मारकुस 14:36 - आठपहरिया

³⁶ उन्‍ङा नाड्‌डे माट्‌टुङ् बिन्‌टि चोगुए, “आब्‍बा, माङ्‌हाङ् पाबा, खान्‍ङा सोब्‍बे रिङ् चोक्‍मा आहिडुटु॥ ना याङ्‌छामाङाना खोरे आङालाम्‍मा याङ्‌होट्‌टाबिडा, टरो चा आनिङ्‌ग्‍वा माखाक्, कानिङ्‌ग्‍वा गाड्‌डे डोक् उलियाक्॥”

मारकुस 14:36 ပူးပေါင်းရင်းမြစ်များ

मात्‌ति 26:39

हिट्‌नुङ् उन् चिपा याम्‍बा खाडाउङ् खाम्‌ङि गुङ् चोगाउङ् नाड्‌डे पिक्‍सा बिन्‌टि चोगुए, “ए आप्‍पा, लिमा हियुक् भोने, ना याङ्‌छामाङाना खोरे आङालाम्‍मा याङ्‌होट्‌टाबिडा, टरो चा आनिङ्‌ग्‍वा गाड्‌डे माखाक्, टरो कानिङ्‌ग्‍वा गाड्‌डे डोक् उलियाक्॥”

मात्‌ति 26:42

फेरि येसु खाडाउङ् नाड्‌डे पिक्‍सा बिन्‌टि चोगे, “आप्‍पा, ना याङ्‌छामाङाना खोरे आङा मिठुङ्‌ङे लिनिना भोने, कानिङ्‌ग्‍वा डोक् पुरो उलियाक्॥”

मात्‌ति 6:9

हिट्‌डेउङ् खानि नाड्‌डे पारा बिन्‌टि चोगानि– ‘हाउ टोनालोग्‌ङि आयुङ्‌ना आन्‍याँ माङ्‌हाङ् पाबा, कानिङ् सेङ्‌सेङ् उलियाक्॥

मारकुस 10:27

उन्‍ङा हिट्‌नागा पुयुचिउङ् लोडुचे, “याप्‌मिचिङा चोक्‍मा उहिडुन्‍चा माङ्‌हाङ्‌ङा चोक्‍मा हिडिटु, पोङ्‌भोने माङ्‌हाङ्‌ङा सोब्‍बे रिङ् चोक्‍मा हिडुटु॥”

मारकुस 10:39

हिट्‌नागाचिङा माट्‌टाचुए, “आए, आन्‍च्‍याँ चोक्‍मा हिचुचुङा॥” हिट्‌नुङ् येसुङा हिट्‌नागाचि लोडुचे, “छेम्‍बा डोक्, आङा ठुङुङ्‌ना खोरे खान्‌चिङा चा आठुङ्‌चुचु, हिट्‌नुङ् आङा लाडुङ्‌ना बाप्‌टिस्‍मा खान्‌चिङा चा आलाट्‌चुचु॥

मारकुस 14:37

हिट्‌नुङ् येसुङा बिन्‌टि चोग्‍मा हिडुङ् नोक्‍टा आबानाँ सुम्‍बाङ् डोक् ओचेलाचि उइम्‍सेसागा टुबुचे॥ हिट्‌नुङ् येसुङा पाटरुस लोडुए, “सिमोन, पाक् खान् आइम्‍सेसेनि? पाक् खान् ठिक घान्‍टा चा मिइम्‍मे युङ्‌मा आहिनिनिनै?

युहान्‍ना 12:27

“हाट्‌ले आनिङ्‌ग्‍वा आड्‌डिक् टुगाइसे, हिट्‌नुङ् आङा पाक् माप्‍माना? ‘हाउ माङ्‌हाङ् पाबा, आङा ना याङ्‌छामालाम्‍मा याङ्‌होट्‌टा’ नुङ् पिक्‍मानि? माखाक्, आङा ना याङ्‌छामा फोक्‍मालाउङ्‌सा डोक् नाराङि टायाङ्‌ना॥

युहान्‍ना 18:11

टरो येसुङा पाटरुस लोडुए, “काचेप्‍सा उसुप्‌ङि युङ्‌सु॥ पाक् आङाना माङ्‌हाङ् पाबाङा आङा याङ्‌पिडाना हिट्‌ना याङ्‌छामाङाना खोरे आङा मिठुङ्‌मानि टे?”

युहान्‍ना 4:34

येसुङा हिट्‌नागा लोडुचे, “आङा कापाङ्‌बाङाना उनिङ्‌ग्‍वा गाड्‌डे चोक्‍मा, हिट्‌नुङ् ओटोॽवा चोक्‍मा हिमा डोक् आङाना चामाना थोक् ए॥

युहान्‍ना 5:30

“आङा आप्‍पेम्‍बाक् पाक्‍चा चोक्‍मा हिनिङ्‌ना॥ जे आङा खेम्‍सुङ्‌टुङ् हिट्‌ना पारा डोक् न्‍याए चोगुङ्‌टुङ्, हिट्‌नुङ् आङा चोगुङ्‌ना न्‍याएम्‍बाक् छेम्‍बाना, पोङ्‌भोने आङा आप्‍पे आनिङ्‌ग्‍वा गाड्‌डे पाक्‍चा चोक्‌निङ्‌ना, टरो आङा कापाङ्‌बाङाना उनिङ्‌ग्‍वा गाड्‌डे एरोक् चोगुङ्‌टुङ्॥

गालाति 4:6

हाट्‌ले आनि माङ्‌हाङ् ओछालेट्‌चि ए, हिट्‌नुङ् माङ्‌हाङ्‌ङा उइछाङाना ओहाङ्‌सा आनि निङ्‌ग्‍वाङि आठेन्‍डाबिडाइसे, हिट्‌नुङ् हिट्‌ना हाङ्‌सालाम्‍मा आनि उन् “हाउ आब्‍बा, पाबा” नुङ् छेम्‍मा हिडुम्‍टुम्॥

फिलिप्‌पि 2:8

उन् याप्‌मिङाना ओसोरुप्‌ङि लिसानाँ मेयोक् लिसे, हिट्‌नुङ् उन् सिमा चा, आथाबा खाप्‍चेङि सिमा चा निङ्‌ग्‍वा चोगुङ् माङ्‌हाङ्‌ङाना आग्‍याँ पालान् चोगुए॥

२ तिमोथि 2:13

आनि बिस्‍वासिलो लिसिन्‍चा उन् उम्‍टे बिस्‍वासिलो डोक् वाहेट्, पोङ्‌भोने उन्‍ङा आप्‍पेलोङ्‌सा इन्‍कार चोक्‍मा हिडुन्‍ना॥

तितास 1:2

ना बिस्‍वास हिट्‌नुङ् ठोना लाट्‌निना चोलाङाना आसाङि आडाँ लिसाइसे॥ खोना बेला चा माङ्‌जो चेक्‌निना माङ्‌हाङ्‌ङा याप्‍मा बारखा पाइले लाट्‌निना चोला पिनाँनि नुङ् माङ्‌हुप् चोगुए,

हिब्‍रु 6:18

हाट्‌ले माङ्‌हाङ्‌ङा आनि चामारसिङा आपिडे हिट्‌नुङ् बाचा चा चोगुए, नागाचि इप्‍पोक् रिङ् फेराँ लिनिना, पोङ्‌भोने माङ्‌हाङ् माङ्‌जो चेक्‌निना॥ हिट्‌नाड्‌डेउङ् आनि उन् सोरि सुराछे टोक्‍माउङ्‌सा खाडिगाँ आनि टोकानाङि आयुङ्‌साबिडाना आसा टोग्‍माना ठेना आँट् टोगुम्‍टुम्॥