मारकुस 14:70 - आठपहरिया

⁷⁰ टरो पाटरुसङा फेरि “आङाउम्‍टे माखाक् हाउ” पिक्‍सा माट्‌टुए॥ टरो होप्‍मो बेला एङ्‌स्‍वा हिट्‌नि ओयेबागा याप्‌मिचिङा फेरि पाटरुस ओलोडुए, “छेम्‍बा डोक्, ना याप्‌मिउम् हिट्‌नागा माड्‌डे ठिबाङ् याप्‌मि डोक्, पोङ्‌भोने खान् चा गालिलि छेट्‌रालाम्‍मा आबाना याप्‌मि डोक् टे॥”

मारकुस 14:70 ပူးပေါင်းရင်းမြစ်များ

मारकुस 14:68

टरो पाटरुसङा नाड्‌डे पिक्‍सा लोडुए, “माखाक् हाउ, खान् पाक् आपिग्‍येट्‌ना, आङाउम्‍टे पाक्‍चा ठाहा टोक्‌निङ्‌ना, बुजा चा चोक्‌निङ्‌ना॥” हिट्‌नुङ् पाटरुस भारा मुलि ढुवारिक्‌लेङ् खाडे, हिट्‌नुङ् हिट्‌ना बेला डोक् कोक्‍साबा ओक्‍टे॥

मारकुस 14:69

हिट्‌नुङ् हिट्‌ना चाकारनिङा पाटरुस निसुङ् हिट्‌नि ओयेबागा याप्‌मिचि फेरि लोडुचे, “ना याप्‌मिउम् हिट्‌नागा माड्‌डे ठिबाङ् याप्‌मि डोक्॥”

मारकुस 14:71

टरो पाटरुसङा आप्‍पे लोङ्‌सा साराप याङ्‌सा चामारसिङा चोङ् नाड्‌डे माट्‌टुए, “खानिङा आमाट्‌टुम्‍ना याप्‌मि साइना, आङाउम्‍टे मिसेन् डोक् निनिङ्‌ना॥”

मुलिचेला टोॽवा 2:7

हिट्‌नुङ् हिट्‌नागा आसाक्‍का डोङ् ओठोङ्‌डाउङ् उपिगे, “माखाक् हाउ, पाक् नागा ख्‍वाप्‍पा ओचेक्‌येट्‌गा गालिलि याप्‌मिचि माहि टे?