मारकुस 10:24 - आठपहरिया

²⁴ येसुङाना रिङ् ओखेम्‍सुङ् चेलाचि डोङ् आठोङ्‌डे॥ हिट्‌नुङ् येसुङा फेरि हिट्‌नागा लोडुचे, “हाउ पिच्‍छाचि, माङ्‌हाङ् उमुलुक्‌ङि लिक्‍मा आड्‌डिक् टुक्‍ना॥

मारकुस 10:24 ပူးပေါင်းရင်းမြစ်များ

मात्‌ति 19:25

ना रिङ् ओखेम्‍सुङ् चेलाचि आड्‌डिक् डोङ् ओठोङ्‌डाउङ् उसिलाप्‍टुए, “हिट्‌डे भोने साक्‍ङाम्‍बाक् मुक्‌टि टोगुटुना टे?”

मारकुस 1:27

हिट्‌नि उछुमागा सोब्‍बे याप्‌मिचि डोङ् ओठोङ्‌डाउङ् हिट्‌नागा नाड्‌डे उपिगे, “ना पाइना हाउ? नाम्‍टे ओछोङ्‌ग्‍वाट् पारिक्‍ना हिसिक्‍मा गोलो रैछो॥ ना याप्‌मिङाम्‍टे आधिकारलोक् ओचाफेन्‍गा रिमेट्‌चि चा आग्‍याँ पिडुचिगा, हिट्‌नुङ् हिट्‌नागा ओटेन्‍गा रैछो॥”

मारकुस 10:23

हिट्‌नुङ् येसुङा सोब्‍बेलेङ् पुयुङ् ओचेलाचि लोडुचे, “वागाठागा याप्‌मि लोङ्‌सा माङ्‌हाङ् उमुलुक्‌ङि लिग्‍मा आड्‌डिक् टुक्‍ना॥”

लुका 16:14

नागा सोब्‍बे रिङ् ओखेम्‍सुङ् फारिसि याप्‌मिचिङा येसु ओरेट्‌टुजोए॥ पोङ्‌भोने हिट्‌नागा माक्‍फेन्‍सुबेन्‌ङि ओटोम्‍सागा ओडागा॥

युहान्‍ना 13:33

“हाउ खाट्‌टियुगा आइछाचि, आङा छोप्‍मोङ् धारि एडोक् खानिलोक् वाङा॥ खानिङा आङा आकोलिटिङा, हिट्‌नुङ् आङा याहुदिचि लोडुङ्‌चिङ्‌गा गाड्‌डे डोक् खानि चा लोनाँनि, ‘आङा खोनाइ खाट्‌नागेट्‌नाँ हिट्‌नि खानि खाप्‍मा आहिडिन्‍गा॥’

युहान्‍ना 21:5

येसुङा हिट्‌नागा लोडुचे, “हाउ साइबाचि, खानिङा ङासाचि आलाबुम्‌चिम्‍मेगि?” हिट्‌नागाँ ओलोडुए, “माइना॥”

युहान्‍ना 6:60

नागा रिङ् ओखेम्‍सुङ् ओचेलाचि माड्‌डे याप्‍माङा उन् ओलोडुए, “ना हिसिक्‍माउम् बिस्‍वास चोक्‍मा औधि टुक्‍ना, खोनाङा ओखेम्‍सुटुना?”

गालाति 4:19

खानि आइछाचि गाड्‌डेगा डोक्, मेन्‍झेमा छाडाङ्‌मा बेथा लाहाब् लिना बेला याङ्‌छामाङा छोट्-छोट् केलि गाड्‌डे आङा चा फेरि खानि लाउङ्‌सा याङ्‌छामाङा छोट्-छोट् लिङेट्‌ङा॥ खानि खिरिस्‍टङाना चाट्‌लाङि मिटुम्‍मे सोम्‍मा आङा ना याङ्‌छामा आङ्‌डुङ्‌टुङ्॥

१ तिमोथि 6:17

ना नाराङिगा वागाठेगालोङ्‌सा ठेलोक् ओचोक्‌नि नुङ् आग्‍याँ पिडुचि, हिट्‌नुङ् लाट्‌युजाना माक्‍फेन्‍सुबेन्‌ङि माखाक्, टरो आनि मोज्‍मोज्‍जा चोक्‍मा लोङ्‌सा सोब्‍बे थोक् जोम् आपिना माङ्‌हाङ्‌ङि उन्‌चि आसा उयुङ्‌सु नुङ् लोडुचि॥

१ युहान्‍ना 2:1

खानि आइछाचि गाड्‌डेगा, खानिङा पाप चोग्‍नेनुम् नुङ् आङा नागा रिङ् खानिलाउङ्‌सा छेप्‍टुएट्‌टुङ्॥ टरो कोइङा पाप चोगुए भोने चा माङ्‌हाङ् पाबालोक् आनि लोङ्‌सा बिन्‌टि काचोक् ठिबाङ् धारमोति येसु खिरिस्‍ट वाहेट्॥

१ युहान्‍ना 4:4

खानि आइछाचि गाड्‌डेगा, खानिम्‍बाक् माङ्‌हाङ्‌ङाना ओयाप्‌मिचि, हिट्‌नुङ् खानिङा हिट्‌नागा माङ्‌जो रिङ् काहिसिक्‍बाचि आमेट्‌टुम्‌चिम्‍मे, पोङ्‌भोने खानिलोक्‍ना सेङ्‌सेङ्‌ना हाङ्‌साम्‍बाक् नाराङि लिसाना हाङ्‌सा नुङ्‌ना माङ्‌ठेना ए॥

१ युहान्‍ना 5:21

खानि आइछाचि गाड्‌डेगा, माङ्‌जोगा साम्‍माङ्‌चिलाम्‍मा खानि लाप्‍माङ् युङानि॥

पारकास 3:17

हिट्‌नुङ् खानिङा आप्‍पेलाउङ्‌सा वागाठागा, जोम् माक्‍फेन्‍सुबेन् युङ्‌ग्‍वा हिट्‌नुङ् पाक्‍चा चाहाब् लिनिना नुङ् आमाट्‌टुम्‍गा॥ टरो माङ्‌हाङ् ओनाभाक्‌ङि खानि इम्‍टेप्‍मा दुखि, निङ्‌ग्‍वा हिम्‍ना, पाक्‍चा वानिना, याङ्‌कानिनिबा, हिट्‌नुङ् लोट्‌लिङ् चा मालेगा आवासेट्‌टि नुङ् खानिङा ठाहा आटोक्‌निम्‍ना॥