मारकुस 12:34 - आठपहरिया

³⁴ हिट्‌नुङ् हिट्‌नाङा नुना ओठोनालाम्‍मा माट्‌टुना खेम्‍सुङ् येसुङा हिट्‌ना लोडुए, “खान् माङ्‌हाङ् उमुलुक्‌लाम्‍मा लाप्‍माङ् आवाइना॥” हिट्‌ना बेलालाम्‍मा साङा चा आरु रिङ् येसु सिलाप्‍माना निङ्‌ग्‍वा चोक्‍मा उहिडुवाट्‌टुन्॥

मारकुस 12:34 ပူးပေါင်းရင်းမြစ်များ

मात्‌ति 12:15

येसुङा उन्‍ङाना बिरुद्‌दाङि रिङ्‌पान् ओचोगुना ठाहा टोगुङ् उन् हिट्‌निलाम्‍मा खाडालेट्‌टे॥ हिट्‌नुङ् जोम् याप्‌मिचि उन्‍ङा ओएङ्-ओएङ् ओखाडे, हिट्‌नुङ् उन्‍ङा उटुगागा सोब्‍बे नुमानिङ् चोगुचे॥

मात्‌ति 12:20

हिट्‌नुङ् पेङ्‌साना पारयाङ् चा एगुन्‍ना, सिया लाबाना कुपि चा सेडुन्‍ना, हिट्‌नुङ् उन्‍ङा ओभेन्‍गा मिमेट्‌ने सोम्‍मा याप्‌मिचि उन्‍ङाना माहामाना लाम्‍बो निमेट्‌टुयाक्‍टुचिचि॥

मात्‌ति 22:46

हिट्‌नुङ् साङा चा उन् पाक्‍चा लोमा उहिडुवाट्‌टुन्॥ हिट्‌नुङ् हिट्‌ना लेम्‍बालाम्‍मा साङा चा उन् आरु रिङ् सिलाप्‍माना निङ्‌ग्‍वा चोक्‍मा उहिडुवाट्‌टुन्॥

लुका 20:40

हिट्‌नुङ् येसु साङा चा आरु रिङ् सिलाप्‍माना निङ्‌ग्‍वा चोक्‍मा उहिडुवाट्‌टुन्॥

रोमि 7:9

पाइले आङा धारमाबिधि बारे बुजा डोक् मिचोक्‍ङे वासाङ्‌ना डाना, टरो जब धारमाबिधिङा माट्‌टुना रिङ् बारे बुजा चोगुङे, आङा पाप चोगुएट्‌टुङ्‌ना रिङ् ठाहा टोगुङे,

गालाति 2:19

पाइले आङा धारमाबिधि पालान् चोक्‍मा कोलुङे, टरो ना धारमाबिधिङा आङा फाट्‌टुर याङ्‌लाबे॥ हिट्‌डेउङ् माङ्‌हाङ् लाउङ्‌सा हिङ्‌मा आङा धारमाबिधि पालान् चोक्‍मा नाडुङे॥

कालास्‌सि 4:6

खानि आचेक्‌टिनाँ सोरोक् मेयोक् लिसानिउङ् चेक्‍टानि हिट्‌नुङ् निङ्‌ग्‍वा टाना रिङ् एडोक् माट्‌टानुम्॥ खानिङा खोड्‌डे पारिक् याप्‌मिचि लोमाचि कोन्‌युक्‍ना हिट्‌ना रिङ् निमा कोन्‌युक्॥