मारकुस 14:54 - आठपहरिया

⁵⁴ हिट्‌नुङ् पाटरुसउम्‍बाक् नेट्‌टाङ् मिखाट्‌ने चिपा लाप्‍माङ्‌लाम्‍मा येसु ओएङ्-ओएङ् सानिङ्‌डाङ्‌बाङाना ओटेल्‍लाङ् भिट्‌रा लिगे, हिट्‌नुङ् हिट्‌नि माङ्‌ठाना काकोबाचिलोक् युङाउङ् मि हुङ्‌मा ठालाँ चोगुए॥

मारकुस 14:54 ပူးပေါင်းရင်းမြစ်များ

मात्‌ति 26:3

हिट्‌ना बेला कैयाफा ओलोडुना सानिङ्‌डाङ्‌बा युङ्‌ना पाङ्‌ङि गाडुवाडाङ्‌बाचि हिट्‌नुङ् याप्‌मिचिगा धारमाबिधि काहिसिक्‍बाचि उछुमे॥

मात्‌ति 26:58

पाटरुसउम्‍बाक् नेट्‌टाङ् मिखाट्‌ने चिपा लाप्‍माङ्‌लाम्‍मा डोक् येसु ओएङ्-ओएङ् सानिङ्‌डाङ्‌बाङाना ओपाङ्‌ङिना टेल्‍लाङ्‌ङि टासुए॥ हिट्‌नुङ् हिट्‌नि पाक् लियुक्‍ना नुङ् पुङा भिट्‌रा खाडाउङ् टिलिङ्‌गाचिलोक् युङे॥

मारकुस 14:38

खानि ओछेक्‍छेक् युङानि हिट्‌नुङ् बिन्‌टि चोगानि, हिड्‌डेउङ् खानि वारिक्‌ङि आठाइन्‍गा॥ खानि निङ्‌ग्‍वाउम् टेयार युङ्‌ग्‍वा, टरो खानि येम् फेटुलो लिसाइसे, टेयार वाइना॥”

मारकुस 14:66

पाटरुस यो टेल्‍लाङ्‌ङि वासेट्‌टाना बेला सानिङ्‌डाङ्‌बाङाना ओचाकारनिचि माड्‌डे ठिबाङ् हिट्‌नि आबे,

लुका 22:44

येसुङाना आड्‌डिक् टुक्‍लोक् उनिङ्‌ग्‍वा एगाउङ् माइढा बिन्‌टि चोक्‍मा ठालाँ चोगुए, हिट्‌नुङ् ओहाङ्‌ग्‍वाट् ठे-ठेना हेलिक्‌ङाना ठेपोङ् गाड्‌डे डोक् खाम्‌मि ठामा ठालाँ चोगुए॥

लुका 22:54

माङ्‌ठाना काकोबा टिलिङ्‌गाचिङा येसु ओलाबुङ् सानिङ्‌डाङ्‌बा ओपाङ्‌ङि ओखाट्‌टुए॥ हिट्‌नुङ् पाटरुसम्‍बाक् नेट्‌टाङ् मिखाट्‌ने चिपा लाप्‍माङ्‌लाम्‍मा हिट्‌नागा ओएङ्-ओएङ् खाडे॥

युहान्‍ना 18:18

चुङ्‌ग्‍वामा लिसानाँ चाकारचि हिट्‌नुङ् माङ्‌ठाना काकोबाचिङा मि उटुप्‍टुङ् हुङ्‌सा हिट्‌नागा याम्‍बा-नायाम्‍बा ओयेबाइसागा॥ हिट्‌नुङ् पाटरुस चा हिट्‌नागालोक् येबाउङ् मि हुङ्‌मा ठालाँ चोगुए॥

युहान्‍ना 18:25

हिट्‌ना बेला सिमोन पाटरुस येबाउङ् मि हुङेट्‌टाना॥ हिट्‌नि उलिसागा आरु कोइङा उन् उसिलाप्‍टुए, “खान् चा हिट्‌ना याप्‌मिङाना ओचेला माखाइ टे?” पाटरुसङा इन्‍कार चोगुङ् माट्‌टुए, “आङा माखाक्॥”