मात्‌ति 5:46 - आठपहरिया

⁴⁶ खानिलाउङ्‌सा माया काचोक्‌चि एडोक् माया आचोगुम्‌चिम्‌चिम् भोने, खानिङा पाक् पुरास्‍कार आटोगुम्‍टुम्‍ना टे? पाक् तिरो काफोक्‍बाचि चा हिट्‌डेडोक् ओचोक्‌निगै टे?

मात्‌ति 5:46 ပူးပေါင်းရင်းမြစ်များ

मात्‌ति 11:19

याप्‌मि छा चासा लोक् ठुङ्‌सा टाए, हिट्‌नुङ् खानिङा ओलोडुम्‍टुम्, ‘पुयानुम्, हिट्‌ना राक्‍पा, टेडुबा, तिरो काफोक्‍बाचिगा हिट्‌नुङ् पापिचिगा टाक्॥’ ठोना माहामाना नुङ् हिट्‌ना गाड्‌डे काचोक्‍बा याप्‌मिङा एडोक् पारमान् पिडुटु॥”

मात्‌ति 18:17

हिट्‌नाङा उन्‌चिगा रिङ् चा खेम्‍स्‍वाट्‌टुन् भोने माङ्‌पाङ्‌ङि खाडाउङ् लोडुचि॥ हिट्‌नुङ् माङ्‌पाङ्‌ङिगा याप्‌मिचिगा रिङ् चा हिट्‌नाङा खेम्‍स्‍वाट्‌टुन् भोने, आबिस्‍वासि याप्‌मि हिट्‌नुङ् तिरो काफोक्‍बा याप्‌मि गाड्‌डे डोक् चाट्‌ला मेट्‌टु॥

मात्‌ति 5:47

खानिङा आप्‍पे खानि याप्‌मिचि एडोक् ओचेट्‌नुलोक् आमेट्‌टुम्‌चिम्‍गा भोने, खानिङा आरु नुङ्‌ना पाक् ठेना टोॽवा आचोगुम्‍मेना टे? पाक् पानिछोङ्‌बाचि चा हिट्‌डेडोक् ओचोक्‌निगै टे?

मात्‌ति 6:1

येसुङा आझै माट्‌सा खाट्‌टुए, “ओछेक्‍छेक् चोक्‍सा युङानि, याप्‌मिचि निमेट्‌मा लोङ्‌सा धारमाकारमा चोक्‍नेनिन्॥ नाड्‌डे आचोगिए भोने टोनालोग्‌ङि युङ्‌ना खानि पाबालाम्‍मा पाक्‍चा इनाम् आटोग्‌निम्‍ना॥

मारकुस 2:15

हिट्‌नुङ् लेबि याप्‌मिङाना ओपाङ्‌ङि चामा चासिङा येसु खाडे॥ हिट्‌नि याप्‍मा तिरो काफोक्‍बाचि हिट्‌नुङ् आरु कायाङ्‌छाबाचि चा उन् हिट्‌नुङ् ओचेलाचिलोक् चामा चासिङा उयुङासागा, पोङ्‌भोने हिट्‌नागा येसु रोक् कारिग्‍बा याप्‌मिचि ओडागा॥

मारकुस 2:16

हिट्‌नि धारमाबिधि काहिसिक्‍बा फारिसि छुम्‍माङिगा याप्‌मिचिङा येसुङा तिरो काफोग्‍बाचि हिट्‌नुङ् आरु पापिचिलोक् युङाउङ् चामा चोयेट्‌टुना उनिसुङ् हिट्‌नागाँ ओचेलाचि ओलोडुचे, “पोङ् नाङा तिरो काफोक्‍बाचि हिट्‌नुङ् कायाङ्‌छाबा याप्‌मिचिलोक् एक्‍केउ युङ्‌युङ् चोटुगा?”

लुका 15:1

ठिक् खेप् जोम् तिरो काफोक्‍बाचि हिट्‌नुङ् आरु पापि याप्‌मिचि येसुङाना रिङ् खेम्‌सिङा ओटाए॥

लुका 18:13

“टरो हिट्‌ना तिरो काफोग्‍बाम्‍बाक् या येबाउङ् टोनालोग्‌लेङ् चा उमिक् मिफोक्‍ङे, सानिङ्‌ग्‍वा लोसाउङ् ओसाडुमारिक् ठुप्‍सा पिगे, ‘हाउ आमाङ्‌हाङ्, आङा पापि याप्‌मि लुक्‍मा याङ्‌टुक्‍टा!’

लुका 19:2

हिट्‌ना खालाङ्‌गाङि जाक्‍कै उनिङ् लिसाना ठिबाङ् वागाठागा याप्‌मि तिरो काफोग्‍बाङाना हाकिम डाना॥

लुका 19:7

ना उनिसुङ् याप्‌मिचि “येसुम्‍टे पापि याप्‌मिङाना ओपाङ्‌ङि बासा हेन्‍ङा खाडे” पिक्‍सा पुजिक् पुजिक् चोक्‍मा ठालाँ ओचोगे॥

लुका 3:12

हिट्‌नुङ् सारकारलोङ्‌सा तिरो काफोक्‍बाचि चा चुवाङि बाप्‌टिस्‍मा चोक्‍माउङ्‌सा ओटाए हिट्‌नुङ् युहान्‍ना उसिलाप्‍टुए, “हाउ काहिसिक्‍बा, आन्‍याँम्‍बाक् पाक् चोक्‍मा कोन्‌युक्‍ना टे?”

लुका 5:29

हिट्‌नुङ्‌ना लेबिङा येसुलोङ्‌सा ओपाङ्‌ङि भातेर चासिङा छेम्‍डुए॥ हिट्‌ना भातेरङि तिरो काफोक्‍बाचि हिट्‌नुङ् आरु जोम् याप्‌मिचि चा उन्‌लोक् भातेरङि उयुङासागा॥

लुका 5:30

फारिसि याप्‌मिचि हिट्‌नुङ् हिट्‌नागाँगा धारमाबिधि काहिसिक्‍बाचि गुनुङ् गुनुङ् चोक्‍सा येसुङा ओचेलाचि ओलोडुचे, “पोङ् खानि नागा तिरो काफोक्‍बाचि हिट्‌नुङ् आरु कायाङ्‌छाबा याप्‌मिचिलोक् एक्‍केउ आयुङिउङ् आचाम्‍टुम्‍गा?”

लुका 7:29

हिट्‌नुङ् ख्‍वाप्‍पा याप्‌मिचि, तिरो काफोक्‍बाचिङा चा येसुङाना रिङ् ओखेम्‍सुए, हिट्‌नुङ् माङ्‌हाङ्‌ङाना लाम्‍बो ओचेट्‌नुना डोक् पिक्‍सा उन्‌चि निङ्‌ग्‍वाङि उयुङ्‌सुए, पोङ्‌भोने हिट्‌नागाँ युहान्‍नालाम्‍मा बाप्‌टिस्‍मा ओलाडुएसुना॥

लुका 7:34

याप्‌मि छा चासा लोक् ठुङ्‌सा टाए, हिट्‌नुङ् खानिङा ‘पुयानुम्, हिट्‌ना राक्‍पा, टेडुबा, तिरो काफोक्‍बाचिगा हिट्‌नुङ् पापिचिगा टाक्’ नुङ् आलोडेट्‌टुम्॥