मारकुस 12:24 - आठपहरिया

²⁴ येसुङा हिट्‌नागा लोडुचे, “खानि आड्‌डिक् टुक्‍लोक् आबान्‌डिसिए, पोङ्‌भोने खानिङा धारमाछाप्‍लाङिना रिङ् हिट्‌नुङ् माङ्‌हाङ् ओबोल् बारे बुजा डोक् आचोक्‌निम्‍गेट्‌निम्॥

मारकुस 12:24 ပူးပေါင်းရင်းမြစ်များ

मात्‌ति 22:29

येसुङा हिट्‌नागा लोडुचे, “खानि आबान्‌डिसिए, पोङ्‌भोने खानिङा धारमाछाप्‍लाङिना रिङ् हिट्‌नुङ् माङ्‌हाङ् ओबोल् बारे बुजा डोक् आचोक्‌निम्‍गेट्‌निम्॥

मारकुस 10:27

उन्‍ङा हिट्‌नागा पुयुचिउङ् लोडुचे, “याप्‌मिचिङा चोक्‍मा उहिडुन्‍चा माङ्‌हाङ्‌ङा चोक्‍मा हिडिटु, पोङ्‌भोने माङ्‌हाङ्‌ङा सोब्‍बे रिङ् चोक्‍मा हिडुटु॥”

मारकुस 12:23

हिट्‌नुङ् उसियागा उहिङ्‌ग्‍वाट् उलियुङ् ओकोब्‌यु काट्‌नाँ हिट्‌नागा माड्‌डे हिट्‌ना मेन्‍झेमा साङाना ओटालिमाङ् लियुक्‍ना? पोङ्‌भोने हिट्‌नागा सि जानाङा डोक् हिट्‌ना मेन्‍झेमा भ्‍या ओचोगुए॥”

मारकुस 12:25

“पोङ्‌भोने याप्‌मिचि उसियुङ् उहिङ्‌ग्‍वाट् उलि ओकोब्‍नाँ हिट्‌नागा भ्‍या उलिनिगा हिट्‌नुङ् भ्‍या चा ओचोगुन्‌बिडुन्‌चिन्‍गा, टरो हिट्‌नागा टोनालोग्‌ङि उलिसागा माङ्‌हाङ् रिङ् काउग्‍बाचि गाड्‌डे डोक् उलियुक्॥

लुका 1:37

पोङ्‌भोने माङ्‌हाङ्‌ङा चोक्‍मा हिडुन्‍ना टोॽवा पाक्‍चा वाइना॥”

युहान्‍ना 20:9

(पोङ्‌भोने हिट्‌नागाँ उन् सियानालाम्‍मा उहिङ्‌ग्‍वाट् लियुङ् कोप्‍मा कोन्‌युक् नुङ् धारमाछाप्‍लाङि छेप्‍बालाक् रिङ् हाट्‌ले सोम्‍मा बुजा चोक्‍मा उहिडुन्‍गेट्‌टुन्‍ना डाना॥)

युहान्‍ना 5:39

खानिङा धारमाछाप्‍ला पोढाँ आचोगुम्‍गा, पोङ्‌भोने हिट्‌नि खोना बेला चा लाट्‌निना चोला टोगुम्‍टुम् नुङ् खानि आमिट्‌टिगा॥ हिट्‌ना धारमाछाप्‍लाङा डोक् आङाना बारेङि माट्‌टुटु॥

मुलिचेला टोॽवा 17:11

हिट्‌ना डेन्‌ङिगा याप्‌मिचि थेसालोनिकेङिगा याप्‌मिचि नुङ्‌ना याप्‍मा नुगा ओडागा॥ हिट्‌नागाँ पावालङा पारचार चोगुना येसुङाना बारेङि नुना खाबोर निङ्‌ग्‍वा उपिडुङ् ओखेम्‍सुए हिट्‌नुङ् उन्‍ङा पारचार चोगुना रिङ् छेम्‍बाना इ माखाक् पिक्‍सा लेम्‍बासेम्‍बा धारमाछाप्‍ला पोढाँ ओचोगुङ् ओकोलुए॥

रोमि 15:4

आच्‍छो बेला धारमाछाप्‍लाङि छेप्‍टागा सोब्‍बे रिङ्‌चि आनि हिसिक्‍मालाउङ्‌सा छेप्‍टागा डागा॥ धारमाछाप्‍लाङिना रिङ्‌ङा आङ्‌मा हिमाना साक्‌ति हिट्‌नुङ् आँट् आनि आपियुक्, हिट्‌डेउङ् माङ्‌हाङ्‌ङा चोगुना चामारसिङा युयुक् नुङ् आनि आसा चोक्‍मा हिडुम्‍टुम्॥

एफिसि 1:19

हिट्‌नुङ् उन्‌ङि बिस्‍वास काचोक् आनि लोङ्‌सा उन्‍ङाना आड्‌डिक् ठेना साक्‌तिङाना बारेङि खानिङा बुजा चोगानुम् नुङ् चा बिन्‌टि चोगुङ्‌टुङ्॥ ना बोल्‌लाम्‍मा डोक् माङ्‌हाङ्‌ङा खिरिस्‍ट सियानालाम्‍मा उहिङ्‌ग्‍वाट् चोगुए, हिट्‌नुङ् टोनालोक्‌ङि आड्‌डिक् मान् चोगुम्‍ना डेन्‌ङि युङ्‌सुए॥ हिट्‌डेडोक् आनिङि चा उन्‍ङा टोॽवा चोगुटु॥

फिलिप्‌पि 3:21

उन्‌लोक् सोब्‍बे थोक् सासान् चोक्‍माना बोल् युङ्‌ग्‍वा, हिट्‌ना ओसाक्‌तिङा डोक् आनिना ना सिना येम् उन्‍ङाना गाड्‌डेना डोक् ओम्‍ना येम् चोक्‍मा हिडुटु॥