मात्‌ति 20:34 - आठपहरिया

³⁴ येसुङा हिट्‌नागाचि लुक्‍मा टुक्‍टुचिउङ् उन्‌चि मिक्‌ङि खोट्‌टुबिडुचे, हिट्‌नुङ् हिट्‌ना बेला डोक् हिट्‌नागाचिङा याङ्‌निसाचुए हिट्‌नुङ् उन् ओएङ्-ओएङ् खाडाचे॥

मात्‌ति 20:34 ပူးပေါင်းရင်းမြစ်များ

मात्‌ति 14:14

येसु नाउलाम्‍मा भारा होन्‍डानाँ जोम् याप्‌मिचिगा खिमेयाङ्‌मे उन्‍ङा निसुए॥ याप्‌मिचिगा खिमेयाङ्‌मे निसुचिउङ् हिट्‌नागा लुक्‍मा टुक्‍टुचे, हिट्‌नुङ् हिट्‌नागालोक् उलिसागा उटुगागा याप्‌मिचि नुमानिङ् चोगुचे॥

मात्‌ति 15:32

हिट्‌नुङ्‌ना येसुङा ओचेलाचि उन् सोरि छेम्‍डुचिउङ् लोडुचे, “नागा याप्‌मिचि निसुङ्‌चिङुङ् आङाना आड्‌डिक् आलुक्‍मा टुगाइसे, पोङ्‌भोने नागा आङालोक् ओवासागा हाट्‌ले सुम्‍बोक् लेम्‍बा लिमैडे, हाट्‌ले नागालोक् चामा-ठुङ्‌मागा थोक् पाक्‍चा वाइना॥ आङा नागा याप्‌मिचि पाक्‍चा मिचेट्‌ङे पाङ्‌निङ्‌चिङ्‌गा॥ नाभाम्‍टे हिट्‌नागा पाङ्‌लेङ् ओखाट्‌युगेट्‌ना बेला लाम्‍बोङि फाङ् उलियुक् होला॥”

मात्‌ति 20:33

हिट्‌नागाचिङा माट्‌टाचुए, “डाङ्‌बा, आन्‍च्‍याँ याङ्‌निमा उहिचुङा॥”

मात्‌ति 21:1

जब येसुलोक् ओचेलाचि यरुसलेम नेट्‌टाङ् जैतुन झोन्‍झोन्‍बाङिना बेथफागे ओलोडुना डेन्‌ङि ओटासुए, टब येसुङा इप्‍पाङ् ओचेलाचि नाड्‌डे पिक्‍सा पाङ्‌सुचे,

मात्‌ति 8:15

येसुङा हिट्‌नाङाना उमुक्‌ङि खोट्‌टुए हिट्‌नुङ् जोरोङा लेडुएट्‌टुए॥ हिट्‌नुङ् हिट्‌ना मेन्‍झेमा कोबाउङ् उन्‍ङाना सेवा चोग्‍मा ठालाँ चोगुए॥

मात्‌ति 9:29

हिट्‌नुङ् येसुङा हिट्‌नागाचिगा उन्‌चि मिक् खोट्‌टुङ् लोडुचे, “लु हिड्‌डे भोने खान्‌चिङा आचोगाचुगा बिस्‍वास गाड्‌डे डोक् खान्‌चि लोङ्‌सा उलियाक्॥”

मात्‌ति 9:36

याप्‌मिचिगा खिमेयाङ्‌मे निसुङ् उनिङ्‌ग्‍वा टुगे॥ पोङ्‌भोने हिट्‌नागा गोठाले मालेगा ठुँबाचि गाड्‌डे याङ्ओछाडागा हिट्‌नुङ् पाक्‍चा चोक्‍मा उहिनिगा गाड्‌डे उलिसाइसागा॥

मारकुस 7:33

येसुङा याप्‌मिचिगा खिमेयाङ्‌मेलाम्‍मा हिट्‌ना याप्‌मि चिपा याम्‍बा खाट्‌टुए॥ हिट्‌नुङ् हिट्‌नाङाना उनुभेक्‌ङि येसुङा ओआङ्‌गुलि ठेन्‍डुए, हिट्‌नुङ् उन्‍ङा ठ्‌या ठोक्‍टुए हिट्‌नुङ् हिट्‌नाङाना ओलेक्‍फाङि खोट्‌टुबिडुए॥

लुका 18:43

हिट्‌ना बेला डोक् हिट्‌नाँ निसुए हिट्‌नुङ् माङ्‌हाङ्‌ङाना उनिङ् चोन्‍सा येसुङा ओएङ्-ओएङ् खाडे॥ ना लिसाना रिङ् सोब्‍बे याप्‌मिचिङा उनिसुङ् माङ्‌हाङ्‌ङाना उनिङ् ओचोन्‍डुए॥

लुका 22:51

टरो येसुङा हिट्‌नागा लोडुचे, “लिसे, चुङ्‌मा नाडानुम्॥” पिक्‍सा हिट्‌ना याप्‌मिङाना उनुभेक् खोट्‌टुङ् नुमानिङ् चोगुबिडुए॥

लुका 7:13

येसु डाङ्‌बाङा हिट्‌ना लाङ्‌मेप्‍मा निसुनाङा उनिङ्‌ग्‍वा टुगे, हिट्‌नुङ् “खान् हाप्‍नेन्” लोडुए॥

मुलिचेला टोॽवा 26:18

खान्‍ङा हिट्‌नागा याप्‌मिचिगा मिक् ओङ्‌सुबिडुचि, हिट्‌नुङ् हिट्‌नागा डुम्‍बारिक् डुम्‍लाम्‍मा व्‍हाङ्‌ङि हिट्‌नुङ् सैतानङाना ओसाक्‌तिलाम्‍मा माङ्‌हाङ्‌ङि ओनोक्‌याक्॥ हिट्‌नुङ् माङ्‌हाङ्‌ङा हिट्‌नागाँगा पाप टुगुबिडुचिचि, हिट्‌नुङ् हिट्‌नागाँ माङ्‌हाङ्‌ङि बिस्‍वास ओचोगुनाँ उन्‍ङा सेगुचिगा ओयाप्‌मिचिलोक् साङ्‌गाटिङि युङ्‌मा ओटोगुटु॥’

हिब्‍रु 2:17

हिड्‌डे लिसाउङ् सोब्‍बे रिङ्‌ङि उन् आप्‍पे उम्‍भु-उन्‍झाचि गाड्‌डे लिमा कोले॥ नाड्‌डेउङ् माङ्‌हाङ्‌ङाना सेवा चोक्‍माना रिङ्‌ङि उन् दाया काचोक्‍बा हिट्‌नुङ् बिस्‍वासिलो सानिङ्‌डाङ्‌बा लिमाहिना लिसे॥ हिट्‌नुङ् आनि पाप छेमा पिमाउङ्‌सा उन् आप्‍पेङा भोक् चोगुए॥

१ पाटरुस 3:8

आखेरिङि लोनाँनि, खानि ख्‍वाप्‍पाङाना निङ्‌ग्‍वा ठिक्‍ए लिमा कोन्‌युक्॥ ठिबाङ्‌ङा आरकोङाना निङ्‌ग्‍वाङिना रिङ् बुजा चोक्‍मा कोन्‌युक्॥ भुम्‍भु-झान्‍झाचि हिट्‌नुङ् नाना-झान्‍झाचि गाड्‌डे ठिबाङ्‌ङा आरको माया चोग्‍गा चोक् चोगानि॥ हिट्‌नुङ् लुक्‍मा काटुक् लोक् मेयोक् लिसानि॥