मारकुस 10:38 - आठपहरिया

³⁸ टरो येसुङा हिट्‌नागाचि लोडुचे, “खान्‌चि पाक् आनाक्‍चेट्‌चिगा हिट्‌ना बुजा डोक् आचोक्‍चुन्‍गेट्‌चुन्‍गा॥ पाक् आङा ठुङुङ्‌ना याङ्‌छामाङाना खोरे खान्‌चिङा ठुङ्‌मा आहिचुचुगि? आथाबा पाक् आङा चोगुङ्‌ना बाप्‌टिस्‍मा खान्‌चिङा चोक्‍मा आहिचुचुनि?”

मारकुस 10:38 ပူးပေါင်းရင်းမြစ်များ

मात्‌ति 26:39

हिट्‌नुङ् उन् चिपा याम्‍बा खाडाउङ् खाम्‌ङि गुङ् चोगाउङ् नाड्‌डे पिक्‍सा बिन्‌टि चोगुए, “ए आप्‍पा, लिमा हियुक् भोने, ना याङ्‌छामाङाना खोरे आङालाम्‍मा याङ्‌होट्‌टाबिडा, टरो चा आनिङ्‌ग्‍वा गाड्‌डे माखाक्, टरो कानिङ्‌ग्‍वा गाड्‌डे डोक् उलियाक्॥”

मात्‌ति 3:6

हिट्‌नुङ् आ-आप्‍पे पापलाम्‍मा काएल्-काबु उलिसागा लोङ्‌सा युहान्‍नाङा हिट्‌नागा यारदान होङ्‌ङि बाप्‌टिस्‍मा पिडुचे॥

मारकुस 14:36

उन्‍ङा नाड्‌डे माट्‌टुङ् बिन्‌टि चोगुए, “आब्‍बा, माङ्‌हाङ् पाबा, खान्‍ङा सोब्‍बे रिङ् चोक्‍मा आहिडुटु॥ ना याङ्‌छामाङाना खोरे आङालाम्‍मा याङ्‌होट्‌टाबिडा, टरो चा आनिङ्‌ग्‍वा माखाक्, कानिङ्‌ग्‍वा गाड्‌डे डोक् उलियाक्॥”

लुका 12:50

आङा ठिक् याङ्‌छामाना बाप्‌टिस्‍मा लाट्‌मा कोलाइसे, हिट्‌ना मिचोक्‍ङे सोम्‍मा आसोक्‍मा ठेक्‍टाइसे॥

लुका 22:42

“हाउ आप्‍पो, कानिङ्‌ग्‍वा आचोगुए भोने ना याङ्‌छामाङाना खोरे आङालाम्‍मा सोम्‍मा आहिडुटु, टरो आनिङ्‌ग्‍वा माखाक् कानिङ्‌ग्‍वा गाड्‌डे डोक् उलियाक्॥”

युहान्‍ना 18:11

टरो येसुङा पाटरुस लोडुए, “काचेप्‍सा उसुप्‌ङि युङ्‌सु॥ पाक् आङाना माङ्‌हाङ् पाबाङा आङा याङ्‌पिडाना हिट्‌ना याङ्‌छामाङाना खोरे आङा मिठुङ्‌मानि टे?”

रोमि 8:26

हिट्‌नाडेडोक् सेङ्‌सेङ्‌ना हाङ्‌साङा चा आनि पाक्‍चा चोक्‍मा हिनिम्‍ना बेला घुवार आफायुक्॥ हिट्‌ना बेला खोड्‌डे पारिक् बिन्‌टि चोक्‍मा कोन्‌युक्‍ना, आनि ठाहा टोग्‌निम्‍ना, टरो सेङ्‌सेङ्‌ना हाङ्‌सा आप्‍पेङा माप्‍मालोक् हिनिम्‍ना रिङ्‌ङि आनि निङ्‌ग्‍वालाम्‍मा बिन्‌टि आठाङ्‌युबियुक्॥

याकुब 4:3

खानिङा माङ्‌हाङ् आनाक्‍टुम्‍टुम् टरो आटोक्‌निम्‍ना, पोङ्‌भोने खानिगा नाक्‍माना पारा डोक् ओचाफेन्‍ना, हिट्‌नुङ् खानिङा खालि खानि निङ्‌ग्‍वाङिगा रिङ् युमा एरोक् माङ्‌हाङ् आनाक्‍टुम्‍ना॥