मारकुस 1:45 - आठपहरिया

⁴⁵ टरो हिट्‌ना याप्‌मि खाडाउङ् उन् नुयाना रिङ् ख्‍वाप्‍पालेङ् पारचार चोक्‍मा ठालाँ चोगुए, हिट्‌डेउङ् येसु फेरि खालाङ्‌गाङि सोब्‍बेङा उनिसुलोक् लिग्‍मा हिनेट्‌नि, हिट्‌नुङ् उन् खुसुना डेन्‌ङि युङ्‌सिङा खाडे॥ टरो हिट्‌नि चा याप्‌मिचि सोब्‍बेलाम्‍मा उन्‌ङि ओटाए॥

मारकुस 1:45 ပူးပေါင်းရင်းမြစ်များ

मात्‌ति 28:15

टब हिट्‌नागा टिलिङ्‌गाचिङा हिट्‌ना ओफाबा ओलाडुए, हिट्‌नुङ् सानिङ्‌डाङ्‌बाचिङा उहिसिक्‍टुचि गाड्‌डे डोक् ओचोगे, हिट्‌नुङ् याहुदिचिगा माझाङि हाट्‌ले सोम्‍मा चा ना मुन्‍डुम् डोक् ओमाट्‌टुगा॥

मात्‌ति 9:26

हिट्‌डेउङ् ना लिसाना घाट्‌ना हिट्‌ना मुलुक् टेप् सोब्‍बेलेङ् छिन्‍डे॥

मात्‌ति 9:31

टरो हिट्‌नागाचि हिट्‌निलाम्‍मा खाडा चे, हिट्‌नुङ् हिट्‌ना छेट्‌रा टेप् उन्‍ङाना बारेङि माट्‌टाचुए॥

मारकुस 2:13

येसु फेरि गालिल तालङिना ओफेरोङि खाडे॥ जोम् याप्‌मिचि उन् सोरि ओटाए, हिट्‌नुङ् उन्‍ङा हिट्‌नागा माङ्‌हाङ्‌ङाना रिङ् हिसिक्‍टुचे॥

मारकुस 3:20

हिट्‌नुङ्‌ना येसु फेरि पाङ्‌लेङ् खाडाउङ् उन् भिट्‌रा लिगे, हिट्‌नुङ् फेरि हिट्‌नि जोम् याप्‌मिचिगा खिमेयाङ्‌मे लिसाउङ् येसु हिट्‌नुङ् ओचेलाचिङा चामा चामाधारि चा भ्‍याप् ओचोग्‍वाट्‌टुन्॥

मारकुस 3:7

हिट्‌नुङ्‌ना येसु ओचेलाचिलोक् गालिल ताललेङ् खाडे, हिट्‌नुङ् गालिल छेट्‌रालाम्‍मा याप्‍मा याप्‌मिचिगा खिमेयाङ्‌मेङा उन् रोक् उरिक्‍टुए॥

मारकुस 7:36

हिट्‌नुङ् येसुङा हिट्‌नागा याप्‌मिचि “ना रिङ् साक्‍चा लोनेनुम्‌चिम्” पिक्‍सा आग्‍याँ पिडुचे॥ टरो येसुङा ना रिङ् माट्‌नेनुम् लोडुचि चा याप्‌मिचिङा झान् ना रिङ् ओमाट्‌टुए॥

युहान्‍ना 6:2

हिट्‌नुङ् ठिक् ठेना याप्‌मिचिगा खिमेयाङ्‌मे उन् ओएङ्-ओएङ् ओफेने, पोङ्‌भोने उन्‍ङा उटुगागा याप्‌मिचि नुमानिङ् चोगुचिगा डोङ् ठोङ्‌डिना टोॽवा हिट्‌नागाँ उनिसुएसुगा डागा॥

तितास 1:10

पोङ्‌भोने जोम् याप्‌मिचि आरुङाना उछिक्‌ङि उयुङ्‌निगा, खेरोक्‍गा रिङ् कामाप्‍बा हिट्‌नुङ् कासुब्‍बाचि ओवाहेट्॥ आझा खाताना चोक्‍मा कोन्‌युक् पिक्‍सा कापिग्‍बा याप्‌मिचि नाड्‌डेगा डोक् उलिगा॥