मारकुस 12:7 - आठपहरिया

⁷ टरो हिट्‌नागा आधिया कामाँ काचोक्‍बाचि उन्‌चि उन्‌चि नाड्‌डे पिक्‍सा उमुन्‍डुब्‍टे, ‘लु, नाउम्‍टे स्‍वाँरा डाङ्‌बा उइछा डोक्॥ लु आबानि, हाट्‌ले ना सेडुम्, हिट्‌नुङ् आनिना डोक् आधिकार लियुक्॥’

मारकुस 12:7 ပူးပေါင်းရင်းမြစ်များ

मात्‌ति 2:16

जोतिसिचिङा उन् ढाँट ओफोक्‍टुना रिङ् हेरोदङा ठाहा टोगुए, हिट्‌नुङ् आड्‌डिक् ओयाग्‍लेडे॥ हिट्‌नुङ् जोतिसिचिङा ओमाट्‌टुना बेलालाम्‍मा उन्‍ङा बेथलेहेम हिट्‌नुङ् हिट्‌ना छेट्‌रा भिट्‌राङिगा इप्‍पोक् बारखा ओटासुगा हिट्‌नुङ् उछिक्‌ङिगा ख्‍वाप्‍पा ओओचि सेप्‍मा मेट्‌टुचे॥

मात्‌ति 21:34

जब आङ्‌गुर छुम्‍मा बेला लिसे, टब आङ्‌गुर बारि डाङ्‌बाङा ओभागा लोहोट्‌सिङा ओचाकारचि आधिया कामाँ काचोक्‌चिङि पाङ्‌सुचे॥

मारकुस 12:12

येसुङा ना मुन्‍डुम् उन्‌चि बिरुद्‌दाङि डोक् माट्‌टुना नुङ् याहुदि ओठेडोङ्‌चिङा ठाहा ओटोगुए॥ हिड्‌डेउङ् हिट्‌नागाँ येसु लाप्‍मा ओकोलुए, टरो याप्‌मिचिगा खिमेयाङ्‌मेलोक् हिट्‌नागा उकिट्‌टानाँ उन् ओपोक्‍टुढोङ् ओखाडाएट्‌टे॥

मारकुस 12:6

“हाट्‌ले आङ्‌गुर डाङ्‌बाङाना उलुक्‍माङा चोना ठिक्‍ए उइछा डाना, ‘हिट्‌नागाँ आइछाउम् नुलोक् ओमेट्‌टुटु होला’ नुङ् सोब्‍बे नुङ्‌ना एङ्‌स्‍वा उन्‍ङा हिट्‌ना उइछा डोक् आधिया कामाँ काचोक्‍बाचिङि पाङ्‌सुए॥

मारकुस 12:8

हिट्‌नुङ् हिट्‌नागाँ उन् ओलाबुङ् ओलेम्‍सुङ् ओसेढुए, हिट्‌नुङ् आङ्‌गुर बारिलाम्‍मा भारा ओलेप्‍टुए॥

मुलिचेला टोॽवा 2:23

माङ्‌हाङ्‌ङा चोगुना निङ्‌ग्‍वा गाड्‌डे चोक्‍माउङ्‌सा येसु खानि मुक्‌ङि मापिडिए हिट्‌नुङ् दुस्‍टा याप्‌मिचिगा मुक्‌लाम्‍मा खानिङा उन् खाप्‍चेङि आछुडुमुङ् आसेडुमे॥

मुलिचेला टोॽवा 5:28

“आन्‍याँ ना उनिङ्‌ङि याप्‌मिचि पाक्‍चा खानिङा सिकाँ चोक्‍नेनुम्‌चिम् नुङ् लोनानिगा, टरो पुयानुम्, यरुसलेमङाना सोब्‍बेलेङ् खानि हिसिक्‍माङा इप्‍टुएसुए हिट्‌नुङ् ना याप्‌मि सियाना फाट्‌टुर चा आन्‍याँ टेहेक्‌ङि खुमेप्‍मा आकोलेएट्‌टिगा रैछो॥”

मुलिचेला टोॽवा 7:52

खानि टुबाठेबाचिङा ख्‍वाप्‍पा माङ्‌काटाचि ओचाफेन्‍लोक् ओमेट्‌टुचे॥ हिट्‌नागाँ माङ्‌हाङ्‌ङाना सेङ्‌सेङ्‌ना धारमोति हाङ्‌बा टायुगेट् पिक्‍सा खाबोर कालो माङ्‌काटाचि चा हिट्‌नागाँ ओसेडुचे॥ हाट्‌ले खानिङा टायाना सेङ्‌सेङ्‌ना सेवाक्‌ङाना बिरुद्‌दाङि आकोबिउङ् उन् आसेडुमे॥

हिब्‍रु 1:2

टरो ना आखेरि बेला उन् उइछालाम्‍मा आनिलोक् चेक्‍टेसे॥ माङ्‌हाङ्‌ङा उइछालाम्‍मा सोब्‍बे थोक् सिरिस्‌टि चोगुए, हिट्‌नुङ् माङ्‌हाङ्‌ङा उन् डोक् ख्‍वाप्‍पा थोक्‌ङाना हाकवाला चोगुए॥