन् स्‍या मेट्‌सिङा आबिएसिङे॥”

मात्‌ति 27:37

“येसु, याहुदिचिगा हाङ्‌बा” पिक्‍सा छेप्‍बालाक् उन्‍ङाना बिरुद्‌दाङिना दोस पाट्‌रा ओखेङ्‌सुबिडुए॥

मारकुस 15:2

पिलातासङा येसु नाड्‌डे पिक्‍सा सिलाप्‍टुए, “पाक् खान् याहुदि याप्‌मिचिगा हाङ्‌बा इ?” उन्‍ङा लोडुए, “खान्‍ङा डोक् हिड्‌डे आमाट्‌टुएट्‌टु॥”

मारकुस 15:27

हिट्‌नागाँ येसुलोक् इप्‍पाङ् याङ्‌काखुट्‌चिङि ठिबाङ् उछुप्‍टाङ्‌लेङ् हिट्‌नुङ् आरकोम्‍बाक् ओफेङ्‌साङ्‌लेङ् ओचोगुचिउङ् खाप्‍चेङि उछुडुचे॥

मारकुस 15:32

हाउ इस्‍राएलि याप्‌मिचिगा हाङ्, खिरिस्‍ट खाप्‍चेलाम्‍मा ठाया उङ्‌सा, हिट्‌नुङ् आन्‍याँ हिट्‌ना निसुमुङ् बिस्‍वास चोगुम्‍टुम्‍मा॥” हिट्‌नुङ् उन्‌लोक् खाप्‍चेङि उछुडुचिगा याङ्‌काखुट्‌चिङा चा उन् खिजेक्‍पा ओचाट्‌टुए॥