मात्ति 5:19 - आठपहरिया19 हिड्डेउङ् जुन्ङा धारमाबिधिङिगा नागा खाट्टिउगा नुङ्ना चा खाट्टिउगा आग्याँचि पालान् चोगुन्ना हिट्नुङ् हिट्डेडोक् चोक्मा आरु चा हिसिक्टुचिचि भोने, टोनालोग्ङिना मुलुक्ङि हिट्ना ख्वाप्पा नुङ्ना खाट्टिउना लियुक्॥ टरो जुन्ङा हिट्नागा रिङ्चि पालान् चोगुटु हिट्नुङ् हिट्डेडोक् चोक्मा हिसिक्टुचिचि हिट्ना टोनालोग्ङिना मुलुक्ङि ठेना लियुक्॥ အခန်းကိုကြည့်ပါ။ |
मात्ति 5:19
38 ပူးပေါင်းရင်းမြစ်များ
“टरो इनामा, खानि फारिसि याप्मिचि! खानिङा नाट्टियुगा पुदिना, जिरा हिट्नुङ् आरु सिडापाङ्डाङाना दासांसा माङ्हाङ्ङि आटाडुम्गा, टरो खानिङा याप्मिचि नुलोक् चाट्ला आमेट्निम्चिम्गा हिट्नुङ् माङ्हाङ् चा माया आचोग्निम्ना॥ टरो खानिङा याप्मिचि नुलोक् चाट्ला मेप्माचि कोन्युक् हिट्नुङ् आझै माङ्हाङ्ङि दासांसा टाप्मा कोन्युक्॥
कोइ ओचाफेन्गा याप्मिचिङा नाड्डे ओमाट्टुगा, “भेन्गा रिङ् चोगुमुङ् ओचेट्नुना रिङ् टाडुटु भोने, हाट्ले आनि ओभेन्ना रिङ् डोक् चोगुम्याक्टुम्॥” हिट्नुङ् कोइ-कोइङा आन्याँ नाड्डेगा रिङ् हिसिक्टुम्चिम्चिम्मा नुङ् फाट्टुर याप्मिलाबेसे, टरो हिट्ना रिङ् छेम्बाना माखाक्॥ हिट्डेगा रिङ् उपिग्गा याप्मिचि माङ्हाङ्ङा साजाए पिडुचिचि॥
टरो आङालोक् खानि बिरुद्दाङि माट्माना ठिक् रिङ् युङ्ग्वा, खानिङा हिट्ना इजेबेल ओलोडुना मेच्छेमा उन्ङा निङ्ग्वा चोगुना रिङ् चोक्मा आपिडुम्मे॥ हिट्ना मेच्छेमाङा आप्पेलाउङ्सा माङ्काटा नुङ् माट्टुना, टरो हिट्नाङा आङाना सेवा काचोक्चि इम्मेट्माजामा टोॽवा चोक्मा हिट्नुङ् साम्माङ् ठानाङि ठाङ्बालाक् थोक् चामा हिसिक्टुचिउङ् ढाँट फोक्टुएसुचे॥
ကြော်ငြာတွေ