मारकुस 13:21 - आठपहरिया

²¹ “हिट्‌ना बेला कोइङा खानि ‘पुयानुम्, खिरिस्‍ट नेहि वाहेट्’ आथाबा ‘हिट्‌नि वाहेट्’ पिक्‍सा मालोडिए भोने, हिट्‌नागा बिस्‍वास चोक्‍नेनुम्‌चिम्॥

मारकुस 13:21 ပူးပေါင်းရင်းမြစ်များ

मात्‌ति 24:5

पोङ्‌भोने जोम् याप्‌मिचि आनिङ्‌ङि ‘खिरिस्‍ट आङा डोक्’ पिक्‍सा ओटायुक्, हिट्‌नुङ् हिट्‌नागाँ याप्‍मा याप्‌मिचि ओबान्‍डुचिचि॥

मारकुस 13:20

माङ्‌हाङ्‌ङा हिट्‌ना याङ्‌छामा लेम्‍बा उन्‍ना चोग्‍वाट्‌टुन्‍ना बे खोना याप्‌मि हिङ्‌मा उहिन्‍याट्‌नि, टरो उन्‍ङा सेगुचिगा याप्‌मिचिगा खातिर हिट्‌ना याङ्‌छामा लिना लेम्‍बा घाटाँ चोगुएसुए॥

मारकुस 13:22

पोङ्‌भोने हिट्‌ना बेला माङ्‌जोगा खिरिस्‍ट हिट्‌नुङ् माङ्‌जोगा माङ्‌काटाचि चा ओहोन्‌युक्॥ हिट्‌नुङ् हिट्‌नागाँ ठे-ठेगा मिक्‍सेन् लोक् डोङ् ठोङ्‌डिगा टोॽवा ओचोगुङ् माङ्‌हाङ्‌ङा सेगुचिगा याप्‌मिचि चा ओबान्‍डुचिचि॥

लुका 21:8

येसुङा लोडुचे, “खानि नुभेक् टाप् चोगानुम्, खानि खोनाँ चा माबान्‌डिन्‍चा, पोङ्‌भोने जोम् याप्‌मिचि आनिङ्‌ङि ‘खिरिस्‍ट आङा डोक्’ हिट्‌नुङ् ‘हाट्‌ले आन्‍तेङाना बेला नेहेट्‌टाङ् टाइसे’ पिक्‍सा ओटायुक्॥ टरो हिट्‌नागा बिस्‍वास चोक्‍नेनुम्‌चिम्॥

युहान्‍ना 5:43

आङा आप्‍पाङाना उनिङ्‌ङि टाइसाङे, टरो खानिङा आङा आलाडिन्‍नागा॥ टरो आरको कोइ आप्‍पे उनिङ्‌ङि टाए भोने खानिङा हिट्‌ना आलाडुम्‍टुम्॥