मात्‌ति 21:11 - आठपहरिया

¹¹ खिमेयाङ्‌मेङि उलिसागा याप्‌मिचिङा ओमाट्‌टुए, “उन् टे गालिलङिना नासारातलाम्‍मा टायाना माङ्‌काटा येसु ए॥”

मात्‌ति 21:11 ပူးပေါင်းရင်းမြစ်များ

मात्‌ति 2:23

हिट्‌नुङ् उन् नासारात ओलोडुना युक्‍ताम्‌ङि खाडाउङ् युङे, नाड्‌डेउङ् माङ्‌काटाचिङा “उन् नासारि लोडुम्‍टुम्” पिक्‍सा ओमाट्‌टुना रिङ् युडे॥

मात्‌ति 21:10

जब येसु यरुसलेम भिट्‌रा लिगे, ख्‍वाप्‍पा खालाङ्‌गाङि खालाङ्‌बालाङ् मुक्‍टे हिट्‌नुङ् याप्‌मिचिङा ओमाट्‌टुए, “ना साइना हाउ?”

मात्‌ति 21:26

टरो ‘याप्‌मिचिलाम्‍मा’ लोडुम् भोने, आनि याप्‌मिचिलोक् किट्‌टिएसिए, पोङ्‌भोने सोब्‍बेङा युहान्‍ना माङ्‌काटा नुङ् बिस्‍वास ओचोगुना॥”

मात्‌ति 21:46

हिड्‌डेउङ् हिट्‌नागाँ उन् लाप्‍माना निङ्‌ग्‍वा ओचोगुए, टरो हिट्‌नागा याप्‌मिचिगा खिमेयाङ्‌मेलोक् उकिट्‌टे, पोङ्‌भोने याप्‌मिचिङा उन् माङ्‌काटा नुङ् उमिट्‌टुएसुना॥

मारकुस 6:15

टरो आरुङाम्‍बाक् “ना एलिया ओलोडुना माङ्‌काटा रैछो” ओमाट्‌टुए॥ आझा आरु याप्‌मिचिङाम्‍बाक् “आच्‍छोगा माङ्‌काटाचि गाड्‌डे डोक् ठिबाङ् माङ्‌काटा होन्‍डेना रैछो” पिक्‍सा ओमाट्‌टुए॥

लुका 13:33

टरो आङा हाट्‌ले हान्‍डेङ् हिट्‌नुङ् छिङ्‌डेङ् सोम्‍मा आटोॽवा चोक्‍मा हिडुङ्‌टुङ् हिट्‌नुङ् यरुसलेमलेङ् खाप्‍मा डोक् कोन्‌युक्, पोङ्‌भोने यरुसलेम नुङ्‌ना भारा आरु डेन्‌ङि माङ्‌काटा सेप्‍मा लिनिना॥

लुका 24:19

येसुङा सिलाप्‍टुचे, “खोड्‌डेना रिङ् हाउ?” हिट्‌नागाचिङा लोडाचुए, “नासारातङिना येसुङाना रिङ् गो॥ उन् माङ्‌हाङ् हिट्‌नुङ् सोब्‍बे याप्‌मिचिगा टोकानाङि आड्‌डिक् ठेना डोङ् ठोङ्‌डिना टोॽवा काचोक्‍बा हिट्‌नुङ् लुम्‍बोक् लोसिना रिङ् काहिसिक्‍बा ठिबाङ् माङ्‌काटा याप्‌मि डाना॥

लुका 7:16

हिट्‌नि सोब्‍बे याप्‌मिचि उकिट्‌टे हिट्‌नुङ् माङ्‌हाङ्‌ङाना उनिङ् चोन्‍सा नाड्‌डे उपिगे, “आनि माझै चा ठेना ठिबाङ् माङ्‌काटा टाइसे॥” हिट्‌नुङ् फेरि चा उपिगे, “माङ्‌हाङ् आप्‍पे ओयाप्‌मिचि घुवार फासिङा टाइसे॥”

लुका 7:39

हिट्‌नुङ् येसु छेम्‍डुना फारिसि याप्‌मिङा हिट्‌नाडेना निसुङ् उनिङ्‌ग्‍वाङि मिट्‌टे, “ना याप्‌मि छेम्‍बा डोक् माङ्‌काटानाम्‍बे उन् काखोट्‌बा खोड्‌डे पाराना मेन्‍झेमानुङ्‌बे मिसेन् निसुए, पोङ्‌भोने ना मेन्‍झेमा पापिनि डाना॥”

युहान्‍ना 1:21

हिट्‌नागाँ उसिलाप्‍टुए, “हिड्‌डे भोने खान् साइना टे? पाक् खान् एलिया इ?” उन्‍ङा लोडुचे, “आङा माखाक्॥” हिट्‌नागाँ उसिलाप्‍टुए, “पाक् खान् माङ्‌काटा इ टे?” उन्‍ङा लोडुचे, “माखाक्॥”

युहान्‍ना 1:25

हिट्‌नुङ् हिट्‌नागाँ युहान्‍ना उसिलाप्‍टुए, “खान् खिरिस्‍ट चा माखाक्, एलिया चा माखाक्, माङ्‌काटा चा माखाक् भोने, पोङ् बाप्‌टिस्‍मा आपिडुचिचिगा टे?”

युहान्‍ना 4:19

हिट्‌ना सामारि मेन्‍झेमाङा लोडुए, “काहिसिक्‍बा, खान्‌उम्‍टे माङ्‌काटा नुङ् आङा ठाहा टोगुङ्‌टुङ्॥

युहान्‍ना 6:14

जब उन्‍ङा चोगुना ना डोङ् ठोङ्‌डिना चिन्‍ना उनिसुए हिट्‌नुङ् हिट्‌नागा याप्‌मिचिङा ओमाट्‌टुए, “छेम्‍बा डोक्, नाराङि टाना माङ्‌काटा उन् डोक् ए॥”

युहान्‍ना 7:40

येसुङाना उरिङ् ओखेम्‍सुङ् कोइ-कोइ याप्‌मिचिङा ओमाट्‌टुए, “ना याप्‌मिउम् छेम्‍बा डोक् आन्‍याँ हाङ्‌सुएट्‌टुम्‍माना माङ्‌काटा डोक् ए॥”

युहान्‍ना 9:17

हिट्‌नागाँ फेरि हिट्‌ना याङ्‌कानिनिबा याप्‌मि उसिलाप्‍टुए, “हिट्‌ना याप्‌मिङा कामिक् नुमानिङ् चोगुए, हाट्‌ले हिट्‌ना याप्‌मिङाना बारेङि खान् पाक् आपिक्‌युक्‍ना?” हिट्‌नाङा लोडुचे, “उन् माङ्‌काटा ए॥”

मुलिचेला टोॽवा 7:37

“ना मोसाङा डोक् इस्‍राएलि याप्‌मिचि नाड्‌डे लोडुएसुचिगा, ‘माङ्‌हाङ्‌ङा आङा गाड्‌डेना माङ्‌काटा खानिगा आप्‍पे याप्‌मिचिलाम्‍मा खानि लोङ्‌सा ठिबाङ् माङ्‌काटा पाङ्‌सुटु॥’