मात्‌ति 5:47 - आठपहरिया

⁴⁷ खानिङा आप्‍पे खानि याप्‌मिचि एडोक् ओचेट्‌नुलोक् आमेट्‌टुम्‌चिम्‍गा भोने, खानिङा आरु नुङ्‌ना पाक् ठेना टोॽवा आचोगुम्‍मेना टे? पाक् पानिछोङ्‌बाचि चा हिट्‌डेडोक् ओचोक्‌निगै टे?

मात्‌ति 5:47 ပူးပေါင်းရင်းမြစ်များ

मात्‌ति 10:12

हिट्‌ना पाङ्‌ङि आलिगिनाँ हिट्‌ना पाङ्‌ङिगा याप्‌मिचि स्‍या मेट्‌टानुम्‌चिम्॥

मात्‌ति 5:20

नाड्‌डेउङ् आङा खानि लोनाँनि, खानिङा धारमाबिधि काहिसिक्‍बा हिट्‌नुङ् फारिसि याप्‌मिचि नुङ्‌ना चा ओचेट्‌नुलोक् माङ्‌हाङ्‌ङाना निङ्‌ग्‍वा पालान् आचोक्‍न्‍याँट्‌निम् भोने, खानि टोनालोग्‌ङिना मुलुक्‌ङि लिक्‍मा आटोक्‌निम्‍ना॥

मात्‌ति 5:46

खानिलाउङ्‌सा माया काचोक्‌चि एडोक् माया आचोगुम्‌चिम्‌चिम् भोने, खानिङा पाक् पुरास्‍कार आटोगुम्‍टुम्‍ना टे? पाक् तिरो काफोक्‍बाचि चा हिट्‌डेडोक् ओचोक्‌निगै टे?

मात्‌ति 5:48

हिट्‌डेउङ् टोनालोग्‌ङि युङ्‌ना खानि माङ्‌हाङ् पाबाङा सोरोक् पाक् नुना हिट्‌ना चोगु गाड्‌डे डोक् खानिङा चा सोरोक् पाक् नुना हिट्‌ना डोक् चोगानुम्॥”

लुका 6:32

“खानिलाउङ्‌सा माया काचोक्‌चि एडोक् माया आचोगुचिम्‍गा भोने, खानिङा पाक् ओचेट्‌नुना टोॽवा आचोगुमेना टे? नाड्‌डेनाम् टे पापि याप्‌मिचिङा चा ओचोगुटु॥

कालास्‌सि 4:14

आनि माया चोगुम्‍ना सिडापाङ्‌ढा काचोक् लुका हिट्‌नुङ् डेमासङा चा खानि बाबा मालोडेसिए॥

कालास्‌सि 4:15

हिट्‌नुङ् लाउडिकियाङि उलिसागा भुम्‍भु-झान्‍झाचि हिट्‌नुङ् नाना-झान्‍झाचि, नुम्‍फास मेन्‍झेमा हिट्‌नुङ् ओपाङ्‌ङि उछुम्‍गा ख्‍वाप्‍पा माङ्‌पाङ्‌ङिगा लोङ्‌सा आङाना बाबा नुङ् खेम्‍मेट्‌टानुम्‌चिम्॥

१ पाटरुस 2:20

खानिङा ओचाफेन्‍ना टोॽवा आचोगुमुङ् साजाए आटोगुमुङ् धैइरेलोक् आङ्‌डुमे भोने ना खोना ठेना रिङ् चा माखाक्, टरो खानिङा नुलोक् आचोगुमुङ् चा याङ्‌छामा आआङ्‌डुमे भोनेम्‍बाक् माङ्‌हाङ्‌ङा आसिक् मापिडिटि॥