मात्‌ति 5:3 - आठपहरिया

³ “हाङ्‌साङि पाक्‍चा उलिनिगा हिट्‌नुङ् उन् चाहाब् उलिगा लाउङ्‌सा माङ्‌हाङ्‌ङा डोक् आसिक् पिडुचिचि, पोङ्‌भोने टोनालोग्‌ङिना मुलुक् हिट्‌नागाँगा डोक् ए॥

मात्‌ति 5:3 ပူးပေါင်းရင်းမြစ်များ

मात्‌ति 11:25

हिट्‌ना बेला येसुङा माट्‌टुए, “हाउ माङ्‌हाङ् आप्‍पा, टोनालोग् हिट्‌नुङ् नाराङिना टाङ्‌बा, आङा खान्‌ङि पोए-पोए ठाङ्‌सुङ्‌टुङ्, पोङ्‌भोने ओचाप्‍पाङ् याप्‌मिचि हिट्‌नुङ् जोम् ठोना उलिसागा याप्‌मिचिलाम्‍मा आठोबुङ् आयुङ्‌सुना नागा रिङ् खान्‍ङा पिच्‍छाचि गाड्‌डेगा याप्‌मिचि आनिमेट्‌टुचे॥

मात्‌ति 11:6

हिट्‌नुङ् आङाना कारानङा उन्‌चि निङ्‌ग्‍वा खोनालेङ् चा उरिसुन्‍गा लोङ्‌सा माङ्‌हाङ्‌ङा आसिक् पिडुचिचि॥”

मात्‌ति 13:16

“टरो खानिउम्‍टे माङ्‌हाङ्‌ङा आसिक् मापिडिटि, पोङ्‌भोने खानि मिक्‌ङा आनिसुएट्‌टुम् हिट्‌नुङ् खानि नुभेक्‌ङा आखेम्‍सुएट्‌टुम्॥

मात्‌ति 19:14

टरो येसुङा लोडुचे, “नागा पिच्‍छाचि आङि आप्‍मा पिडानुम्‌चिम्, हिट्‌नागा छाक्‍नेनुम्‌चिम्, पोङ्‌भोने टोनालोग्‌ङिना मुलुक् नागा पिच्‍छाचि गाड्‌डे उलिगा याप्‌मिचिगा लोङ्‌सा एरोक् ए॥”

मात्‌ति 24:46

हिट्‌नुङ् पाङ् ओडाङ्‌बा नोक्‌युङ् टानाँ ओचाकारङा हिट्‌डेडोक् चोगुएट्‌टुना टुबुए भोने, हिट्‌ना लोङ्‌सा आड्‌डिक् ओचेट्‌नुना लियुक्॥

मात्‌ति 25:34

हिट्‌नुङ् हाङ्‌बाङा उछुप्‍टाङ् उमुक्‌लेङ्‌गा लोडुचिचि, ‘आबानि, आङाना माङ्‌हाङ् पाबालाम्‍मा आसिक् आटोगुम्‍गा याप्‌मिचि, नारा उटुम् नुङ् डोक् खानि लोङ्‌सा टेयार चोग्‍बालाक् मुलुक् आधिकार चोगानुम्॥

मात्‌ति 3:2

“खानि पापलाम्‍मा काएल्-काबु लिसानिउङ् माङ्‌हाङ्‌लेङ् नोक्‍टानि, पोङ्‌भोने टोनालोग्‌ङिना मुलुक् नेट्‌टाङ् टाइसे॥”

मात्‌ति 8:11

आङा खानि लोनाँनि, नाम् होन्‍नालेङ्‌लाम्‍मा हिट्‌नुङ् नाम् ठानालाम्‍मा जोम् पानिछोङ्‌बा याप्‌मिचि ओटायुक्, हिट्‌नुङ् हिट्‌नागा आब्‍राहाम, इसाहाक हिट्‌नुङ् याकुबलोक् टोनालोग्‌ङिना मुलुक्‌ङि उन्‌लोक् भातेर चासिङा एक्‍केउ उयुङ्‌युक्॥

मारकुस 10:14

टरो ना रिङ् निसुङ् येसुङाना ओयाग्‍लेडे, हिट्‌नुङ् हिट्‌नागा लोडुचे, “खाट्‌टिउगा पिच्‍छाचि आङि आप्‍मा पिडानुम्‌चिम्, हिट्‌नागा छाक्‍नेनुम्‌चिम्, पोङ्‌भोने नागा पिच्‍छाचि गाड्‌डे उलिगा याप्‌मिचिङा माङ्‌हाङ् उमुलुक्‌ङि लिग्‍मा ओटोगुटु॥

लुका 11:28

येसुङा लोडुए, “हिट्‌नाड्‌डे माखाक्, टरो माङ्‌हाङ् रिङ् काखेम्‍बा हिट्‌नुङ् हिट्‌डेडोक् काचोक्‍बा याप्‌मिचि गो माङ्‌हाङ्‌ङा जोम् आसिक् पिडुचिचि॥”

लुका 18:14

आङा खानि लोनाँनि, फारिसि याप्‌मिम्‍बाक् माखाक्, टरो ना तिरो काफोग्‍बाम्‍बाक् माङ्‌हाङ् ओनाभाक्‌ङि धारमोति लिसाउङ् ओपाङ्‌ङि खाडे॥ पोङ्‌भोने आप्‍पे ठेलोक् काचोक्‍बाचि माङ्‌हाङ्‌ङा खाट्‌टिउगा चोगुचिचि हिट्‌नुङ् जुन्‍ङा खाट्‌टिना ए पिग्‌युक् हिट्‌नागा उन्‍ङा ठेलोक् चोगुचिचि॥”

लुका 22:29

आमाङ्‌हाङ् पाबाङा सासान् चोक्‍माना आधिकार आङा याङ्‌पिडा गाड्‌डे डोक् आङा चा सासान् चोक्‍माना आधिकार खानि पिनाँनि॥

लुका 22:30

आङा सासान् चोगुङ्‌ना बेला खानि आङालोक् एक्‍केउ आयुङिउङ् आचाम्‍टुम् हिट्‌नुङ् हाङ्‌बा युङ्‌ना सिङासान्‌ङि आयुङिउङ् इस्‍राएलि याप्‌मिचिगा बारो छोङ्‌बाचि डोक् सासान् आचोगुम्‌चिम्‌चिम्॥”

लुका 4:18

“माङ्‌हाङ् डाङ्‌बाङा ओहाङ्‌सा आठुङ्‌ङि याङ्‌ठेन्‍डाबिडैसे, पोङ्‌भोने पाक्‍चा ओवानिगा लोङ्‌सा ओचेट्‌नुना खाबोर खेम्‍मेप्‍मा आङा याङ्‌सेगाउङ् याङ्‌पाङ्‌साइसे॥ खाम्‍बाङ्‌ङि ओठायागा याप्‌मिचि छुट्‌काराङाना रिङ् लोसिङा, याङ्‌कानिनिबाचिङा उनिसुलोक् चोक्‍माना रिङ् लोसिङा, निम्‍छारो उलिसागा छुट्‌कारा पिमा,

युहान्‍ना 20:29

हिट्‌नुङ् येसुङा हिट्‌ना लोडुए, “खान्‍ङाम्‍टे आङा याङ्आनिसाङाउङ् बिस्‍वास आचोगुए, टरो जुन्‍ङा आङा मिनिङे बिस्‍वास ओचोगुटु, हिट्‌नागा माङ्‌हाङ्‌ङा आसिक् पिडुचिचि॥”

याकुब 1:10

हिट्‌नुङ् वागाठागाम्‍बाक् पाक्‍चा वानिना बेला हारका लिमा कोन्‌युक्, पोङ्‌भोने हिट्‌नाउम्‍टे जाङ्‌गालि फुङ् गाड्‌डेना डोक् लेम्‌युङ् खाट्‌युक्॥

याकुब 1:12

निङ्‌ग्‍वा छिक्‍मा टानाँ आङ्‌मा काहिबा याप्‌मिम्‍बाक् माङ्‌हाङ्‌ङा आसिक् पिडुटु॥ हिट्‌नुङ्‌ना माङ्‌हाङ्‌ङा उन् माया काचोक्‌चि लाउङ्‌सा पिडुङ्‌चिङ्‌चिङ् नुङ् उन्‍ङा माङ्‌हुप् चोगुना चोलाङाना मुकुट् डोक् याङ्‌छामा काआङ्‌बा याप्‌मिङा टोगुटु॥

याकुब 2:5

आमायालु आम्‍भु-आन्‍झाचि हिट्‌नुङ् आनो-आन्‍झाचि, खेम्‍सानुम्, पाक् माङ्‌हाङ्‌ङा नाराङिगा पाक्‍चा वानिगालाउङ्‌सा बिस्‍वासङि बोल्‍लेउ चोक्‍मा हिट्‌नुङ् माङ्‌हुप् चोगुना उमुलुक् उन् माया काचोक्‌चि पिमाउङ्‌सा सेगुवाट्‌टुन्‌चिन्‌गि टे?

पारकास 19:9

हिट्‌नुङ्‌ना माङ्‌हाङ् रिङ् काउग्‍बाङा आङा याङ्‌लोडे, “ना रिङ् छेप्‍टु, थुमाङाना भ्‍याङाना भातेरङि छेम्‍बालाक् याप्‌मिचि माङ्‌हाङ्‌ङा जोम् आसिक् पिडुचिचि॥” माङ्‌हाङ् रिङ् काउग्‍बाङा फेरि आङा याङ्‌लोडे, “माङ्‌हाङ्‌ङा माट्‌टुगा छेम्‍बागा रिङ् नागा डोक्॥”

पारकास 22:14

हिट्‌नुङ् जुन् याप्‌मिचिङा उन्‌चि लोट्‌लिङ् सेङ्‌सेङ् ओहोप्‍टुटु, हिट्‌नागालोक् माङ्‌हाङ् आड्‌डिक् हारका लियुक्, हिट्‌नुङ् हिट्‌नागाँ चोला आपिना टुल्‍फुल चामाना हाक ओटोगुटु हिट्‌नुङ् खालाङ्‌गाङिना ढुवारिक्‌लाम्‍मा लिक्‍माना आधिकार ओटोगुटु॥

पारकास 3:17

हिट्‌नुङ् खानिङा आप्‍पेलाउङ्‌सा वागाठागा, जोम् माक्‍फेन्‍सुबेन् युङ्‌ग्‍वा हिट्‌नुङ् पाक्‍चा चाहाब् लिनिना नुङ् आमाट्‌टुम्‍गा॥ टरो माङ्‌हाङ् ओनाभाक्‌ङि खानि इम्‍टेप्‍मा दुखि, निङ्‌ग्‍वा हिम्‍ना, पाक्‍चा वानिना, याङ्‌कानिनिबा, हिट्‌नुङ् लोट्‌लिङ् चा मालेगा आवासेट्‌टि नुङ् खानिङा ठाहा आटोक्‌निम्‍ना॥