मात्‌ति 4:24 - आठपहरिया

²⁴ नाड्‌डे लिसानाँ सिरिया छेट्‌रा टेप् उन्‍ङाना बारेङि याप्‌मिचिङा ओखेम्‍सुए, हिट्‌नुङ् याप्‌मिचिङा पारिक् पारिक्‍ङागा रोगाङा लाबुचिगा टुखाबाचि, ओचाफेन्‍ना रिमेट्‌ङा लाबुचिगा, हिट्‌नुङ् ठाप्‌चिलिङ् रोगाङा लाबुचिगा, हिट्‌नुङ् कुस्‍टा रोगिचि उन् सोरि ओटाडुचे॥ उन्‍ङा हिट्‌नागा ख्‍वाप्‍पा नुमानिङ् चोगुचे॥

मात्‌ति 4:24 ပူးပေါင်းရင်းမြစ်များ

मात्‌ति 12:22

याप्‌मिचिङा टोन्‍डेबाङा याङ्‌सुङ् याङ्‌कानिनिबा हिट्‌नुङ् ओकेलुबा लिसाना ठिबाङ् याप्‌मि येसु सोरि ओटाडुए॥ येसुङा हिट्‌ना याप्‌मि नुमानिङ् चोगुए, हिट्‌नुङ् हिट्‌नाँ याङ्‌निसुए हिट्‌नुङ् चेक्‍मा काहिबा लिसे॥

मात्‌ति 14:1

हिट्‌ना बेला गालिल छेट्‌राङिना सासान् काचोक् हेरोद एन्‌टिपासङा येसुङाना बारेङि खेम्‍सुए॥

मात्‌ति 15:22

हिट्‌ना छेट्‌रालाम्‍मा ठिबाङ् कानानि मेन्‍झेमा आबाउङ् टाराङ्-टाराङ् राट्‌सा माट्‌टुए, “आडाङ्‌बा, दाउद पुङ्‌लाङिना, आङा लुक्‍मा याङ्‌टुक्‍टा! आइछा मेन्‍झेमा टोन्‍डेबाङा आड्‌डिक् ओचाफेन्‍लोक् याङ्‌छामा चाट्‌टुएसुए॥”

मात्‌ति 17:15

“आडाङ्‌बा, ना आइछा लुक्‍मा याङ्‌टुक्‍टाबिडा लो, पोङ्‌भोने ना ठाप्‌चिलिङ्‌ङा लाबुङ् आड्‌डिक् याङ्‌छामा आङ्‌डुएट्‌टु॥ हिट्‌ना काइले मिङि ठाना, काइले चुवाङि लिग्‍ना॥

मात्‌ति 17:18

येसुङा हिट्‌ना टोम्‍गाचिगा खेमा लाप्‍टुए हिट्‌नुङ् हिट्‌ना होन्‍डाउङ् खाडे॥ हिट्‌नुङ् हिट्‌ना पिच्‍छा हिट्‌ना बेला डोक् नुमानिङ् लिसे॥

मात्‌ति 4:23

येसुङा याहुदि छुम्‍मापाङ्‌ङि सिकाँ चोक्‍सा माङ्‌हाङ् उमुलुक् बारेङि नुना खाबोर पारचार चोक्‍सा सोब्‍बे पारिक्‍ङागा रोगा लाहाब् उलिसागा हिट्‌नुङ् उटुगागा याप्‌मिचि नुमानिङ् चोगुचिउङ् गालिल छेट्‌रा टेप् लिन्‍डुए॥

मात्‌ति 8:28

येसु गालिल तालङाना याहाँपारा गादरिनिचिगा छेट्‌राङि होन्‍डाटायानाँ उहुम्‍पालाम्‍मा होन्‍डा खाडाचिगा इप्‍पाङ् ओचाफेन्‍ना रिमेट्‌ङा लाबुचिगा याप्‌मिचिङा उन् टुबाचुए॥ हिट्‌नागाचि आड्‌डिक् किट्‌टुम्‌चिम्‍गा डाचिगा, हिड्‌डेउङ् हिट्‌ना लाम्‍बोलाम्‍मा साक्‍चा आप्‍मा-खाप्‍मा उहिनेट्‌निगा डागा॥

मात्‌ति 8:33

फाक् कापुबाचिङा ना घाट्‌ना उनिसुङ् खालाङ्‌गालेङ् पिन्‍डा ओखाडे॥ हिट्‌नागा खालाङ्‌गाङि ओटासुङ् सोब्‍बे रिङ् हिट्‌नुङ् हिट्‌नागा टोन्‍डेबाचिङा लिन्‍डुचिगा याप्‌मिचि खोड्‌डे पारिक् उनुयेगा हिट्‌ना रिङ् ओखेम्‍मेट्‌टुचे॥

मात्‌ति 8:6

“डाङ्‌बा, ठिबाङ् आङाना चाकार ओलाङ् उमुक् सोङ्‌निना रोगाङा टुगाउङ् पाङ्‌ङि ठालाँ लिसाइसे॥”

मात्‌ति 9:26

हिट्‌डेउङ् ना लिसाना घाट्‌ना हिट्‌ना मुलुक् टेप् सोब्‍बेलेङ् छिन्‍डे॥

मात्‌ति 9:35

येसु सोब्‍बे खालाङ्‌गाङि हिट्‌नुङ् युक्‍टाम्‌ङिगा याहुदि छुम्‍मापाङ्‌ङि सिकाँ चोक्‍सा टोनालोग्‌ङिना मुलुक् बारेङि नुना खाबोर पारचार चोगुए, हिट्‌नुङ् पारिक् पारिक्‍ङागा रोगा हिट्‌नुङ् उटुगागा नुमानिङ् चोक्‍सा वासे॥

मारकुस 1:28

हिट्‌नुङ् एला डोक् येसुङाना बारेङि गालिल छेट्‌राङाना सोब्‍बेलेङ् उरिङ् मुक्‍टे॥

मारकुस 1:32

नाम् कुडाउङ् याप्‌मिचिङा उन्‌चि येम् टुगागा हिट्‌नुङ् टोन्‍डेबाङा खोट्‌टुचिगा सोब्‍बे याप्‌मिचि येसु सोरि ओटाडुचे॥

मारकुस 2:3

हिट्‌नि टेम्‍बोक् जाना याप्‌मिचिङा लोङ्‌लेन् याप्‌मि उखुयुङ् ओटाडुए हिट्‌नुङ् आम्‍टेप्‍मा याप्‌मिचि चा हिट्‌नागालोक् ओआबे॥

मारकुस 2:4

याप्‌मिचिगा खिमेयाङ्‌मे लिसानाँ हिट्‌नागाँ टुगाना याप्‌मि भिट्‌रा येसुङि खाप्‍मा उहिडुवाट्‌टुन्॥ हिड्‌डे लिसाउङ् हिट्‌नागाँ येसु युङाना डेन्‌ङिना उठुङ्‌ङिना पाङ्‌ढुङ्‌मा ओफाडुङ् ओङ्‌सुए हिट्‌नुङ् हिट्‌नालाम्‍मा लोङ्‌लेन् याप्‌मि ओडोलेन्‍चालोक् योक्-योक् यो ओठेन्‍डुए॥

मारकुस 2:9

ना लोङ्‌लेन् याप्‌मि लोङ्‌सा ‘कापाप छेमा लिसे’ आथाबा ‘कोबा, हिट्‌नुङ् काडोलेन्‍चा खुयुङ् लाम्‌टिया’ लोमा खोनाम्‍बाक् साजिलो लियुक्‍ना, लु माट्‌टानुम् टे?

लुका 2:2

ना पाइलाना खेप् निङ् छेप्‍माना रिङ् होन्‍डानाङा सिरिया छेट्‌राङि कुरेनियस ठेना हाकिमङा सासान् चोगुएट्‌टुना॥

लुका 4:14

सेङ्‌सेङ्‌ना हाङ्‌सालाम्‍मा साक्‌ति टुबुङ् येसु गालिल छेट्‌राङि नोक्‍टे॥ उन्‍ङाना रिङ् सोब्‍बेलेङ् याप्‌मिचिङा ओमाट्‌टुए॥

लुका 4:38

येसु याहुदि छुम्‍मापाङ्‌लाम्‍मा होन्‍डाउङ् सिमोन ओलोडुना याप्‌मिङाना ओपाङ्‌ङि खाडे॥ हिट्‌नापाका सिमोन ओनाम्‍माङाना जोरोङा ओयेम् टुगाउङ् इम्‍साइसाना हिट्‌नुङ् हिट्‌नागाँ ना मेन्‍झेमा लोङ्‌सा येसुङि बिन्‌टि ओचोगुए॥

लुका 5:15

हिट्‌ना लेम्‍बालाम्‍मा येसुङाना बारेङि टुक्‍लोक् सोब्‍बेलेङ् छिन्‍सा खाडे हिट्‌नुङ् जोम् याप्‌मिचि उरिङ् खेम्‌सिङा हिट्‌नुङ् नुसिङा ओटाए॥

लुका 5:24

टरो नाहि पुयानुम्, ना नाराङि याप्‌मि छा लोङ्‌सा याप्‌मिचिगा पाप छेमा चोग्‍माना आधिकार युङ्‌ग्‍वा नुङ् पारमान् खानि पिनाँनि॥” हिट्‌नुङ् येसुङा हिट्‌ना लोङ्‌लेन् याप्‌मि लोडुए, “आङा खान् लोनाँ, हाट्‌ले कोबा हिट्‌नुङ् काडोलेन्‍चा खुयुङ् कापाङ्‌ङि खाडा॥”

लुका 7:17

ख्‍वाप्‍पा याहुदिया हिट्‌नुङ् हिट्‌ना याम्‍बा-नायाम्‍बागा सोब्‍बे छेट्‌राङि येसुङाना बारेङि खाबोर छिन्‍डे॥

युहान्‍ना 10:21

टरो आरुङा ओमाट्‌टुए, “ओचाफेन्‍ना रिमेट्‌ङा इप्‍टुना याप्‌मिङा नाड्‌डे रिङ् माट्‌टुन्‍ना॥ पाक् ओचाफेन्‍मा रिमेट्‌ङा इप्‍टुना याप्‌मिङा याङ्‌कानिनिबाङाना उमिक् नुमानिङ् चोक्‍मा हिडुटुनि टे?”

मुलिचेला टोॽवा 10:38

खानिङि ठाहा युङ्‌ग्‍वा, माङ्‌हाङ्‌ङा नासारातङिना येसु सेङ्‌सेङ्‌ना हाङ्‌सा हिट्‌नुङ् बोल्‍ङा आभिसेक चोगुए हिट्‌नुङ् उन्‍ङा नुना टोॽवा चोक्‍सा सैतानङा लिन्‍डुचिगा ख्‍वाप्‍पा नुमानिङ् चोक्‍सा सोब्‍बे डेन्‌लेङ् खाडे, पोङ्‌भोने माङ्‌हाङ् उन्‌लोक् सोरोक् वासाना॥

मुलिचेला टोॽवा 15:23

हिट्‌नागा टेम्‍बोक् जानाचि मुक्‌ङि नाड्‌डे पारिक् चिट्‌ठि ओहाङ्‌सुए– “खानि सोब्‍बे एन्‌टिओखिया, सिरिया हिट्‌नुङ् किलिकियाङि ओवाहेट्‌गा पानिछोङ्‌बा बिस्‍वासिचि लोङ्‌सा, ना चिट्‌ठिलाम्‍मा आन्‍याँ नेहिगा मुलिचेलाचि हिट्‌नुङ् ओठेडोङ्‌चिलाम्‍मा बाबा ए॥

मुलिचेला टोॽवा 15:41

हिट्‌नागाचि सिरिया हिट्‌नुङ् किलिकिया छेट्‌रा लिसा खाडाचिनाँ हिट्‌निगा माङ्‌पाङ्‌ङिगा बिस्‍वासङि बोल्‍लेउ चोक्‍सा खाडाचे॥

मुलिचेला टोॽवा 28:9

नाड्‌डेउङ् टुगाना याप्‌मि नुयाना रिङ् याप्‌मिचिङा ओखेम्‍सुङ् हिट्‌ना टापुङि उलिसागा आरु उटुगागा याप्‌मिचि चा ओटाए हिट्‌नुङ् पावाललाम्‍मा सोब्‍बे उनुए॥

मुलिचेला टोॽवा 8:7

हिट्‌नि जोम् याप्‌मिचिलाम्‍मा टोंडेबाचि राट्‌सा ओहोन्‍डाडे, हिट्‌नुङ् जोम् पाक्‍छेघात हिट्‌नुङ् लोङ्‌लेन् याप्‌मिचि उनुये॥