मारकुस 12:29 - आठपहरिया

²⁹ येसुङा हिट्‌ना याप्‌मि लोडुए, “सोब्‍बे नुङ्‌ना ठेना आग्‍याँम्‍बाक् ना डोक् ए, ‘हाउ इस्‍राइलि याप्‌मिचि खेम्‍सानुम्, आनि माङ्‌हाङ् टाङ्‌बा एरोक् ठिक् एना टाङ्‌बा युङ्‌ग्‍वा॥

मारकुस 12:29 ပူးပေါင်းရင်းမြစ်များ

मात्‌ति 10:37

“साङा आङा नुङ्‌ना याप्‍मा आप्‍पे उप्‍पा आथाबा उमा माया चोगुटु, हिट्‌ना आङाना आचेला लिमा नुना लिनिना॥ हिट्‌नुङ् साङा आङा नुङ्‌ना याप्‍मा उइछाचि माया चोगुचिचि भोने, हिट्‌नालोङ्‌सा आचेला लिमा नुना लिनिना॥

मात्‌ति 23:9

ना नाराङि खान्‍याँ साक्‍चा ‘पाबा’ नुङ् लोनेन्‍नुम्‌चिम्, पोङ्‌भोने खानिना ठिबाङ् एना माङ्‌हाङ् पाबा वाहेट्, उन् टोनालोग्‌ङि युङ्‌ग्‍वा॥

लुका 10:27

हिट्‌नुङ् हिट्‌ना याप्‌मिङा येसु लोडुए, हिट्‌नि नाड्‌डे छेप्‍टाइसे, “‘खान्‍ङा कामाङ्‌हाङ् डाङ्‌बा ख्‍वाप्‍पा कानिङ्‌ग्‍वालाम्‍मा, ख्‍वाप्‍पा कासोक्‍मालाम्‍मा, ख्‍वाप्‍पा काबोल्‌लाम्‍मा, ख्‍वाप्‍पा काठोनालाम्‍मा डोक् माया चोगु’, हिट्‌नुङ् ‘खान्‍ङा आप्‍पे गाड्‌डे डोक् काटाक्‍लुङ्‌चि चा माया चोगुचि॥’”

रोमि 3:30

पोङ्‌भोने माङ्‌हाङ् ठिक् एना ए॥ हिट्‌नुङ् उन्‍ङा याहुदिचि उलियाक्, पानिछोङ्‌बाचि उलियाक् ख्‍वाप्‍पा उन्‌चि बिस्‍वासलाम्‍मा डोक् धारमोति चोगुचिचि॥

१ कोरिन्‌थि 8:4

हिड्‌नाड्‌डेउङ् मुरतिङि ठाङ्‌बालाक् थोक् चामा लियुक्‌नि लिनिना इ हिट्‌ना बारेङि आङा खानि लोनाँनि॥ नाहि ठिक् एडोक् माङ्‌हाङ् युङ्‌ग्‍वा नुङ् आनि लाउङ्‌सा ठाहा युङ्‌ग्‍वा, हिट्‌नुङ् नाराङि लिसागा मुरतिम्‍बाक् छेम्‍बाना माङ्‌हाङ् माखाक्॥

गालाति 3:20

हाट्‌ले इप्‍पाङ् याप्‌मि टोङ्‌मा कोन्‌चिचि भोने रिङ् काटोङ्‌बा याप्‌मि चाहाब् लियुक्, टरो माङ्‌हाङ् आप्‍पेङा आब्‍राहामलोक् चामारसिङा चोगुए, हिट्‌डेउङ् उन्‌लाउङ्‌सा खोना चा रिङ् काटोङ्‌बा चाहाब् लिनिना॥

१ तिमोथि 1:5

ना आग्‍याँङाना मुलि रिङ्उम्‍बाक् माया ए, नाउम्‍बाक् चोखो निङ्‌ग्‍वा, ओचेट्‌नुना मिप्‍माना बोल् हिट्‌नुङ् छेम्‍बाना बिस्‍वासलाम्‍मा होन्‌युक्॥

१ तिमोथि 2:5

माङ्‌हाङ्‌उम् ठिबाङ् एना हिट्‌नुङ् माङ्‌हाङ् लोक् याप्‌मिचि माझाङि काटोङ्‌बा चा ठिबाङ् एना, हिट्‌ना याप्‌मिम्‍बाक् खिरिस्‍ट येसु ए॥

याकुब 2:19

पाक् माङ्‌हाङ् ठिबाङ् ए वाहेट् नुङ् खानिङा बिस्‍वास आचोगुटुम् नि? ना रिङ् ओचेट्‌नुना डोक्॥ टरो टोन्‍डेबाचिङा चा बिस्‍वास ओचोगुटु हिट्‌नुङ् हिट्‌नागा किप्‍माङा पिलिम् पिलिम् ओयोक्‌युक्॥

याहुदा 1:25

उन् ठिक् एना माङ्‌हाङ्, आनि काहिङ्‌मेप्‍बा डाङ्‌बा येसु खिरिस्‍ट आनि टाङ्‌बा ए॥ उन्‌लाउङ्‌सा माहिमा, मान्, बोल् हिट्‌नुङ् आधिकार उटुम्‌लाम्‍मा हाट्‌ले हिट्‌नुङ् सोरोक् बेला सोम्‍मा उलियाक्॥ आमेन्॥