मात्‌ति 26:44 - आठपहरिया

⁴⁴ हिट्‌डेउङ् उन्‍ङा हिट्‌नागा फेरि नाडुढोचिउङ् तेस्‍रो खेप् बिन्‌टि चोक्‍ङा खाडे, हिट्‌नुङ् उन्‍ङा हाले माट्‌टु गाड्‌डे डोक् बिन्‌टि चोगे॥

मात्‌ति 26:44 ပူးပေါင်းရင်းမြစ်များ

मात्‌ति 26:43

हिट्‌नुङ् येसु फेरि सुम्‍बाङ् ओचेलाचि उलिसागा ठोङ्‌ङि आबानाँ हिट्‌नागा उइम्‍सेसागा टुबुचे, पोङ्‌भोने हिट्‌नागाँ उन्‌चि मिक्‌युमा उन्‌चि मिक् डोक् ओङ्‌मा उहिडुवाट्‌टुन्॥

मात्‌ति 26:45

हिट्‌नुङ्‌ना चेलाचि सोरि आबाउङ् हिट्‌नागा लोडुचे, “पाक् खानि हाट्‌ले चा आइम्‌सिउङ् आराम आचोगेट्‌टिगि? खेम्‍सानुम्, हाट्‌ले बेला लिसे, याप्‌मि छा कायाङ्‌छाबाचि मुक्‌ङि पिमा बेला लिमा हिडे॥

मात्‌ति 6:7

“हिट्‌नुङ् खानिङा बिन्‌टि आचोगिनाँ पानिछोङ्‌बाचिङा ओचोगु गाड्‌डे बिथाँङिगा याप्‍मा रिङ्‌ङि एडोक् चोग्‍नेनुम्, पोङ्‌भोने हिट्‌नागाँ उन्‌चि साम्‍माङ्‌ङा हामो सोम्‍मा बिन्‌टि चोगिनाँ एडोक् खेम्‍सुटु नुङ् उमिट्‌युक्॥

लुका 18:1

ठिक् लेम्‍बा येसुङा ओचेलाचि सोरोक् बिन्‌टि ओचोगुयाक्‍टुवाक् हिट्‌नुङ् उन्‌चि निङ्‌ग्‍वा ओसेडुन्‍चा नुङ् हिसिक्‍माचि लोङ्‌सा ठिक् मुन्‍डुम् लोडुचे,

२ कोरिन्‌थि 12:8

ना याङ्‌छामालाम्‍मा आङा छुट्‌कारा ओटोगुङ् नुङ् सुम्‍बोक् खेप् टाङ्‌बालोक् बिन्‌टि ठाङ्‌सुङे॥