मारकुस 1:32 - आठपहरिया

³² नाम् कुडाउङ् याप्‌मिचिङा उन्‌चि येम् टुगागा हिट्‌नुङ् टोन्‍डेबाङा खोट्‌टुचिगा सोब्‍बे याप्‌मिचि येसु सोरि ओटाडुचे॥

मारकुस 1:32 ပူးပေါင်းရင်းမြစ်များ

मात्‌ति 4:24

नाड्‌डे लिसानाँ सिरिया छेट्‌रा टेप् उन्‍ङाना बारेङि याप्‌मिचिङा ओखेम्‍सुए, हिट्‌नुङ् याप्‌मिचिङा पारिक् पारिक्‍ङागा रोगाङा लाबुचिगा टुखाबाचि, ओचाफेन्‍ना रिमेट्‌ङा लाबुचिगा, हिट्‌नुङ् ठाप्‌चिलिङ् रोगाङा लाबुचिगा, हिट्‌नुङ् कुस्‍टा रोगिचि उन् सोरि ओटाडुचे॥ उन्‍ङा हिट्‌नागा ख्‍वाप्‍पा नुमानिङ् चोगुचे॥

मात्‌ति 8:16

हिट्‌नुङ् नाम् कुडाउङ् याप्‌मिचिङा टोन्‍डेबाचिङा खोट्‌टुचिगा जोम् याप्‌मिचि येसु सोरि ओटाडुचे॥ हिट्‌नुङ् उन्‍ङा आग्‍याँ पिडुचिउङ् डोक् हिट्‌नागालाम्‍मा ओचाफेन्‍गा रिमेट्‌चि होट्‌टुचे, हिट्‌नुङ् उटुगागा याप्‌मिचि सोब्‍बे नुमानिङ् चोगुचे॥

मात्‌ति 8:17

नाड्‌डेउङ् यासैया माङ्‌काटाङा माट्‌टुना रिङ् युडे– “उन्‍ङा आनि टुखुमाङ् खुयुए, हिट्‌नुङ् आनि रोगा टुगुडिसुए॥”

मारकुस 1:21

टब येसु ओचेलाचिलोक् काफारनाहुम खालाङ्‌गाङि खाडे॥ हिट्‌नुङ् हिट्‌ना बेला डोक् युङ्‌माना लेम्‍बा याहुदि छुम्‍मापाङ्‌ङि खाडाउङ् याप्‌मिचि हिसिक्‍मा ठालाँ चोगुचे॥

मारकुस 1:31

येसु सिमोन ओनाम्‍मा सोरि खाडाउङ् उमुक् लाबुङ् फोगुए हिट्‌नुङ् जोरोङा हिट्‌ना लेडुएट्‌टुए॥ हिट्‌नुङ् हिट्‌ना मेन्‍झेमा कोबाउङ् हिट्‌नागाँगा सेवा चोगुए॥

मारकुस 3:2

येसुङा युङ्‌माना लेम्‍बा हिट्‌ना याप्‌मि नुमानिङ् चोगुए भोने फाट्‌टुर लाबुम् ए नुङ् आम्‍टेप्‍मा याप्‌मिचिङा हिट्‌नि उन् उसुक्‍टुएट्‌टुना॥

लुका 4:40

हिट्‌नुङ् नाम् ठायाना बेला याप्‌मिचिङा पारिक् पारिक्‍ङागा उटुगागा याप्‌मिचि येसुङि ओटाडुचे॥ उन्‍ङा हिट्‌नागा ठिबाङ् ठिबाङ् याप्‌मिचि उठुङ्‌ङि उमुक् युङ्‌सुए हिट्‌नुङ् हिट्‌नागा याप्‌मिचि सोब्‍बे नुमानिङ् चोगुचे॥

लुका 4:41

जोम् याप्‌मिचिलाम्‍मा ओचाफेन्‍ना रिमेट्‌चि चा राट्‌सा राट्‌सा नाड्‌डे पिक्‍सा ओहोन्‍डे, “खान्‌उम्‍टे माङ्‌हाङ् छा॥” टरो येसुङा हिट्‌नागा खेमा लाप्‍टुचिउङ् चेग्‍मा डोक् पिडुवाट्‌टुन्‌चिन्, पोङ्‌भोने उन्‌बाक् खिरिस्‍ट नुङ् हिट्‌नागाँ मिसेन् उनिसुएसुना॥