मात्‌ति 24:21 - आठपहरिया

²¹ पोङ्‌भोने हिट्‌ना बेला माङ्‌ठेना किप्‍माडुङ् याङ्‌छामा लियुक्॥ नाड्‌डेना याङ्‌छामा नारा उटुम्‌लाम्‍मा हाट्‌ले सोम्‍मा लिनिगेट्‌निना, हिट्‌नुङ् फेरि खोना बेला चा लिनिना॥

मात्‌ति 24:21 ပူးပေါင်းရင်းမြစ်များ

मात्‌ति 24:20

चुङ्‌ग्‍वामा बेला आथाबा युङ्‌माना लेम्‍बा खानिङा पिम्‍मा खाप्‍मा ओकोन्‍नेयाक् नुङ् माङ्‌हाङ्‌ङि बिन्‌टि ठाङ्‌सानुम्॥

मात्‌ति 24:29

“हिट्‌नागा याङ्‌छामा लेम्‍बा लाट्‌नामे नाम् डुम्‍बारिक् डुम् लियुक्, हिट्‌नुङ् लालिप्‍माङ्‌ङा व्‍हाङ् पिमा नाडुटु, टाङ्‌साङ्‌लाम्‍मा चोक्‌चिङ्‌गेट्‌चि ओठायुक्, हिट्‌नुङ् टाङ्‌साङ्‌ङिगा सोब्‍बे साक्‌तिचि ओवान्‌युक्॥

मारकुस 13:9

“खानिम्‍बाक् ओछेक्‍छेक् चोगानि, पोङ्‌भोने हिट्‌नागाँ खानि मालाबिउङ् आड्‌डा आदालातङि माखाट्‌टिटि, हिट्‌नुङ् याहुदिचिगा छुम्‍मापाङ्‌ङि माखाट्‌टिउङ् मालेम्‌सिटि॥ खानिङा आङि बिस्‍वास आचोगुम्‍नाँ खानि सासाक्‌चि हिट्‌नुङ् हाङ्‌बाचि सोरि चा माखाट्‌टिटि, हिट्‌नुङ् खानिङा आङाना बारेङि गाबाइ पिमा कोन्‌युक्॥

लुका 21:24

साट्‌टुरचिङा आम्‍टेप्‍मा याप्‌मिचि चेप्‍साङा ओचेप्‍टु ओसेडुचिचि हिट्‌नुङ् आरु लोङ्‌साम्‍बाक् याप्‍मा देसङि ओछाक्‍टुचिउङ् ओखाट्‌टुचिचि॥ पानिछोङ्‌बाचिगा बेला मिलाट्‌ङे सोम्‍मा हिट्‌नागाँ यरुसलेम खालाङ्‌गा चियोप्-यायोप् ओयेप्‍टुटु॥

१ थेसालोनिकि 2:16

हिट्‌नागाँ आन्‍याँलाउङ्‌सा पानिछोङ्‌बाचि लाउङ्‌सा मुक्‌टि टोक्‍माना रिङ् पारचार चोक्‍मा याप्‌मि छाक्‍मा ओकोले॥ नाड्‌डे ओचोगुङ् हिट्‌नागाँ सोरोक् पाप चोक्‍सा ओखाडे॥ टरो आखेरिङि माङ्‌हाङ्‌ङाना ओरेक् हिट्‌नागा उठुङ्‌ङि ठाइसे॥

पारकास 16:18

हिट्‌ना बेला डोक् बिजुलि ओम्‍से, टाङ्‌साङि घुरुङ्‌बा लोसे, हिट्‌नुङ् आड्‌डिक् ठेना लुट्‌लेमा खाडे॥ नाराङि याप्‌मिचि सिरिस्‌टि उलिसागा बेला नुङ् नाड्‌डेना आड्‌डिक् किप्‍माडुङ् ठेना लुट्‌लेमा याप्‌मिचिङा काइले चा उनिसुन्‍गेट्‌टुन्‍ना डाना॥

पारकास 7:14

हिट्‌नुङ् आङा लोडुङे, “आडाङ्‌बा, आङा ठाहा टोक्‌निङ्‌ना, हिट्‌नागा साक्‌चि नुङ् खान्‍ङा डोक् ठाहा आटोगुटु॥” हिट्‌नुङ् उन्‍ङा आङा याङ्‌लोडे, “नागाउम् माङ्‌ठेना याङ्‌छामा ओआङ्‌डुङ् ओटायागा याप्‌मिचि ए॥ हिट्‌नागाँ आ-आप्‍पे उन्‌चि लोट्‌लिङ् थुमाङाना ओहेलिक्‌ङा ओवासिडुङ् फुट्‌टुम्‍बुरि ओचोगुएसुए॥