मात्‌ति 20:27 - आठपहरिया

²⁷ हिट्‌नुङ् खानिङि पाइले लिमा निङ्‌ग्‍वा काचोक्‍बा खानिङाना सेवा चोक्‍मा कोन्‌युक्॥

मात्‌ति 20:27 ပူးပေါင်းရင်းမြစ်များ

लुका 22:26

टरो खानिम्‍बाक् नाड्‌डे पारागा याप्‌मिचि लिमा लिनेनिन्, खानि माड्‌डेङि ठेना लिना कोन्‍नाम्‍बाक् खाट्‌टिउना लिमा कोन्‌युक् हिट्‌नुङ् ओठेडोङ्‌म्‍बाक् चाकार गाड्‌डे लिमा कोन्‌युक्॥

२ कोरिन्‌थि 4:5

पोङ्‌भोने आन्‍याँ आप्‍पे आन्‍याँना बारेङि पारचार चोक्‌निम्‍माना, टरो येसु खिरिस्‍ट डोक् टाङ्‌बा नुङ् पारचार चोगुम्‍टुम्‍मा॥ आन्‍याँम्‍बाक् येसुङाना लोङ्‌सा खानिगा डोक् चाकारचि ए॥

मात्‌ति 18:4

हिट्‌डेउङ् साक्‍ङा आप्‍पेलाउङ्‌सा ना खाट्‌टिउना पिच्‍छा गाड्‌डे मेयोक् चोगुटु, हिट्‌ना याप्‌मि एरोक् टोनालोग्‌ङिना मुलुक्‌ङि सोब्‍बे नुङ्‌ना ठेना लियुक्॥

रोमि 1:14

पोङ्‌भोने आङालाउङ्‌सा खालाङ्‌गाङि उलिसागा याप्‌मिचि हिट्‌नुङ् युक्‍टाम्‌ङिगा याप्‌मिचि, पोढाँ उलिसागा हिट्‌नुङ् पोढाँ उलिनिगेट्‌निगा सोब्‍बे खाले याप्‌मिचिलाउङ्‌सा नुना खाबोर खेम्‍मेट्‌मा कार लाहाब् लिसेसाङे॥

२ कोरिन्‌थि 12:15

हिट्‌नुङ् आङालोक् लिसागा सोब्‍बे थोक् आड्‌डिक् हारकाङा खानि पिनाँनि हिट्‌नुङ् खानि लाउङ्‌सा आचोला चा पिडुङ्‌टुङ्॥ आङा खानि जोम् माया चोग्‍नानिगा भोने, पाक् आङाम्‍बाक् खाट्‌टिप्‍मा एडोक् माया आचोगिटिङागि टे?

२ कोरिन्‌थि 11:5

हिट्‌नागा ठेगा मुलिचेलाचि नुङ् उपिग्‍गा याप्‌मिचि नुङ्‌ना आङा खाट्‌टिप्‍मा चा खाट्‌टियुना नुङ् मिट्‌निङ्‌ना॥

मात्‌ति 20:26

टरो खानिङिउम्‍बाक् हिट्‌डे लिनिना॥ खानि माड्‌डे ठेना लिमा निङ्‌ग्‍वा काचोक्‍बाङा सोब्‍बेङाना सेवा चोक्‍मा कोन्‌युक्॥

मात्‌ति 20:28

हिट्‌डेडोक् याप्‌मि छा चा आरुलाम्‍मा सेवा टोक्‍मालोङ्‌सा माखाक्, टरो आरु सेवा चोक्‍मा हिट्‌नुङ् जोम् याप्‌मिचि छुट्‌कारा पिमा आप्‍पे ओसोक्‍मा लेट्‌मा लोङ्‌सा टायाना॥”