मात्‌ति 8:20 - आठपहरिया

²⁰ येसुङा हिट्‌ना लोडुए, “टाँबुराचिगा युङ्‌माना लुम्‍भुक् युङ्‌ग्‍वा हिट्‌नुङ् टाङ्‌साङ्‌ङि ओपेगा नुवाचिगा ओहाप् उयुङ्‌ग्‍वा, टरो याप्‌मि छाङाना ओटेहेक् हेम्‍माना डेन् चा वाइना॥”

मात्‌ति 8:20 ပူးပေါင်းရင်းမြစ်များ

मात्‌ति 12:32

कोइ याप्‌मि छाङाना बिरुद्‌दाङि चेक्‌युक् भोने हिट्‌नाङा माफ टोगुटु, टरो कोइ सेङ्‌सेङ्‌ना हाङ्‌साङाना बिरुद्‌दाङि चेक्‍टे भोने ना जुगङि हिट्‌नुङ् टाना जुगङि चा माफ टोगुन्‍ना॥

मात्‌ति 12:40

पोङ्‌भोने खोड्‌डे पारिक् योना ठेना ङासाङाना ओमाभोक् भिट्‌रा सुम्‍बोक् लेम्‍बा हिट्‌नुङ् सुम्‍बोक् युसा सोम्‍मा युङे, हिड्‌डे डोक् याप्‌मि छा चा उहुम्‍पा भिट्‌रा सुम्‍बोक् लेम्‍बा हिट्‌नुङ् युसा लियुक्॥

मात्‌ति 12:8

पोङ्‌भोने याप्‌मि छा युङ्‌माना लेम्‍बाङाना चा टाङ्‌बा डोक्॥”

मात्‌ति 13:37

उन्‍ङा हिट्‌नागा लोडुचे, “ओचेट्‌नुना लालिक् काहिबा याप्‌मिम्‍बाक् याप्‌मि छा ए॥

मात्‌ति 16:13

येसु कैसारिया फिलिप्‌पि छेट्‌राङि टासुए॥ हिट्‌नि उन्‍ङा ओचेलाचि सिलाप्‍टुचे, “याप्‌मिचिङा याप्‌मि छा साइना नुङ् ओलोडुटुना?”

मात्‌ति 16:27

पोङ्‌भोने याप्‌मि छा उन्‍ङाना माङ्‌हाङ् रिङ् काउग्‍बाचिलोक् ओमाङ्‌हाङ् पाबाङाना माहिमाङि उङ्‌युक्, हिट्‌नुङ् हिट्‌ना बेला सोब्‍बे याप्‌मिचि उन्‌चिङा ओचोगुना टोॽवाङाना पारतिफल उन्‍ङा पिडुचिचि॥

मात्‌ति 17:9

हिट्‌नुङ् हिट्‌नागा झोन्‍झोबालाम्‍मा युमा उङ्‌सागेट्‌टाना बेला येसुङा हिट्‌नागा लोडुचे, “याप्‌मि छा सियुङ् उहिङ्‌ग्‍वाट् लियुङ् मिकोब्‍मे सोम्‍मा खानिङा ना आनिसुम्‍ना रिङ् साक्‍चा लोनेनुम्‌चिम्॥”

मात्‌ति 19:28

येसुङा हिट्‌नागा लोडुचे, “छेम्‍बा डोक्, आङा खानि लोनाँनि, खानि जो आचेलाचि आलिसिएसिए, जब ओछोङ्‌ग्‍वाट् मुलुक्‌ङि याप्‌मि छा उन्‍ङाना माहिमाङाना सिङासान्‌ङि युङ्‌युक्, हिट्‌नुङ् खानि चा बारो सिङासान्‌ङि आयुङिटि, हिट्‌नुङ् इस्‍राएलि याप्‌मिचिगा बारो छोङ्‌बाचि डोक् सासान् आचोगुम्‌चिम्‌चिम्॥

मारकुस 8:38

हिट्‌नुङ् इम्‍मेप्‍माजामा टोॽवा काचोक्‍बाचि लोक् पापि टालाङिगा याप्‌मिचि आङालोक् हिट्‌नुङ् आङाना रिङ्‌लोक् मोन्‌युसियुक् भोने, याप्‌मि छा चा उन्‍ङाना माङ्‌हाङ् पाबाङाना माहिमा हिट्‌नुङ् सेङ्‌सेङ्‌ना माङ्‌हाङ् रिङ् काउग्‍बाचिलोक् उङ्‌ना बेला हिट्‌नालोक् मोन्‌युसियुक्॥”

लुका 12:8

“आङा खानि लोनाँनि, खोनाङा याप्‌मिचि सोरि आङा याङ्‌लाड्‌युक्, हिट्‌नुङ् याप्‌मि छाङा चा हिट्‌नागा माङ्‌हाङ्‌ङाना माङ्‌हाङ् रिङ् काउग्‍बाचि टोकानाङि आयाप्‌मिचि नुङ् मिसेन् निसुचिचि॥

लुका 18:8

आङा खानि लोनाँनि, माङ्‌हाङ्‌ङा एला डोक् ओयाप्‌मिचिगा न्‍याए चोगुबिडुचिचि॥ टरो याप्‌मि छा टाना बेला ना नाराङि याप्‌मिचिङा माङ्‌हाङ्‌ङि बिस्‍वास काचोग्‍बाचि उन्‍ङा टुबुचिचिगि टे?”

लुका 2:12

खानिङा ओओम्‍बाक् सिम्‍बेलेॽवाङा उरिगुङ् खोङ्‌डाङ्‌ङि उइमेट्‌टुना आनिसुम्‍टुम् हिट्‌नुङ् ना रिङ्‌लाम्‍मा डोक् खानिङा उन् मिसेन् आनिसुम्‍टुम्॥”

लुका 2:16

हिट्‌नुङ् हिट्‌नागा एला एला पिन्‍सा बेथलेहेम युक्‍ताम्‌ङि ओखाडे॥ हिट्‌नि मारियाम, योसेफ हिट्‌नुङ् ओओम्‍बाक् खोङ्‌डाङ्‌ङि उइमेट्‌टुएसुना हिट्‌नागाङा उनिसुए॥

लुका 2:7

मारियामङा हिट्‌नि डोक् तुम्‍सामिङ् येम्‍बेछा छा पोङ्‌सुए, हिट्‌नुङ्‌ना हिट्‌ना ओओ सिम्‍बेलेॽवाङा रिगुङ् खोङ्‌डाङ्‌ङि इम्‍मेट्‌टोए॥ पोङ्‌भोने हिट्‌ना बेला उन्‌चिङा याम्‍बा-नायाम्‍बा खोनाइ चा बास युङ्‌माना डेन् चा टुब्‍च्‍वाच्‍चुन्॥

लुका 21:36

ओछेक्‍छेक् चोगानि, हिट्‌नुङ् नागा किप्‍माडुङ् रिङ्‌चिलाम्‍मा हिङ्‌मा हिट्‌नुङ् याप्‌मि छा सोरि येप्‍मा हिमाना बोल् याप्‌मिपिडा नुङ् जाइले टाइले बिन्‌टि चोगानि॥”

लुका 8:3

हिट्‌नुङ् हेरोद हाङ्‌बाङाना ओपाङ्‌ठाङ् कापुबा मुलि हाकिम खुजासङाना ओमेन्‍झेमा योआन्‍ना, हिट्‌नुङ् सुसान्‍ना लोक् जोम् आरु मेन्‍झेमाचि ओडागा॥ नागा मेन्‍झेमाचिङा उन्‌चि माक्‍फेन्‍सुबेन् उपिडुचिउङ् येसु हिट्‌नुङ् ओचेलाचि घुवार ओफाडुचे॥

लुका 9:58

येसुङा हिट्‌ना लोडुए, “टाँबुराचिगा युङ्‌माना लुम्‍भुक् युङ्‌ग्‍वा हिट्‌नुङ् टाङ्‌साङ्‌ङि ओपेगा नुवाचिगा ओहाप् उयुङ्‌ग्‍वा, टरो याप्‌मि छाङाना ओटेहेक् युङ्‌मासिङ् डेन् चा वाइना॥”

युहान्‍ना 1:51

येसुङा हिट्‌ना लोडुए, “छेम्‍बा डोक्, आङा खानि लोनाँनि, खानिङा टोनालोग् ओङ्‌साना हिट्‌नुङ् माङ्‌हाङ् रिङ् काउग्‍बाचि याप्‌मि छा उठुङ्‌ङि उठाङागेट्‌टागा हिट्‌नुङ् ओठायागेट्‌टागा आनिसुम्‍टुम्॥”

युहान्‍ना 12:34

याप्‌मिचिगा खिमेयाङ्‌मेङा उन् उसिलाप्‍टुए, “खिरिस्‍ट सोरोक् हिङ्‌युयाक्‌युक् नुङ् आन्‍याँ धारमाबिधिलाम्‍मा खेम्‍सुएसुम्‍मे॥ याप्‌मि छा टो फोक्‌युखाट्‌युक् नुङ् खान्‍ङा खोड्‌डेउङ् माप्‍मा आहिडुटुना? ना याप्‌मि छाउम्‍बाक् साइना टे?”

युहान्‍ना 13:31

जब याहुदा भारा खाडालेट्‌टे, हिट्‌नुङ् येसुङा लोडुचे, “हाट्‌ले याप्‌मि छाङाना माहिमा ठेट्‌ना बेला लिसे, हिट्‌नुङ् उन्‌लाम्‍मा माङ्‌हाङ्‌ङाना माहिमा लियुक्॥

युहान्‍ना 3:13

हिट्‌नुङ् टोनालोग्‌लाम्‍मा उङ्‌साना याप्‌मि छा माले आरु खोना चा टोनालोग्‌ङि ओखाट्‌निगेट्‌निगा॥

युहान्‍ना 3:14

साक्‍चा उयुङ्‌निना डेन्‌ङि मोसाङा काँसाङाना ओप्‍पु फोगु गाड्‌डे डोक् याप्‌मि छा चा याप्‌मिचिङा खाप्‍चेङि ओफोगुटु॥

युहान्‍ना 6:27

जाखाम् लिना चामा-ठुङ्‌मागा टोग्‍मालोङ्‌सा टोॽवा चोक्‍नेनुम्, टरो खोना बेला चा लाट्‌निना चोला आपिना चामा-ठुङ्‌मागा टोग्‍मालोङ्‌सा टोॽवा चोगानुम्॥ ना खोना बेला चा लाट्‌निना चोला आपिना चालेप्‍पा याप्‌मि छाङा खानि मापिडिटि, पोङ्‌भोने ना रिङ् लोङ्‌सा डोक् माङ्‌हाङ् पाबाङा उन् आधिकार पिडुएसुए॥”

युहान्‍ना 6:53

येसुङा हिट्‌नागा लोडुचे, “छेम्‍बा डोक् आङा खानि लोनाँनि, खानिङा याप्‌मि छाङाना ओयेम् आचानेएट्‌निम्, हिट्‌नुङ् ओहेलिक् आठुङ्‌नेएट्‌निम् भोने, खानिङि खोना बेला चा लाट्‌निना चोला लिनिना॥

युहान्‍ना 6:62

हिड्‌नाड्‌डे भोने याप्‌मि छा पाइले उन् लिसाना ठोङ्‌ङि टो ठाङाउङ् नोक्‍टा खाडाना आनिसुम्‍मे भोने खानि खोड्‌डे आमिट्‌टिटिगा?

मुलिचेला टोॽवा 7:56

हिट्‌नुङ् नाड्‌डे माट्‌टुए, “पुयानुम्, आङा टोनालोग् ओङ्‌साना निसुङे, हिट्‌नुङ् याप्‌मि छा येसु माङ्‌हाङ्‌ङाना उछुप्‍टाङ् उमुक्‌लेङ् येबाना निसुएट्‌टुङ्॥”

२ कोरिन्‌थि 8:9

पोङ्‌भोने आनि टाङ्‌बा येसु खिरिस्‍टङाना मायादाया खानिङा ठाहा आटोगुम्‍टुम्॥ उन् वागाठागा लिसा चा खानि लोङ्‌सा पाक्‍चा मालेना लिसे॥ उन् पाक्‍चा मालेना लिसाउङ् खानि वागाठागा चोक्‍मा उन्‍ङा नाड्‌डे चोगुए॥