मारकुस 14:35 - आठपहरिया

³⁵ हिट्‌नुङ् उन् चिपा याम्‍बा खाडाउङ् खाम्‌ङि गुङ् चोगे, हिट्‌नुङ् “लिमा हियुक् भोने ना टायुगेट्‌ना याङ्‌छामा आठुङ्‌ङि ओठानिचा” पिक्‍सा बिन्‌टि चोक्‍मा ठालाँ चोगुए॥

मारकुस 14:35 ပူးပေါင်းရင်းမြစ်များ

मात्‌ति 26:39

हिट्‌नुङ् उन् चिपा याम्‍बा खाडाउङ् खाम्‌ङि गुङ् चोगाउङ् नाड्‌डे पिक्‍सा बिन्‌टि चोगुए, “ए आप्‍पा, लिमा हियुक् भोने, ना याङ्‌छामाङाना खोरे आङालाम्‍मा याङ्‌होट्‌टाबिडा, टरो चा आनिङ्‌ग्‍वा गाड्‌डे माखाक्, टरो कानिङ्‌ग्‍वा गाड्‌डे डोक् उलियाक्॥”

मात्‌ति 26:45

हिट्‌नुङ्‌ना चेलाचि सोरि आबाउङ् हिट्‌नागा लोडुचे, “पाक् खानि हाट्‌ले चा आइम्‌सिउङ् आराम आचोगेट्‌टिगि? खेम्‍सानुम्, हाट्‌ले बेला लिसे, याप्‌मि छा कायाङ्‌छाबाचि मुक्‌ङि पिमा बेला लिमा हिडे॥

मारकुस 14:41

येसु सुम्‍बोक् खेप्‌ङाना पालाङि चेलाचि सोरि नोक्‍टा आबाउङ् उन्‍ङा हिट्‌नागा लोडुचे, “पाक् खानि हाट्‌ले चा आइम्‌सिउङ् आराम आचोगेट्‌टिगि? हाट्‌ले इम्‍माना बेला लाट्‌टे, पुयानुम्, याप्‌मि छा ओलाबुङ् पापि याप्‌मिचिगा मुक्‌ङि पिमाना बेला लिमा हिडे॥

लुका 22:41

हिट्‌नुङ् येसु ओचेलाचिलाम्‍मा चिपा याम्‍बा खाडाउङ् उटुम्‍भुट् येप्‍टुङ् नाड्‌डे पिक्‍सा बिन्‌टि चोगे,

युहान्‍ना 12:23

येसुङा हिट्‌नागाचि लोडुचे, “हाट्‌ले याप्‌मि छाङाना माहिमा लिमाना बेला टाइसे॥

हिब्‍रु 5:7

येसु ना नाराङि येम्‌ङि वासानाँ उन् सिइनालाम्‍मा बाचाँ चोक्‍मा काहिबा माङ्‌हाङ्‌ङि आड्‌डिक् राट्‌टाउङ् हाप्‍सा मिॽवा ठेन्‍डुङ् बिन्‌टि ठाङ्‌सुए॥ पोङ्‌भोने उन्‍ङा उनिङ्‌ग्‍वालाम्‍मा डोक् माङ्‌हाङ् माङ्‌ध्‍यान् चोगुए, हिट्‌नुङ् माङ्‌हाङ्‌ङा उन्‍ङाना बिन्‌टि खेम्‍सुए॥

पारकास 5:14

हिट्‌नुङ् हिट्‌निगा टेम्‍बोक् उहिङ्‌ग्‍वाट् जिवाट्‌चिङा ओमाट्‌टुए, “छेम्‍बा डोक्, नाड्‌डे डोक् लिमा कोन्‌युक्॥” हिट्‌नुङ् ओठेडोङ्‌चिङा गुङ् ओचोगाउङ् माङ्‌हाङ् लोक् थुमाङाना माङ्‌ध्‍यान् ओचोगुए॥