मारकुस 10:52 - आठपहरिया

⁵² येसुङा लोडुए, “कालाम्‍बो खाडा, खान्‍ङा बिस्‍वास आचोगुनाँ खान् आनुए॥” हिट्‌ना बेला डोक् हिट्‌नाँ याङ्‌निसुए, हिट्‌नुङ् येसुङा ओएङ्-ओएङ् खाडे॥

मारकुस 10:52 ပူးပေါင်းရင်းမြစ်များ

मात्‌ति 11:5

याङ्‌कानिनिबाचिङा उनिसुएट्‌टु, लाङ्‌गाडाचि ओलाम्‌टियेट्, कोर रोगिचि नुमानिङ् उलिएट्, याङ्ओखेम्‌निगाँ ओखेम्‍सुएट्‌टु, उसियागा उहिङ्‌ग्‍वाट् उलियुङ् ओकोब्‍एट्, हिट्‌नुङ् पाक्‍चा ओवानिगाँ ओचेट्‌नुना खाबोर खेम्‍मा ओटोगुएट्‌टु॥

मात्‌ति 12:22

याप्‌मिचिङा टोन्‍डेबाङा याङ्‌सुङ् याङ्‌कानिनिबा हिट्‌नुङ् ओकेलुबा लिसाना ठिबाङ् याप्‌मि येसु सोरि ओटाडुए॥ येसुङा हिट्‌ना याप्‌मि नुमानिङ् चोगुए, हिट्‌नुङ् हिट्‌नाँ याङ्‌निसुए हिट्‌नुङ् चेक्‍मा काहिबा लिसे॥

मात्‌ति 15:28

टब येसुङा हिट्‌ना लोडुए, “छेम्‍बा डोक् ए आन्‍झो, काबिस्‍वास ठेना रैछो॥ खान्‍ङा आमाट्‌टु गाड्‌डे डोक् उलियाक्॥” हिट्‌ना बेला डोक् उइछा नुमानिङ् लिसालेट्‌टे॥

मात्‌ति 21:14

हिट्‌नुङ् याङ्‌कानिनिबा लोक् लाङ्‌गाडाचि माङ्‌ठानाङि येसु सोरि ओटाए, हिट्‌नुङ् उन्‍ङा हिट्‌नागा नुमानिङ् चोगुचे॥

मात्‌ति 8:3

येसुङा हिट्‌ना याप्‌मि उमुक्‌ङा खोट्‌टुङ् लोडुए, “आङा निङ्‌ग्‍वा चोगुङ्‌टुङ्, खान् नुमानिङ् लिसाडा॥” हिट्‌ना बेला डोक् हिट्‌नाङाना कुस्‍टा रोग नुमानिङ् लिसाडे॥

मात्‌ति 9:22

हिट्‌नुङ् येसु ओएङ्‌स्‍वालेङ् रिसाउङ् पुयुनाँ हिट्‌ना मेन्‍झेमा निसुए, हिट्‌नुङ् लोडुए, “आनो, आँटि लिसा, काबिस्‍वासङा खान् आनुयाइसे॥” हिट्‌ना बेला डोक् हिट्‌ना मेन्‍झेमा नुयाडे॥

मारकुस 1:31

येसु सिमोन ओनाम्‍मा सोरि खाडाउङ् उमुक् लाबुङ् फोगुए हिट्‌नुङ् जोरोङा हिट्‌ना लेडुएट्‌टुए॥ हिट्‌नुङ् हिट्‌ना मेन्‍झेमा कोबाउङ् हिट्‌नागाँगा सेवा चोगुए॥

मारकुस 5:34

हिट्‌नुङ् येसुङा हिट्‌ना मेन्‍झेमा लोडुए, “आनो, काबिस्‍वासङा खान् आनुयाइसे, हाङ्‌हाङ् लिसाउङ् खाडा, हाट्‌ले कारोगा नुमानिङ् उलियाक्॥”

मारकुस 8:25

येसुङा फेरि हिट्‌ना याप्‌मिङाना उमिक्‌ङि उमुक्‍ङा खोट्‌टुए, हिट्‌नुङ् हिट्‌नाँ नुलोक् पुयुनाँ सोब्‍बे थोक्‌चि पारचिन्‍दा निमा हिडुलोक् लिसे॥

लुका 7:50

हिट्‌नुङ् येसुङा हिट्‌ना मेन्‍झेमा लोडुए, “काबिस्‍वासङा खान्‍ङा मुक्‌टि आटोगुए, हाट्‌ले हाङ्‌हाङ्‌लोक् खाडा॥”

लुका 9:48

हिट्‌नुङ् हिट्‌नागा लोडुचे, “जुन्‍ङा आनिङ्‌ङि ना ओओ स्‍वागाट् चोगुटु हिट्‌नाङा आङालोक् आङा याङ्‌पाङ्‌साना माङ्‌हाङ् पाबा स्‍वागाट् चोगि गाड्‌डे डोक् ए॥ खानिङि सोब्‍बे नुङ्‌ना खाट्‌टिउना डोक् सोब्‍बे नुङ्‌ना ठेना लियुक्॥”

युहान्‍ना 9:32

नाराङाना उटुम्‌लाम्‍मा हाट्‌ले सोम्‍मा पोङ्‌सानालाम्‍मा याङ्‌कानिनिबा लिसाउङ् पोङ्‌साना साङा चा नुमानिङ् चोगुना रिङ् खोना बेला चा खेम्‌निगेट्‌निना॥

युहान्‍ना 9:39

हिट्‌नुङ् येसुङा लोडुए, “याङ्‌कानिनिबा याप्‌मिचिङा उनिसुवाक् हिट्‌नुङ् याङ्उनिसुगा याप्‌मिचि याङ्‌कानिनिबा उलियाक् नुङ् आङा नाराङि न्‍याए चोक्‍माउङ्‌सा उङ्‌साङे॥”

मुलिचेला टोॽवा 26:18

खान्‍ङा हिट्‌नागा याप्‌मिचिगा मिक् ओङ्‌सुबिडुचि, हिट्‌नुङ् हिट्‌नागा डुम्‍बारिक् डुम्‍लाम्‍मा व्‍हाङ्‌ङि हिट्‌नुङ् सैतानङाना ओसाक्‌तिलाम्‍मा माङ्‌हाङ्‌ङि ओनोक्‌याक्॥ हिट्‌नुङ् माङ्‌हाङ्‌ङा हिट्‌नागाँगा पाप टुगुबिडुचिचि, हिट्‌नुङ् हिट्‌नागाँ माङ्‌हाङ्‌ङि बिस्‍वास ओचोगुनाँ उन्‍ङा सेगुचिगा ओयाप्‌मिचिलोक् साङ्‌गाटिङि युङ्‌मा ओटोगुटु॥’