मात्‌ति 18:24 - आठपहरिया

²⁴ हिट्‌ना हाङ्‌बाङा हारहिसाब् लाडुना बेला ठिमेक् हाजार साम्‍मेङ्‌ङाना राङ् नाॽवा खाट्‌टुना ठिबाङ् चाकार उन् सोरि ओआप्‍टुए॥

मात्‌ति 18:24 ပူးပေါင်းရင်းမြစ်များ

मात्‌ति 18:23

हिट्‌डेउङ् टोनालोग्‌ङिना मुलुक् ठिबाङ् हाङ्‌बालोक् टोङ्‌मा हिडिम्‍टुम्, हिट्‌ना हाङ्‌बाङा ओचाकारचिङा उन्‌लाम्‍मा खाट्‌टुना नाॽवाङाना हिसाबकिताब हिट्‌नालाम्‍मा नाक्‍माना निङ्‌ग्‍वा चोगुटु॥

मात्‌ति 18:25

टरो हिट्‌ना याप्‌मिङा ओनाॽवा हुङ्‌मा हिडुवाट्‌टुन्, हिट्‌नुङ् ओडाङ्‌बाङा खान् आप्‍पे हिट्‌नुङ् ओपाङ्‌ढाङ्‌मा हिट्‌नुङ् ओछालेट्‌चि हिट्‌नुङ् हिट्‌नाङाना सोब्‍बे थोक्‌चि छोङ्‌सानुमुङ् नाॽवा हुङानुम् पिक्‍सा लोडुचे॥

मात्‌ति 25:15

उन्‍ङा ख्‍वाप्‍पा लोङ्‌सा उन्‌चि गाच्‍छे आनुसार ठिबाङ् लोङ्‌सा लेम्‍बोक् हाजार साम्‍याङ्‌ङाना राङ्, आरको इप्‍पोक् हाजार साम्‍याङ्‌ङाना राङ् हिट्‌नुङ् आरको ठिबाङ् लोङ्‌सा ठिक् हाजार साम्‍याङ्‌ङाना राङ् पिडुढोचिउङ् खाडालेट्‌टे॥

मात्‌ति 25:16

हिट्‌नुङ् लेम्‍बोक् हाजार साम्‍याङ्‌ङाना राङ् टोगुनाङा हिट्‌ना बेला डोक् खाडाउङ् बेपारङि लाहाब् चोगुएट्‌टुए हिट्‌नुङ् हिट्‌नालाम्‍मा आरु लेम्‍बोक् हाजार साम्‍याङ्‌ङाना राङ् कामाँ चोगुए॥

मात्‌ति 25:20

हिट्‌नुङ् लेम्‍बोक् हाजार साम्‍याङ्‌ङाना राङ् काटोक्‍बा चाकारङा आरको लेम्‍बोक् हाजार साम्‍याङ्‌ङाना राङ् टाडुङ् नाट्‌डे लोडुए, ‘आडाङ्‌बा, खान्‍ङा आङा लेम्‍बोक् हाजार साम्‍याङ्‌ङाना राङ्‌ङाना जिम्‍मा याङ्आपिडाइसाङ्‌ना॥ पुयुटे, आङा आरु लेम्‍बोक् हाजार साम्‍याङ्‌ङाना राङ् कामाँ चोगुएसुङे॥’

मात्‌ति 25:22

“हिट्‌नुङ्‌ना इप्‍पोक् हाजार साम्‍याङ्‌ङाना राङ् काटोक्‍बा चा आबाउङ् लोडुए, ‘आडाङ्‌बा, खान्‍ङा आङा इप्‍पोक् हाजार साम्‍याङ्‌ङाना राङ् याङ्आपिडाइसाङ्‌ना॥ पुयु, आङा आरु इप्‍पोक् हाजार साम्‍याङ्‌ङाना राङ् कामाँ चोगुङ् टाडुएसुङे॥’

मात्‌ति 25:24

“हिट्‌नुङ् ठिक् हाजार साम्‍याङ्‌ङाना राङ् काटोक्‍बा चा आबाउङ् लोडुए, ‘आडाङ्‌बा, खान्‍ङा आलेट्‌टुन्‍गेट्‌टुन्‍ना स्‍वाँरालाम्‍मा काहेग्‍बा हिट्‌नुङ् आहिसुन्‍गेट्‌टुन्‍गा चासोङ् चा काछुम्‍बा खान् काठोर याप्‌मि नुङ् आङा ठाहा टोगुङ्‌ना॥

लुका 13:4

आथाबा सिलोआमङि केना पाङ् होडाउङ् फुक्‍टुसेडुचिगा आठार जाना याप्‌मिचि चा यरुसलेम खालाङ्‌गाङिगा याप्‌मिचिङि माड्‌डे सोब्‍बे नुङ्‌ना पापिचि नुङ् आमिट्‌टिटिगि?

लुका 16:5

“हिट्‌नुङ्‌ना हिट्‌ना कोटेरिबाङा ओडाङ्‌बाङाना नाॽवा ओखाट्‌टुगा लोङ्‌सा ठिबाङ् ठिबाङ् चोक्‍सा छेम्‍डुचे, हिट्‌नुङ् पाइलेना याप्‌मि सिलाप्‍टुए, ‘खान्‌लोक् आडाङ्‌बाङाना नाॽवा खोट्‌टेप्‍मा केङ्‌ग्‍वाना?’

लुका 16:7

“हिट्‌नुङ् हिट्‌ना कोटेरिबाङा आरको सिलाप्‍टुए, ‘खान्‍ङा आम्‍टेप्‍मा नाॽवा हुङ्‌माना युङ्‌ग्‍वाना?’ हिट्‌ना याप्‌मिङा माट्‌टुए, ‘आङा ठिक् हाजार पाटिडालि गाहुँ नाॽवा हुङ्‌माना केङ्‌ग्‍वा॥’ हिट्‌नुङ् हिट्‌ना चा लोडुए, ‘काभोरपाइङि एला याङ् साए पाटिडालि छेप्‍टु॥’