मात्‌ति 5:16 - आठपहरिया

¹⁶ हिड्‌डे डोक् कुपिङाना व्‍हाङ् गाड्‌डे डोक् खानि व्‍हाङ् चा याप्‌मिचि सोरि ओओम्‌याक्, हिट्‌डेउङ् हिट्‌नागाँ खानिङा आचोगुम्‍ना नुना टोॽवा उनिसुटुटु हिट्‌नुङ् टोनालोग्‌ङिना माङ्‌हाङ् पाबाङाना माहिमा ओचोगुटु॥

मात्‌ति 5:16 ပူးပေါင်းရင်းမြစ်များ

मात्‌ति 23:5

“नागाँ उन्‌चिगा ख्‍वाप्‍पा टोॽवा याप्‌मिचि निमेप्‍मा लोङ्‌सा एरोक् ओचोगुटु॥ हिट्‌नागाँ धारमाछाप्‍लाङिगा रिङ् ठेट्‌लोक् ठे-ठेगा ओछेप्‍टुङ् उन्‌चि नाम्‍धाङ्‌ङि हिट्‌नुङ् उन्‌चि पासुलाङि ओवाडुगा, हिट्‌नुङ् उन्‌चि लोट्‌लिङ्‌ङि केगा-केगा फुरका ओचोगुगा॥

मात्‌ति 23:9

ना नाराङि खान्‍याँ साक्‍चा ‘पाबा’ नुङ् लोनेन्‍नुम्‌चिम्, पोङ्‌भोने खानिना ठिबाङ् एना माङ्‌हाङ् पाबा वाहेट्, उन् टोनालोग्‌ङि युङ्‌ग्‍वा॥

मात्‌ति 5:45

हिड्‌नाड्‌डे आचोगिए भोने खानि टोनालोग्‌ङि युङ्‌ना माङ्‌हाङ् पाबाङाना ओछालेट्‌चि आलिसिटि॥ पोङ्‌भोने उन्‍ङा ओभेन्‍गा हिट्‌नुङ् नुगालोङ्‌सा डोक् नाम् छेमा पिडुचिचि, हिट्‌नुङ् धारमोति याप्‌मि हिट्‌नुङ् कायाङ्‌छाबा याप्‌मि इप्‍पाङ्‌लोङ्‌सा डोक् व्‍हेट् ठेन्‍डुबिडुचिचि॥

मात्‌ति 6:16

“खानि उपासा आयुङिनाँ निङ्‌ग्‍वा ओमाक्‍पाचि गाड्‌डे खानि नाभाक् माखोयोक् चोक्‍नेनुम्॥ निङ्‌ग्‍वा ओमाक्‍पाचिङा गोलो उपासा युङेएसिङे नुङ् याप्‌मिचि निमेप्‍माचिलाउङ्‌सा उन्‌चि नाभाक् ओसेडुङ् उयुङ्‌युक्॥ छेम्‍बा डोक्, आङा खानि लोनाँनि, हिट्‌नागाँ उन्‌चि इनाम् टोक्‍मा उहिडुएसुए॥

मात्‌ति 6:9

हिट्‌डेउङ् खानि नाड्‌डे पारा बिन्‌टि चोगानि– ‘हाउ टोनालोग्‌ङि आयुङ्‌ना आन्‍याँ माङ्‌हाङ् पाबा, कानिङ् सेङ्‌सेङ् उलियाक्॥

मात्‌ति 9:8

ना डोङ् ठोङ्‌डिना टोॽवा याप्‌मिचिगा खिमेयाङ्‌मेङा उनिसुङ् हिट्‌नागा उकिट्‌टे, हिट्‌नुङ् याप्‌मिचिलोङ्‌सा नाड्‌डेना आधिकार कापिबा माङ्‌हाङ्‌ङाना उनिङ् ओचोन्‍डुए॥

लुका 11:2

हिट्‌नुङ् येसुङा हिट्‌नागा लोडुचे, “खानि नाड्‌डे पारा बिन्‌टि चोगानि– ‘हाउ माङ्‌हाङ् पाबा, कानिङ् सेङ्‌सेङ् उलियाक्, खान्‍ङाना कामुलुक् ओटायाक्॥

युहान्‍ना 15:8

खानिङा जोम् टुल्‍फुल आकेङुमे भोने, ना रिङ्‌ङा डोक् आङाना पाबाङाना माहिमा लियुक्, हिट्‌नुङ् खानि आचेलाचि आलिसिटि॥

मुलिचेला टोॽवा 9:36

योप्‍पा खालाङ्‌गाङि ताबिता उनिङ् लिसाना ठिबाङ् मेन्‍झेमा बिस्‍वासि डाना॥ (हिट्‌नाङाना उनिङ् गिरिक् रिङ्‌ङि डोरकास ओलोडुए, नाङाना उटुप् हारिनि लियुक्॥) हिट्‌नाँ आरु लोङ्‌सा ओचेट्‌नुना टोॽवा चोगुगा डागा हिट्‌नुङ् पाक्‍चा ओवानिगालोङ्‌सा घुवार फाडुचिगा डागा॥

१ कोरिन्‌थि 14:25

हिट्‌नुङ् हिट्‌नागाँ उन्‌चि निङ्‌ग्‍वा भिट्‌रा ओठोबागा रिङ्‌चि चा ओमाट्‌टुटु, हिट्‌नुङ् हिट्‌नागाँ उन्‌चि टुम्‍बुट् ओयेप्‍टुङ् ओमाट्‌टुटु “छेम्‍बा डोक्, माङ्‌हाङ् नागा याप्‌मिचिलोक् युङ्‌ग्‍वा॥”

२ कोरिन्‌थि 9:13

ना टोॽवालाम्‍मा खानिङा आप्‍पेलाउङ्‌सा आरु पारमान् आपिडेसुम्‍मे॥ खानिङा खिरिस्‍टङाना नुना खाबोर बिस्‍वास आचोगुम्‍ना रिङ् हिट्‌नुङ् पालान् आचोगुमुङ् खानि मुक् आफेन्‍डुमुङ् हिट्‌नागा हिट्‌नुङ् सोब्‍बे बिस्‍वासिचि घुवार आफासुम्‌चिम्‍गा उनिसुङ् हिट्‌नागाँ माङ्‌हाङ् उनिङ् ओचोन्‍डुटु॥

गालाति 1:24

हिट्‌नाड्‌डेउङ् हिट्‌नागाँ आङा चोगुङ्‌नाँ माङ्‌हाङ् उनिङ् टो-टो ओचोन्‍डुए॥

एफिसि 2:10

माङ्‌हाङ्‌ङा आनि आचोगाना ए॥ खिरिस्‍ट येसुलोक् आनिना साम्‍बान्‍धा लिसानाँ, आनि चोलाङि नुना टोॽवा चोक्‍मा लाउङ्‌सा ओछोङ्‌ग्‍वाट् चोला आनि टोगुएसुम्‍मे॥ आनि हिट्‌नागा नुगा टोॽवा चोगुम् नुङ् माङ्‌हाङ्‌ङा पाइले डोक् टेयार चोगुएसुना॥

एफिसि 5:8

पोङ्‌भोने पाइले खानि निङ्‌ग्‍वा ओमाक्‍पा डाना, टरो हाट्‌ले खानि टाङ्‌बा ओयाप्‌मिचि आलिसिनाँ माङ्‌हाङ् ओव्‍हाङ् खानिलोक् युङ्‌ग्‍वा॥ हिट्‌डेउङ् हिट्‌ना व्‍हाङ्‌ङिगा पिच्‍छाचि गाड्‌डे डोक् वासानि॥

१ थेसालोनिकि 2:12

हिट्‌नुङ् आन्‍याँ खानि आरति-उपादेस पिनाने, आँट् पिनाने, हिट्‌नुङ् आनुरोध चोक्‍नाने, हिट्‌डेउङ् खानि चाल चालान् माङ्‌हाङ्‌ङा निङ्‌ग्‍वा टासुना उलियाक्॥ हिट्‌नुङ् उन्‍ङा खानिलाउङ्‌सा उमुलुक्‌ङि हिट्‌नुङ् माहिमाङि माछेम्‌डिटि॥

१ तिमोथि 2:10

टरो माङ्‌हाङ्‌ङाना सेवा काचोक् मेन्‍झेमाचिङा आप्‍पेलोङ्‌सा खान्‍डुना ओचेट्‌नुना टोॽवा एरोक् ओचोगुवाक्॥

१ तिमोथि 5:10

हिट्‌नुङ् हिट्‌नाम्‍बाक् ओचेट्‌नु टोॽवा चोगुङ् उनिङ् मुक्‍टाना, नाड्‌डेडोक् आप्‍पे उइछाचि ओचेट्‌नुलोक् पुयुचिगा, ओटागा याप्‌मिचि ओचेट्‌नुलोक् काचोक्‍बा, माङ्‌हाङ् ओयाप्‌मिचिगा लाङ् वासिडुबिडुचिउङ् सेवा काचोक्‍बा, हिट्‌नुङ् याङ्‌छामाङि ओठायागा लोङ्‌सा घुवार काफाबा, हिट्‌नुङ् सोब्‍बे पारागा नुना टोॽवाङि एडोक् निङ्‌गुवा कापिबा मेन्‍झेमा लिमा कोन्‌युक्॥

१ तिमोथि 5:25

हिट्‌नाडे डोक् आम्‍टेप्‍मा ओचेट्‌नुगा टोॽवाचिम्‍बाक् पारचिन्‍दा ओठेट्‌युक्, हिट्‌डेउङ् याप्‌मिचिङा एला डोक् ठाहा ओटोगुटु, हिट्‌नुङ् चा सोगोप् ओचेट्‌नुगा टोॽवाचि चोक्‍बालाक् चा ठोप्‍मा उहिनिगा॥

१ तिमोथि 6:18

हिट्‌नागाँ आरु नुलोक् ओमेट्‌टुच्‍याक्, हिट्‌नुङ् नुगा टोॽवाचि जोम् ओचोगुवाक्, हिट्‌नुङ् याप्‌मिचि खेरोक् पिमा हिट्‌नुङ् हाम्‍माजामाङि उन्‌चि निङ्‌ग्‍वा उपिडुवाक् नुङ् लोडुचि॥

तितास 2:14

येसु खिरिस्‍टङा आनिगा सोब्‍बे पारिग्‍गा पापलाम्‍मा साम्‍मा लोङ्‌सा ओसोक्‍मा डोक् पिडुए॥ उन्‍ङा आनि चोख्‍याँ आचोगाउङ् आप्‍पे ओयाप्‌मिचि आचोगे, हिट्‌नुङ् नुना टोॽवा एरोक् चोक्‍माना निङ्‌ग्‍वा याप्‌मिचि पिडुचे॥

तितास 2:7

सोब्‍बे थोक्‌ङि खान्‍ङा आप्‍पे डोक् नुना टोॽवा चोगु हिट्‌नुङ् ठाङ्‌बेन्‌चिङा खान्‍ङाना सिको माचोक्‌युक्॥ खान्‍ङा सिकाँ आचोगुचिनाँ ढाँट मिफोक्‍ङे हिट्‌नुङ् लुम्‍भोक् लोना रिङ् हिसिक्‍टुचि॥

तितास 3:14

आनि याप्‌मिचिङा खेरोक् डोक् उन्‌चि चोला खेरो उटिसुन्॥ आनि याप्‌मिचि ओचेट्‌नुना टोॽवा चोक्‍मा लोङ्‌सा सिकाँ उलि हिट्‌नुङ् टुल्‍फुल केङ्‌मा उहिडुन्‍गा उलिनि चा॥

तितास 3:4

टरो आनि काहिङ्‌मेप्‍बा डाङ्‌बा माङ्‌हाङ्‌ङा ओदाया लोक् माया सोब्‍बे याप्‌मिचि लोङ्‌सा आनिमेट्‌टे,

हिब्‍रु 10:24

हाट्‌ले ठिबाङ्‌ङा आरको माया चोक्‍माना रिङ् हिट्‌नुङ् नुना टोॽवा चोक्‍मा लाउङ्‌सा खोड्‌डेउङ् आँट् पिमा हिडुम्‌चिम्‌चिम्‍ना हिट्‌ना रिङ्‌ङि निङ्‌ग्‍वा चोगुम्॥

१ पाटरुस 2:12

आबिस्‍वासि याप्‌मिचिगा माझाइ खानि चाट्‌ला नुना उलियाक्॥ हिट्‌नुङ् खानिङा आचोगुम्‍ना गाल्‌ति रिङ्‌ङाना हिट्‌नागाँ फाट्‌टुर मालाबिए भोने चा हिट्‌नागाँ खानिगा ओचेट्‌नुना टोॽवा उनिसुवाक् हिट्‌नुङ् माङ्‌हाङ्‌ङा नाराङिगा याप्‌मिचिगा न्‍याए चोगुनाँ हिट्‌नागाँ उन्‍ङाना माहिमा ओचोगुवाक्॥

१ पाटरुस 2:9

टरो खानिम्‍टे माङ्‌हाङ्‌ङा मासेगिगा छोङ्‌बाचि, मुलुक्‌ङिना पुजारिचि, सेङ्‌सेङ्‌गा छोङ्‌बाचि, माङ्‌हाङ्‌ङाना आप्‍पे ओयाप्‌मिचि ए॥ खानिङा उन्‍ङाना ओबोल्‌ङाना टोॽवाचि पारचार चोगानुम् नुङ् उन्‍ङा खानि डुम्‍बारिक्‌लाम्‍मा उन्‍ङाना डोङ् ठोङ्‌डिना ओव्‍हाङ्‌ङि माआप्‌टिए॥

१ पाटरुस 3:1

टालिमाङ्‌चि, नाड्‌डेडोक् खानि टालिमाङ्‌चि आप्‍पे लाउङ्‌सा खानिगा टालिबाङ्‌चिगा आधिन्‌ङि युङ्‌मा कोन्‌युक्॥ हिट्‌नाड्‌डेउङ् माङ्‌हाङ्‌ङाना रिङ् बिस्‍वास ओचोगुन्‍गा टालिबाङ्‌चिङा चा खानि चाट्‌ला ठाहा ओटोगुङ् खानिङा पाक्‍चा आलोनिम्‌चिम्‍चा बिस्‍वास चोक्‍मा उहिडुटु,

१ पाटरुस 3:16

हिट्‌ना आसा बारेङि मेयोक् लिसानिउङ् याप्‌मिचि मान् चोक्‍सा लोडानुम्‌चिम्॥ खानि मिप्‍माना बोल् सेङ्‌सेङ् युङ्‌सानुम्॥ हिड्‌नाड्‌डेउङ् खिरिस्‍टङि खोड्‌डे पारिक् नुना चोलाङि आयुङिएसेगा हिट्‌ना रिङ् उनिसुङ् खानि बिरुद्‌दाङि ओचेक्‍गा आप्‍पे ओमोन्‌युसियुक्॥

१ पाटरुस 4:11

कोइलोक् चेक्‍माना बारदान युङ्‌ग्‍वा भोने माङ्‌हाङ् उन्‌लाम्‍मा चेक्‌टि गाड्‌डे डोक् हिट्‌ना ओचेक्‌याक्॥ कोइङा सेवा चोगुटु भोने माङ्‌हाङ्‌ङा पिडुना बोल्‌लाम्‍मा हिट्‌नाँ सेवा ओचोगुवाक्॥ हिड्‌डेउङ् नागा ख्‍वाप्‍पा रिङ्‌ङि येसु खिरिस्‍टलाम्‍मा माङ्‌हाङ्‌ङाना डोक् उनिङ् टो-टो उलियाक्॥ ख्‍वाप्‍पा माहिमा हिट्‌नुङ् बोल् उन्‌ङि डोक् सोरोक् उलियाक्॥ आमेन्॥

१ पाटरुस 4:14

खानिङा खिरिस्‍टङि बिस्‍वास आचोगुम्‍नाँ याप्‌मिचिङा मालोडिजाए भोने खानि हारका लिसानि, पोङ्‌भोने माङ्‌हाङ्‌ङाना माहिमित ओहाङ्‌सा खानिलोक् लियुक्॥