मारकुस 13:7 - आठपहरिया

⁷ जब खानिङा खेमाबुङ्‌मा लिसागा हिट्‌नुङ् खेमाबुङ्‌मा लियुगेट् पिक्‍सा ओमाट्‌टुगा रिङ् आखेम्‍सुम्‍टुम्, टरो खानि किट्‌नेनिन्॥ नाड्‌डेगा घाट्‌नाचिउम् लिमा डोक् कोन्‌युक्, टरो हिट्‌ना बेला डोक् नाराङाना आन्‍तेउम् लिनिना॥

मारकुस 13:7 ပူးပေါင်းရင်းမြစ်များ

मात्‌ति 18:7

इनाबा, ना नारालोङ्‌सा! पोङ्‌भोने ना नाराङि याप्‌मिचि पापङाना वारिक्‌ङि ठेम्‍माना रिङ्‌चि उयुङ्‌ग्‍वा॥ पापङाना वारिक्‌ङि ठेम्‍माना रिङ्‌चिउम् टायुक्, टरो इनाबा, हिट्‌ना याप्‌मिलाउङ्‌सा जुन्‌लाम्‍मा पाप चोक्‍मा मेप्‍माना वारिक् टायुक्॥

मात्‌ति 2:3

हेरोद हाङ्‌बाङा ना रिङ् खेम्‍सुङ् उनिङ्‌ग्‍वाङि हाङ्‌हाङ् लिनेट्‌नि, हिट्‌नुङ् यरुसलेमङिगा सोब्‍बे याप्‌मिचि चा हाङ्‌हाङ् ओलोनेट्एनि॥

मारकुस 13:6

जोम् याप्‌मिचि आनिङ्‌ङि ‘खिरिस्‍ट आङा डोक्’ पिक्‍सा ओटायुक्, हिट्‌नुङ् हिट्‌नागाँ जोम् याप्‌मिचि ओबान्‍डुचिचि॥

मारकुस 13:8

पोङ्‌भोने ठिक् छोङ्‌बाङाना बिरुद्‌दाङि आरको छोङ्‌बाङि खेमाबुङ्‌मा लियुक्, हिट्‌नुङ् ठिक् मुलुक् बिरुद्‌दाङि आरको मुलुक्‌ङि खेमाबुङ्‌मा लियुक्॥ ठोङ्-ठोङ्‌ङि लुट्‌लेमा काट्‌युक् हिट्‌नुङ् चामा-ठुङ्‌मागा थोक्‌चि चा लाट्‌युक्॥ नाड्‌डेगाउम् टे छाडाङ्‌मा बेथा लिना बेला गाड्‌डे डोक् नागाउम् याङ्‌छामा लिना उटुम् एरोक् ए॥

युहान्‍ना 14:1

येसुङा चेलाचि लोडुचे, “खानि चिन्‌तित् लिनेनिन्॥ खानिङा माङ्‌हाङ् बिस्‍वास चोगानुम्, हिट्‌नुङ् आङा चा बिस्‍वास याङ्‌चोगानि॥

युहान्‍ना 14:27

“आङा खानिलोङ्‌सा हाङ्‌हाङ् पिनाढानाँनि॥ आप्‍पे आङाना हाङ्‌हाङ् खानि पिनाँनि हिट्‌नुङ् नाराङा आपिना गाड्‌डेना हाङ्‌हाङ् माखाक्॥ खानि निङ्‌ग्‍वा टुक्‍नेनुम् हिट्‌नुङ् किट्‌नेनिन्॥

मुलिचेला टोॽवा 17:3

पावालङा हिट्‌निगा याप्‌मिचि खिरिस्‍टङा याङ्‌छामा आङ्‌मा हिट्‌नुङ् सियानालाम्‍मा उहिङ्‌ग्‍वाट् लिमा कोन्‍ना रिङ् धारमाछाप्‍लालाम्‍मा पारमान् पिडुचिउङ् पारचिन्‍दा चोगुचे॥ हिट्‌नुङ् उन्‍ङा “आङा पारचार चोगुङ्‌ना येसु डोक् खिरिस्‍ट ए” पिक्‍सा लोडुचे॥