मात्‌ति 27:56 - आठपहरिया

⁵⁶ हिट्‌नागा माड्‌डे मारियाम माग्‍दालिनि, याकुब हिट्‌नुङ् योसेफङाना उमा मारियाम, हिट्‌नुङ् जाब्‌दियाङाना येम्‍बेछा उइछाचि याकुब लोक् युहान्‍नाङा उमा डाना॥

मात्‌ति 27:56 ပူးပေါင်းရင်းမြစ်များ

मात्‌ति 13:55

पाक् ना सिङ्‌ङाना टोॽवा काचोक्‍बा याप्‌मिङाना उइछा माखाइ टे? नाङाना उमाङाना उनिङ् मारियाम माखाइ टे? पाक् याकुब, योसेफ, सिमोन हिट्‌नुङ् याहुदा नाङाना आप्‍पे उन्‍झाचि माखाइ टे?

मात्‌ति 27:61

मारियाम माग्‍दालिनि हिट्‌नुङ् आरको मारियामम्‍बाक् ओहुम्‍पाङाना चिपा याम्‍बा युङैसाचिगा॥

मात्‌ति 28:1

युङ्‌माना लेम्‍बा एङ्‌स्‍वा, आइताबार भ्‍यानिक् कुरिक्‌वारिक् व्‍हाङ् लिसानाँ मारियाम माग्‍दालिनि हिट्‌नुङ् आरको मारियाम येसु उयुङ्‌सुना ओहुम्‍पा पुसिङा खाडाचे॥

मारकुस 15:47

मारियाम माग्‍दालिनि हिट्‌नुङ् योसेफङाना उमा मारियामङा येसुङाना ओलास उहुम्‍पाङि उयुङ्‌सुना पुएट्‌टाचुगा॥

मारकुस 16:9

[आइताबार एका भ्‍यानिक्, सियानालाम्‍मा उहिङ्‌ग्‍वाट् लिसा कोबाउङ् येसु सोब्‍बे नुङ्‌ना पाइले मारियाम माग्‍दालिनि सोरि ठेट्‌टे॥ ना मेन्‍झेमालाम्‍मा डोक् येसुङा साङ् ओटा ओचाफेन्‍गा रिमेट्‌चि होट्‌टुएसुचिगा डागा॥

लुका 24:10

हिट्‌नागा मारियाम माग्‍दालिनि, योआन्‍ना, याकुबङाना उमा मारियाम हिट्‌नुङ् आरु मेन्‍झेमाचि चा ओवासेट्‌टागा॥ नागाँ डोक् हिट्‌नि लिसाना रिङ् मुलिचेलाचि ओखेम्‍मेट्‌टुचे॥

लुका 8:2

उन्‌लोक् ओचाफेन्‍ना रिमेट् हिट्‌नुङ् रोगालाम्‍मा नुमानिङ् उलिसागा आम्‍टेप्‍मा मेन्‍झेमाचि ओवासेट्‌टागा॥ हिट्‌नागा माड्‌डेङि सि गोडा टेप्‍मा ओचाफेन्‍ना रिमेट्‌ङा लाबुङ् नुमानिङ् लिसाना माग्‍दालिनि ओलोडुना मारियाम चा वासेट्‌टाना॥

युहान्‍ना 19:25

हिट्‌नुङ् येसुङाना खाप्‍चे नेहेट्‌टाङ् उमा, उमाङाना मेन्‍झेमा उन्‍झा, क्‍लोपासङाना ओपाङ्‌ढाङ्‌मा मारियाम हिट्‌नुङ् मारियाम माग्‍दालिनि ओयेबैसागा॥

युहान्‍ना 20:1

आइताबार एका भ्‍यानिक् कुरिक्‌वारिक् व्‍हाङ्‌ङि मारियाम माग्‍दालिनि ओहुम्‍पाङि खाडे, हिट्‌नुङ् हिट्‌नाङा ओहुम्‍पाङिना लिङ्‌गेॽवा ओसोन्‍डुना निसुए॥

युहान्‍ना 20:18

हिट्‌नुङ् मारियाम माग्‍दालिनि खाडाउङ् चेलाचि खेम्‍मेट्‌टुचे, “आङा टाङ्‌बा निसुङे॥” हिट्‌नुङ् उन्‍ङा लोडुना रिङ् हिट्‌नागा लोडुचे॥