मात्‌ति 27:3 - आठपहरिया

³ टब येसु धोका कापिबा याहुदाङा उन् सेप्‍माना रिङ् ठाहा टोगुङ् हिट्‌नाङाना आड्‌डिक् उनिङ्‌ग्‍वा टुगाउङ् काएल्-काबु लिसे, हिट्‌नुङ् हिट्‌ना रुपाक्‌ङाना तिस राङ् नोक्‍माबिमाचि लोङ्‌सा गाडुवाडाङ्‌बाचि हिट्‌नुङ् ओठेडोङ्‌चि सोरि खाडे॥

मात्‌ति 27:3 ပူးပေါင်းရင်းမြစ်များ

युहान्‍ना 13:2

येसु लोक् ओचेलाचि युसाना पाका चामा ओचोएट्‌टुना बेला सैतानङा सिमोनङा उइछा याहुदा इस्‍कारियोतङाना उनिङ्‌वाङि येसु धोका पिमाना निङ्‌ग्‍वा हाले डोक् ठेन्‍डुबिडुएसुना॥

युहान्‍ना 13:27

याहुदाङा चालेपा टाक्‍टुनामे उनिङ्‌ग्‍वाङि सैतान लिगे॥ हिट्‌नुङ् येसुङा याहुदा लोडुए, “खान्‍ङा पाक् चोक्‍मा आइट्‌टुएना, एला डोक् चोगुएट्‌टु॥”

युहान्‍ना 18:3

हिट्‌ना बेला आम्‍टेप्‍मा टिलिङ्‌गाचि, गाडुवाडाङ्‌बाचि हिट्‌नुङ् फारिसि याप्‌मिचि ओपाङ्‌सुचिगा माङ्‌ठाना काकोबाचि आप्‍टुचिउङ् याहुदा हिट्‌नि होन्‍डाडाए॥ हिट्‌नागाँ कुपि, राँको हिट्‌नुङ् ढाबे, चुप्‌फि उखुयुएसुगा॥

मुलिचेला टोॽवा 1:18

ना याहुदा याप्‌मिङा ओचाफेन्‍ना टोॽवा चोगुङ् कामाँ चोगुना ओफाबालाम्‍मा ठिक् बेङ्‌सि उइनुबिडुएसुना॥ हिट्‌ना बेङ्‌सिङि डोक् ओचाफेन्‍लोक् कोसाउङ् ओमाभोक् हेडे, हिट्‌नुङ् उहिडुवा होन्‍डाउङ् सिए॥

२ कोरिन्‌थि 7:10

पोङ्‌भोने कोइ याप्‌मिङा माङ्‌हाङ् उनिङ्‌ग्‍वा गाड्‌डे निङ्‌ग्‍वा सागु चोगुङ् पापलाम्‍मा काएल्-काबु लियुक् भोने, हिट्‌ना माङ्‌हाङ्‌ङा बाचाँ चोगुटु॥ हिट्‌डेना याङ्‌छामाङि सानिङ्‌ग्‍वा लोमा कोन्‌निना॥ टरो याप्‌मिङाना उनिङ्‌ग्‍वा गाड्‌डे सानिङ्‌ग्‍वा लोयुक् भोने, हिट्‌नाङा सिइना रिङ्‌लेङ् आखाट्‌युक्॥