मात्‌ति 5:7 - आठपहरिया

⁷ आरु लुक्‍मा काटुक्‍बाचि लोङ्‌सा माङ्‌हाङ्‌ङा आसिक् पिडुचिचि, पोङ्‌भोने उन्‍ङा हिट्‌नागा लुक्‍मा टुक्‍टुचिचि॥

मात्‌ति 5:7 ပူးပေါင်းရင်းမြစ်များ

मारकुस 11:25

खानि बिन्‌टि चोक्‍मा बेला कोइ याप्‌मिलोक् ओचाफेन्‍ना लिसाइसे भोने हिट्‌ना याप्‌मि माफ पिडानुम्, हिट्‌डेउङ् टोनालोग्‌ङि युङ्‌ना माङ्‌हाङ् पाबाङा चा खानि पाप छेमा माचोगिबिडिटि॥

लुका 6:35

“टरो खानिङा खानि साट्‌टुरचि चा माया चोगानुम्‌चिम्, हिट्‌नुङ् हिट्‌नागा नुलोक् चाट्‌ला मेट्‌टानुम्‌चिम्॥ हिट्‌नुङ् फेरि टोक्‍माना निङ्‌ग्‍वा युङ्‌सा नाॽवा पिनेनुम्‌चिम्, हिट्‌नुङ् खानिङा ठेना इनाम् आटोगोम्‍टुम् हिट्‌नुङ् खानि सोब्‍बे नुङ्‌ना ठेना माङ्‌हाङ्‌ङाना ओछालेट्‌चि आलिसिटि, पोङ्‌भोने उन्‍ङा निङ्‌ग्‍वा एकेलेङ् ओचोग्‍गा हिट्‌नुङ् दुस्‍टाचि चा लुक्‍मा टुक्‍टुचिचि॥

रोमि 11:30

एक बेला खानि पानिछोङ्‌बाचिङा माङ्‌हाङ् उरिङ् आखेम्‍नेट्‌निम्॥ टरो हाट्‌ले इस्‍राएलि याप्‌मिचिङा माङ्‌हाङ् उरिङ् ओखेम्‍स्‍वाट्‌टुन् नुङ् खानिङा उन्‍ङाना ओदाया आटोगुएसुम्‍मे॥

१ कोरिन्‌थि 7:25

हाट्‌ले भ्‍या आचोगिन्‍गेट्‌टिन्‍गा कायेप्‍माचि बारेङि टाङ्‌बाङाना आग्‍याँ आङालोक् पाक्‍चा वाइना॥ टरो टाङ्‌बाङा आङा दाया याङ्‌चोगेसे, हिट्‌नुङ् आङा लोनानिगा रिङ् खानिङा भोरोसा आचोगुम्‍टुम् नुङ् आङा बिस्‍वास चोगुङ्‌टुङ्, हिट्‌डेउङ् आङा नुलोक् लोसाङ्‌ना रिङ् खानि लोनाँनि॥

२ कोरिन्‌थि 4:1

माङ्‌हाङ्‌ङा आप्‍पे ओदायाङा आनिलाउङ्‌सा ना सेवा चोक्‍मा आपिडेसे॥ हिड्‌नाड्‌डेउङ् आन्‍याँ निङ्‌ग्‍वा सेट्‌निम्‍माना॥

एफिसि 4:32

हिट्‌नुङ् ठिबाङ्‌ङा आरको नुलोक् चोग्‍गा चोक् चोगानि हिट्‌नुङ् माया चोग्‍गा चोक् चोगानि॥ माङ्‌हाङ्‌ङा खिरिस्‍टलाम्‍मा खानि छेमा मापिडि गाड्‌डे खानिङा चा ठिबाङ्‌ङा आरको छेमा पिडानुम्‌चिम्॥

कालास्‌सि 3:12

पोङ्‌भोने खानिम्‍टे माङ्‌हाङ्‌ङा ओयाप्‌मिचि लिमा मासेगिगा हिट्‌नुङ् उन् लाउङ्‌सा खानि आसाम्‍डेसिए, हिट्‌नुङ् उन्‍ङा खानि माया माचोगिटि॥ हिड्‌नाड्‌डेउङ् खानिङा याङ्‌छामा ओटोगुगा याप्‌मिचि घुवार फाडानुम्‌चिम्, दाया चोगानुम्‌चिम्, मेयोक् लिसानि, सोजो लिसानि, आङ्‌मा कोन्‍ना रिङ्‌ङि निङ्‌ग्‍वा पिडानुम्॥

१ तिमोथि 1:13

हिट्‌नुङ् चा आङा उन् खिसि चोगुङे, बिस्‍वासिचि याङ्‌छामा हिट्‌नुङ् ओचाफेन्‍लोक् मेट्‌टुङ्‌चिङे, नागा ख्‍वाप्‍पा थोक् आङा ठाहा मिटोक्‍ङे हिट्‌नुङ् बिस्‍वास माले चोगुङ्‌नाँ आङा मायादाया टोगुङे॥

१ तिमोथि 1:16

टरो येसु खिरिस्‍टङा उन्‌ङि बिस्‍वास ओचोगुङ् लाट्‌निना चोला काटोक्‌चि लोङ्‌सा उन्‍ङा चोगुना धैइरेताङाना सिको काचोग्‍बा लिमा उहिङा नुङ् आङा गाड्‌डेना सोब्‍बे नुङ्‌ना औधि पापि याप्‌मि उन्‍ङा लुक्‍मा याङ्‌टुक्‍टे॥

हिब्‍रु 4:16

हिड्‌डेउङ् आनि आँटि लिसिउङ् मायादायालोक् सासान् काचोक् माङ्‌हाङ् युङ्‌ना ठोङ्‌ङि खाडि॥ हिट्‌नि आनि आभोरङि ठाइना बेला मायादाया हिट्‌नुङ् किरपा टोगुम्‍टुम्॥

हिब्‍रु 6:10

माङ्‌हाङ् न्‍याए काचोक्‍बा ए॥ माङ्‌हाङ्‌ङा खानिङा आचोगुम्‍ना ओचेट्‌नुना टोॽवा हिट्‌नुङ् ओयाप्‌मिचि घुवार आफाडुम्‌चिम्‍मुङ् उन् माया पारकाट् आचोगुम्‍ना रिङ् उन्‍ङा मुन्‍डुन्‍ना॥ खानिङा हाट्‌ले चा हिट्‌नागा हिड्‌डेना सेवा डोक् आचोगेट्‌टुम्॥

याकुब 2:13

पोङ्‌भोने जुन्‍ङा आरु लुक्‍मा टुक्‍टुन्‌चिन्‍गा, हिट्‌नाङाना न्‍याए चा हिट्‌ना पारा डोक् लियुक्॥ टरो जुन्‍ङा आरु लुक्‍मा टुक्‍टुचिचि भोने, माङ्‌हाङ्‌ङा हिट्‌ना न्‍याए चोगुनाँ उन् लुक्‍मा टुक्‍टुटु॥

याकुब 3:17

टरो टोनालाम्‍मा लिना ठोनाम्‍बाक् हिट्‌ना आड्‌डिक् डोक् चोखो लियुक्, हिट्‌नाम्‍बाक् सोब्‍बे काटोङ्‌बा, आड्‌डिक् सुदो हिट्‌नुङ् सोब्‍बेलोक् टोङ्‌ना लियुक्॥ हिट्‌नुङ् आड्‌डिक् लुक्‍मा काटुक्, सोरोक् नुना टोॽवा काचोक्‍बा, टो यो चोक्‌निना हिट्‌नुङ् ढाँट् फोक्‌निना लियुक्॥

१ पाटरुस 2:10

“पाइले खानि माङ्‌हाङ् ओयाप्‌मिचि आवासेट्‌टिन्‍गा, टरो हाट्‌ले खानि ओयाप्‌मिचि आलिसिएसे॥ ठिक् बेला खानिङा माङ्‌हाङ्‌ङाना ओदाया आटोक्‌निम्‍गेट्‌निम्‍ना डाना, हाट्‌ले खानिङा ओदाया आटोगुएसुम्‍मे॥”